Хальмг номтнрин күцәмҗ

Вчера, 11:18 | Общество, Таңһчин зәңгс, Зіњг, Бурхн-шаҗна төрәр

Б.Б. Городовиковин нертә Хальмг ик сурһулин номтнр бурхн-шаҗна сурһуль-эрдмиг болн номин шинҗллтиг дөңнлһнә саңгин марһанд диилвр бәрв. Шаҗна төрәр шинҗллт кеһәд, номта үүдәврмүд орчулхин туст марһан зарлгдсн билә. Марһанд эврә шинҗллтән орулснь – тууҗин номин доктор, «Евразийин делкәд өөрднр болн хальмгуд» гидг нарт-делкән номин-шинҗллтин төвин седкүлин ах редактор Бадмин Екатерина, номин хойр профессор Бичән Баазр болн Улана Мергн, филолог номин кандидат Менян Бадм болв.
Бурхн-шаҗна ном тархалһнд, шаҗна сурһуль-эрдмиг дөңнлһнд туслҗадг эн саң номтнрин үүлдврт туслдгнь чинртә. Бурхн Багшин номта үүдәврмүд орчуллһнд шаҗна сурһулин халхар көтлврмүд белдлһнд саңгин дөң кергтә болҗана. Улсин сойлын зөөр хадһллһна туст кеҗәдг көдлмштән хальмг номтнр тиигәд эн саңгин дем авснь цаарандк үүлдвртнь урмд өгчәнә.
УШКАНА Сувсн

Видео