Ончта өдр болв

Сегодня, 13:26 | Общество, Таңһчин зәңгс, Зіњг

Үкр сарин 15 мана таңһчд ончта өдр гиҗ келх кергтә. Эн өдр Советин Союзин Баатр Басан Бадьминович Городовиковин һарсн өдр мөн. Терүнәс нань барин көдләчнр сән Өдрән темдглнә. Онц темдглхәс, Хальмг Таңһчин Толһач Хаска Батун эк Фирюза Шарифуллаевна һарсн өдрән бас темдглв.
Хальмгин Толһач Хаска Бату өдгә цагт Б.Б.Городовиковин туск санлынь нег һазра улс әрүнәр хадһлҗ йовхиг темдглв. Тер мет цергә болн олна үүлдвринь олнд тодлулсн болдг. Терүнәс нань таңһчин барин ветеранмудыг болн эндр үүлдҗәдг көдләчнриг сән Өдрләнь йөрәв.
Тер өдр «Кубок Джунгара» нертә хоккейин марһана һурвдгч девсң эклв. Хаска Фирюза наадыг ирҗ хәләһәд, көвүһән дөңнв.
– Чинртә наадыг ирҗ хәләсн экән һарсн өдрләнь әрүн седкләсн йөрәҗәнәв. Мана өрк-бүлин авг-бәрциг әрүнәр хадһлҗ йовнавидн, тер мет эврәннь үрдтән заанавидн. Оньган болн килмҗән маднд даңгин тусхадг эңкр экдән ханлтта бәәнәв, – гиҗ Бату Сергеевич темдглсн болдг.
ОЛЬДАН Цаһан