Дала ламин гегінд ут нас дурдљ

22-05-2019, 12:08 | Таңһчин зәңгс » Бурхн-шаҗна төрәр

Ґцклдўр «Калмыкия» РИА-н барин Цутхлњд болсн брифингд Ірісід, Моњєлд болн СНГ-н орн-нутгудт Дала ламин гегіні кўндті элч, Хальмгин шаљн лам Тэло Тулку ринпоче, тањєчин сойлын болн туризмин министрин ўўл дааљадг Хонгор Эльбиков, «Хамдан» телеўзлин журналист Геннадий Корнеев орлцв. Кўндті гиичнр Дала ламин гегіні ик сурєальд одсна, мана тањєчд бурхн-шаљна халхар болх керг-ўўлдврмўдин болн Ўрс сарин кемд болх мґргўлин тускар келљ ґгв.
Шашљ лам Тэло Тулку ринпоче кўўндврин эклцд Дала ламин гегін Энткг орн-нутгт Ірісін імтні тґлі номин ціілєвр ґгсні тускар келв. «2009 љиліс авн Дала ламин гегін мана орн-нутгин улсин тґлі номин сурєаль давулљана, тегід эн ірўн чинрті харєлтс бўрдігдід дигті арвн љил болљана. Дала ламин гегін дґрв дікљ Рига балєснд номин сурєаль давулљ, бурхн-шаљнд иткдг улсла харєсмн. Эн љил Дхармсалад болсн номд ут тоодан 1119 кўн орлцв, тедніснь Хальмг Тањєчас 291, Бурятяс – 219, Тываєас -104 кўн одв. Љил болєн хальмг элчнрин то цугтаєаснь ик болдгнь байрта йовдл болна. Эн харєлт ґґдін кемљінд давулгдв, ямаран чигн кемтг учрсн уга. Одахн Дала ламин гегін гемнсн билі, тегід невчк бийнь тас уга болв чигн номин сурєаль зуралгдсн кемдін давулгдв»,- гиљ шаљн лам келв.
Май сарин 23-д Цутхлњ хурлд Дала ламин гегінд ут нас дурдљ, ик мґргўл болхин тускар шаљн лам келід, цугтан терўнд орлцтн гисн дуудвр кев. Ода цуг нарт-делкід шар шаљнд иткдг улс Дала ламин гегіні эрўл-мендин тґлі ном умшљ, мана Багш гем-шалтг уга сін бііхин тґлі мґргўл давулљана.
- Одахн «Калмыкия» РИА-н журналист Цагана Убушаева Ірісін Президент В.Путинд Дала лам мана орн-нутгур баралхљ ирхиг шар шаљнд зўсглдг олн улс кўліљіхин тускар сурснд би ханлтан ґргхір седлів. Эн тґриг хаєлхин тґлі арв шаху љилдін Ірісін МИД-ын хайгар бичљ, мана Багшд ирх зґв ґгхин тґлі аєу ик кґдлмш кўціљінівидн. Эн љил Дала ламин гегін 84 нас наслхмн, тегід бидн мана тањєчур ирід, маднд ном хіірлхиг тењкін уга кўліљінівидн. Ц.Убушаева орн-нутгин єардачд сурвр ґгснь эн тґр хаєллєнд туслх гиљ ніілљінів,- гиљ шаљн лам Тэло Тулку ринпоче келв.
Эндр Хальмгин шаљн лам Лагань балєснд 21 Діркин бумблв ірўслєні мґргўл кўціхмн, июнь сарин 2-т Ик Буурла Хомутниковский селінд бурхн-шаљна комплекс секлєні байрин керг-ўўлдврт орлцхмн. Майин 27-д мана тањєчур Кунделинг лам баралхљ ирљ, бас ик мґргўл болн ном сурєаль ґгхмн. Июнь сарин 4-д Ўрс сар эклљіні, энтн ірўн чинрті кем болљана, тегід буйнч седклті керг кўціљ, уга-яду улст дґњ кўргљ, эн сарин эргцд эрўл-менд авг-бірцір бііљ, бийін чикір бірх кергті. Июнин 8-д 18 часла єурвн эрдньд кґгљмин белг нерідлєні керг-ўўлдвр болхмн. 2015 љилд эн фестиваль тўрўн болљ давулгдсн билі, 2020 љилд 1000 кґгљмчин концерт бўрдіх санан бііні. Июнь сарин 17-д Бурхн Багшин тґрљ єарсна ґдр темдглх, эн ґдр Цутхлњ хурлд бас ик мґргўл болхмн гиљ кўндті гиичнр ціілєвр ґгв.

Наталья ДАВАЕВА

Видео