Җил болһн хөн сарин 15-д цуг нарт-делкәд өрк-бүлин Өдр темдглнә. Эн өдриг өрк-бүлмүдин төрмүдт һол оньг тусхахин төлә зарлсн болдг. Тернь учрта, юңгад гихлә өрк-бүл бат болн ниитә болхла, төрскн һазрнь, орн-нутгнь делгрәд, өргҗәд йовхнь лавта. Хальмг улс ик кезәнәс авн олн үртә бәәсмн, өрк-бүлнь өнр-өсклң, кесг үйнь хамдан ниитә бәәдг авъяс эндр чигн батрҗахнь темдгтә.

Элстд «Әрәсән келн улсин дегтрмүд» гидг нертә дегтрин яарм болв.
Таңһчин хотл балһснд болсн дегтрин яарм олн улсиг соньмсулв. Әрәсән Президент Владимир Путинә даалһврар сойлын эн керг-үүлдвр күцәгдсмн. А. Амр-Санана нертә Келн-улсин дегтрин саңгин болн Әрәсән дегтр һарһачнрин бүрдәцин хамцу үүлдврин ашт иим яарм давулгдв. «Әрәсән келн-улсин дегтрмүд» гидг яарм бүрдәлһнд Хальмг Таңһчин сойлын болн зуульчллһна министерств дөңгән күргв.

Найн негн җил хооран хөн сарин 9-д Улан Әәрмин салдсмуд, тер тоод хальмг баатрмуд, Алдр Диилвр бәрҗ Берлинә рейхстагд Советин Союзин улан туг делскв. Тер ончта өөнд нерәдҗ Элстд Хальмг сойлын Төвд таңһчин колледжмүдин үүдәлтин III наадм болв. Ут турштан 10 колледжин оютнр дууна, бииһин, шүлгүд умшлһна, театрин наадна марһаст орлцв.

Участники федерального проекта «Лица дружбы» – педагоги и обучающиеся Городовиковской многопрофильной гимназии им. Б.Б. Городовикова и Нижненагольчикской средней школы им. В.В. Шевченко (ЛНР) приступили к совместному проекту «Один день немирной жизни в городе Городовиковске и поселке Нижний Нагольчик».

Хальмг Таңһчин Улсин Хуралын (Парламентин) Ахлач Артем Михайлов эн өдрмүдт Санкт-Петербург балһснд Әрәсән Федерацин Хүүвин медлд үүлддг зака үүдәһәчнрин Хүүвин керг-үүлдврмүдт орлцв. Әрәсән Орн-нутгин Хүүвин 120 җилин өөнд нерәдгдҗәдг керг-үүлдврмүдин йовудт Әрәсән зака үүдәһәчнрин Хүүвин Президиумин сүүр болн комиссьмүдин селвлцән болв.

Хөн сарин 1-д мана орн-нутгт хаврин болн күч-көлснә байр темдглнә. Сән авъяст тохрсар, Әрәсән балһсдт болн селәдт байрин керг-үүлдврмүд бүрдәгдҗ, әмтн хамдан сергмҗтәһәр амрна. Әрәсән Президентин зәрлгәр мана орн-нутгт улсин ниицлтин җил болҗахас иштә эн сән өдр хойр дам чинртә болв. Олн келн-улс ниицлтән медүлҗ, хаврин байриг хамдан темдглҗ, билг-эрдмән үзүлхмн.

Моһа сарин чилгчәр хам-хоша бәәдг Дагестан Республикд ик хур орад, һолмуд дүүрәд, гермүд уснд авгдад әәмшгтә бәәдл тогтв. Олн-әмтн гер-бүүр уга үлдв, кесгнь әмнәсн хаһцв гисн һундлта зәңг ирв. Мана орн-нутгин әмтн ямр чигн зеткрлә харһсн цагт даңгин кен-негән дөңнәд нөкд болхар шунна. Әрәсән регионмудт шишлң әңгүд секгдәд, Дагестана улст дөң цуглулгдв. Нег үлү мана таңһчин улс эн кергт шунмһаһар орлцсинь бас темдглх кергтә.
Одахн Хар Һазра района муниципальн бүрдәцин толһач Болдра Валерийин седвәрәр ирлцңгү тоот цуглулгдад, Хасавюртовск районд йовулгдв. Бәәрн улс хувц-хунр, ор-дер, көнҗл, хот-хол, цевр ус, өдр болһн олзлдг эд-тавр болн талдан тоот тиигәрән авч одв. Хар Һазра района арһлачнр, селәнә эдл-ахун бүрдәцсин һардачнр болн фермермүд олна кергт бас орлцв. Темдглхәс, Адг селәнә фермермүд тохма 83 хө Дагестанд йовулв. Хар Һазра РМО-н толһачин дарук Мукөвүнә Санл болн «Коммунальный сервис» бүрдәцин һардач Дорҗин Айс буйнч аца тиигәрән күргв.
Дагестан Республикин һардвр седвәртә арһлачнрт, таңһчин бүрдәцст, демән өгсн буйнч седклтә цуг улст ханлтан өргв. Мел тиим амр биш цагла нег-негндән түшг болх кергтә. Ахнр-дүүнр болҗадг Дагестана улст тесвртә бәәхиг дурдҗанавидн. Әрәсән улсин ниицлтин җил зарлгдснас иштә бидн цуһар хоорндан ахнр-дүүнр мет байр-зовлңган әдл хувалцҗ, ниитәһәр бәәх зөвтәвидн.
ОЛЬДАН Цаһан

Эн җил Чернобылин АЭС-т зеткртә йовдл учрсн цагас авн дигтә 40 җил болв. Җил болһн мөрн сарин 26-д санлын Өдрт нерәдҗ мана орн-нутгин балһсдар тер болн селәдәр тер аюлын аш уга келһнд орлцсн улсин санл тевчҗ митингүд, харһлтс болна. Залу-зөрмгән үзүләд, аюлын аш уга келһнд орлцсн улсин ач-тус темдглҗ, ачлвр бәрүлҗ өгнә.

В связи с приближающимися майскими праздниками часть калмыцких пенсионеров досрочно получит пенсии и ежемесячные денежные выплаты за май.
29 апреля получили выплату за май пенсионеры, которым пенсия обычно приходит через банк 4-го числа месяца. Если вместе с пенсией приходят другие выплаты Отделения Соцфонда, они тоже будут перечислены досрочно. Все средства придут автоматически.

Родовый сертификат позволяет оплатить услуги женской консультации, медицинскую помощь во время родов и в послеродовой период, а также профилактические осмотры детей до года. Всего такими услугами с начала года воспользовались более 500 женщин региона.