Сурєульчнрт нерідсн шин тґсв

22-10-2019, 10:38 | Таңһчин зәңгс » Сойл

Н.Пальмовин нерті Келн-улсин музей сурєульчнрт нерідсн шин тґсв ўўдів. «Музейный код. Я экскурсовод» гиљ нерідгдсн тґсв бичкдўдиг школд орсн кеміснь авн музейин ўўлдврлі таньлдулх кўцлтієір секгдсн бііні.
Эн сурємљин чинрті ик тґсвиг єардљ кўціљіх музейин директорин дарук Ирина Новомлинован келсір, кўўкд-кґвўд бичкнісн авн искусствла таньлдљ ґстхі гисн ик тґриг музейин кґдлічрн тиигљ хаєлљана. Зу шаху љилин туршарт музей бичкн хілієічнрлі кґдлдг бає биш дамшлт хоршасмн. Байн тер дамшлтан олзлад, музейин кґдлічнр ґдгі цага шин эв-арє олзлхар шунљана. Цагин йовуд дахсн тиим нег программнь шидр эклід ўўлдв.
Хальмг этнокультурн гимназин, Хальмг келн-улсин гимназин, Элст балєсна 17-ч тойгта дундын школын сурєульчнр музейин эн тґсвд орлцљана. Музейин экспозицсин дґњгір сурєульчнрт тууљин йовдлмудын туск медрлиг гўўнір медўлх кўцл ґмнін тівљ ўўлдљіхин тускар Галина Сергеевна Чимидова келні. Наадна йовудт дўрмўд ўзўлљ, мультимедийн янз олзлљ, кўўндврт бичкн хілієічнриг орлцулљ, квест-наадна біідлті керг-ўўлдвр кўцілєн ода музейд йирини йовдл болљана. Насарн 7-с авн 14 кўрсн кўўкд-кґвўд шин тоотар соньмсдгинь, ямаран нег соньн зіњг медхір зўткдгинь тоод авад, музейин кґдлічнр ўўлдврін эклв. Сард эн кергт дґрвн час йилєгдљіні. Лекцсин, кўўндврмўдин, экскурсь-зуульчлєна болн интерактивн нань чигн янзар занятьс дављахмн. Музейин кґдлічнр Мария Дорджиева, Виктор Убушаев, Цаган Шарапова єурвн сарин туршарт занятьс давулљ, теднд сурєулин йовудт дґњ болх медрл ґгхір шунљана.
Музейин делкілі таньлдлєиг тууљас эклснь сін болх гиљ тоолад, сойлын-гегірлтин программ ухалљ єарєв. Олн зўсн тґрір сурєульчнрт ціілєвр ґгх болљ эдн темдглљ авв. Насна дигіс ишті эклц болн дундын школын сурєульчнрт музейин ўўлдврин туск медрл ґггдхмн болљана. Экологин тґрір соньн программс белдгдв. «Красная книга Калмыкии» гиљ тернь нерідгдні. «Я приведу тебя в музей» гидг іњгд музейин экспонатсин дґњгір сурєульчнрт тґрскн єазр-усна тускар келљ ґгхмн. Сентябрин 26-д программин эн іњгір сурєульчнрла кґдлмш эклв.
Йириндін болхла, шин эн тґсв диг-дараєар кўцігдљ, сурєульчнриг музейин ўўлдврлі, экспонатмудын дґњгір тууљин йовдлмудла, тґрскн єазрин байн зґґрлі болн нань чигн тоотла ґґрхн таньлдуллєн болљана. Талданар келхлі, энтн сурєульчнрт тґрскн єазр-усна тускар немр ик медрл ґглєн болљана. Школын программд орљах материал деер музейин экспозицсин дґњгір музейин кґдлічнрин єардврт сурєульчнр орн-нутгиннь болн тањєчиннь тускар сіінір, илір медљ авхмн. Музейд болљах харєлтс экскурсин, наадна, марєана болн нань чигн олн зўсн янзар давхмн. Цуг эннь сурєульчнрин соньмслтыг икдўлљ, медрлинь ґргљўлід, шин эрдмлі таньлдулхмн болљана. Цагнь ирід, кесгнь багшнр, экскурсоводмуд, номтнр, шинљлічнр болх, тер болн нань чигн медрлин эклц тоотыг эн программин йовудт сурєульчнр медљ авх. Аштнь сурєульчнр «Музейин хамгин сін экскурсовод» гидг марєанд орлцљ, дасч авсн медрлін ўзўлљ дипломсар болн ўнті мґрієір ачлгдхмн болљана. Эннь сурєульчнрт сін урмд ґгчіні. Программ љилин туршарт кўцігдхмн.

ЉИРЄЛИН Кермн

Видео