Кўн цааљллєна кемд

23-10-2019, 10:00 | Таңһчин зәңгс » Сойл

А. Амур-Санана нерті Келн-улсин библиотек умшачнр дунд олн зўсн керг-ўўлдвр кўціні. Дегтрин кґрњд ирдг улсин насна болн медрлин кемљієинь тоод авч, ўўлдвртін орлцулна. Багшнрин мергљлт ґґдлўллєні Хальмг институтла хамцу ўўлдід, селініс ирсн багшнриг библиотекд тосљ авч умшачнрин конференцд, соньн харєлтд, эс гиљ чинрті нег тґрір болљах кўўндврт орлцулна. Иигід институт болн библиотек багшнриг сойлын болн олна љирєлин халхд болљах йовдлмудла таньлдулна.
Октябрин 16-д библиотекд умшачнрин дарани конференц болв. Імтн оларн цааљллєнла харєсн цагт кўн болєн ямаран седклті болн ухата біісинь ўзўлљіх дегтрмўдин тускар кўўндвр болв. Сўл цагт барас єарсн тодлврин дегтрмўдлі умшачнриг таньлдулад, библиотекин кґдлічнр тиим дегтрмўд дунд хальмг тўўрвічнрин дегтр цґн бишинь заав.
Цааљллєна болн кесг тоотнь нуугдљ, љирєлд орман эс олсн йовдлмудын тускар кўн болєн чеељдін ямаран ухата біісинь медхд сўл цагт барас єарсн дегтрмўд медўлљіхин тускар умшлєна цутхлњгин єардач Зоя Наранова, Евгения Решетникова болн библиотекин нань чигн кґдлічнр ирсн улсла конференцд тодрха кўўндвр кев.
Ася Нахимовскаян «С верой, надеждой, любовью» гидг дегтрин, уданд тагчг бііљ келхір, олнд медўлхір седсн экиннь тодлвр умшхд амр биш. Александр Чудаковин «Ложится мгла на темные ступени» гидг дегтрт тууљин ўнн йовдлыг ўзўлсірн седкл авлна. Дікід болхла бичсн кўўні ухан-тоолвр илірн ўзўлгдсірн чеељд орад тодлгдад бііні. «Подстрочник» гидг дегтртін Л. Лунгина арвн негн љилдін кесн бичмр тодлвран барлснь ик чинрті йовдл болсмн. Кўўні тодлвр тиим болдгнь умшсн улсиг сўркі ўнн біідлірн авлсмн. Иим нерті кино чигн цокљ авгдсмн.
Тодлврин эн дегтрмўдин тускар эклід, цааранднь зурач Цебек Адучиев бичсн «Вблизи рассвета» гидг дегтрин тускар кўўндвр болв. Тўўрвіч бийнь ўг келљ, љирєлднь учрсн соньн харєлтсин тускар умшачнрт келљ ґгв. Эрнст Неизвестный, Михаил Шемякин, нань чигн зурачнрла харєсинь умшхд соньн. Дала ламин гегінд Хальмгин туск зурган белглхд болсн харєлтын туск тодлврарн умшачнрла хувалцв.
К. Кинзеева, О. Цебекова-Дорджиева, Г. Уланова, Р. Ганджгаева болн нань чигн улс кўўндврт орлцљ, ухан-тоолврарн хувалцв. Хальмгин ачта багш Г. Уланован келсір, тууврт йовхд бичкн кўўкд біісн імтн ода насна ик зууєинь авсна хґґн тер цагиг тодлљ бичљіхнь оньгт авх кергті. Тўрўн авгтан бичгдљісн дегтрмўдт тўрў-зўдў, імтні зовлњ ик зуудан тўрўн нўўрт єарчасн эн саамд болхла бичкн кўўні седкл хаљр йовдлла эс эвцлдсн бийнь тиим амр биш біідлд сіінір сурч, ўўрмўдісн ард ўлдлго, мел уралан зўткід йовснь ўзўлгдљіні. Тиим ўнн - седклин зўткмљірн ўўрмўд дундан, селіні улс дунд чикір ўнлгдљ йовснь, хґґннь ўўрмўд болад, тедні хар уга дґњгір чеељин зовлњ невчк баєрсинь медљ болхмн. Хальмг улс юунд чигн даргддго урмдтаєинь Адучиевин тодлврас чигн илір ўзсін умшачнр темдглљ келв.
Пятигорскд бііх литературовед Татьяна Булгакова Цебек Адучиевин дегтрин тускар иигљ бичљ. «Тана дегтр бўкл келн-імтні тууљиг тедў дўњгі кўццднь бичснтн кино хіліљіх мет умшгдна. Зурач болљах тґлідін та тер тууљин йовдл болєниг тер дарунь кинод буулєљ болхар диглљ бичсн біініт». Ода Францд литературн форумд орлцљах Татьяна Бадакова чигн Цебек Манджиевичин дегтрин туск тоолвран илгіљ. Ўнн- седклісн бичсн тодлврин чинринь темдглід, Татьяна Ивановна нег йовдлд оньган тусхав. Зґв угаєар учрсн нег цўўгіні хґґн терзин ґґр араєан зууљах кґвўн «юуни тґлі, яєад иим біідлд бидн туссмб» гиљ ухалљасинь, тер зовлњгта сурврмуд љирєлин туршарт амр ґглго бііхинь темдглсинь чинрті гих кергті. Эн єашута сурврмуд ода чигн тууврин зґвўриг мартад уга імтні седклиг хорсаєад бііні. Цебек Адучиев болн нань чигн бичічнр тер сурврмудт хірў ґгхір эн тґриг оньгасн єарєљахш.

ЉИРЄЛИН Кермн

Видео