«Тюльпанчик» Гран-при шўўв

12-11-2019, 10:07 | Таңһчин зәңгс » Сойл

Ноябрь сарин эклцір Грозный балєснд «Creativity horizons» гидг бичкдўдин болн насни дигт кўрід уга баєчудын ўўділтин нарт-делкін марєан-фестивалин тўрўн девсњ болв.
Терўнд Москваєас, Удмуртяс, Хальмг Тањєчас, Дагестанас болн Чечняєас 35 коллектив орлцад, бииєин, дууна болн зевсгўдин номинацд билг-эрдмін ўзўлв. Хальмг Тањєчас эн марєанд Е.Толкачевин нерті «Тюльпанчик» ансамбль орлцад, Гран-при шўўљ авв. Ґцклдўр ансамблин єардач Людмила Толкачева, хореограф Делгир Церенова болн биичнр Эльмир Рустамов болн Алина Джеева журналистнрт эн фестивалин тускар келљ ґгв.
«Ишкмдг», «Чичрдг» болн моњєл би биилід, биичнр хальмг улсин сойлла цугтаєинь таньлдулв. «Вайнах» ансамблин єардач мана бичкдўдин сін белдвриг ґґдінір ўнлљ, мана тањєчур ирљ чечен улсин би дасхх ўгін ґгсиг Людмила Геннадьевна келв. Жюрин шиидврір мана коллектив гран-при шўўљ авсн дипломар ачлгдв. Ирх љилин эклцір, январь сард, эдн Москва балєснд болх дарани девсњд орлцх зґв авв. Эн фестивалин товчлгч девсњ июль сард Дагомыст болхмн.
Тер мет бичкн биичнр ноябрь сарин 25-с авн декабрин 3 кўртл Москвад кґгљмин нарт-делкін Герт болх «Москва ўўрмўдін тосчана» гидг фестивальд орлцхар белдљіні. Эн фестиваль Владимир Спиваковин сањгин 25 љилин ґґнд нерідгдљіні, терўнд Ірісін Президент В.Путин орлцхмн гиљ зуралгдљана. «Тюльпанчик» эн фестивальд тўрўн болљ дґрвн љил хооран орлцсмн, тегід эднд ґґнин фестивальд билг-эрдмін ўзўлхиг ўрвр кеснд эдн ик дааврта болљана гиљ тоолљана.
- Эн љилин ўўлдвриг ашлљ бидн Элстд бас концерт ґгхір седљінівидн. Эн концерт олн љилдін коллективиг єардљ йовсн Евгений Толкачевин санлд нерідгдхмн, тегід мана бичкн биичнр терўнд бас белдвр эклсн бііні. 2020 љилд бидн Хальмг автономь тогтсна 100 љилин болн Алдр Диилврин 75 љилин ончта ґґн темдглхвидн. Терўнд бидн шин би белдљ бас мана хілієічнриг байрлулхар зуралљанавидн, - гиљ Людмила Геннадьевна келв.
Ноябрь сарин эклцір бичкдўдин бииєин дґрвн коллектив нарт-делкін фестивальмудт орлцад, гран-при шўўљ авв. Л.Толкачеван темдглсір, мана бичкдўдин коллективс диилвр бірснь ик бахмљ ўўдіні. «Эн коллективсиг мини сурєульчнр єардљахнь нанд хойр дам байрта болљана. Дорас ґсч йовх бичкдўд биилдг, дуулдг эрдмір соньмсљ йовхнь, иим марєаст диилвр бірљ йовхнь эк-эцкнрин тівц болн кўцімљ болљана»,- гиљ Людмила Геннадьевна ханлтан ґргв.

Наталья ДАВАЕВА
Авторин цоксн зург

Видео