Хальмг шог фильм экранд єарв

04-12-2019, 10:53 | Таңһчин зәңгс » Сойл

«Калмыкия» РИА-д шидр болсн пресс-конференцд шин єарсн хальмг фильмин тускар кўўндвр болв. «Заметки Манджика. Я Калмык» гиљ нерідгдсн фильм ноябрь сард диглгдљ белдгдљ, олн хілієічнрт ўзўлхд белн болв. Сценарийин тўўрвіч Санан Уруджаевин келсір, фильм олн улст нерідгдљіні. Ґрк-бўлірн, ўр-иньгтієін ирљ терўг хілітн, гиљ эн ўрвр кев.
Шог фильмд кўўні љирєлд учрдг инідті, шогта, зірмдін нам уульљ чигн болх йовдлмуд ўзўлгдљіні. Фильмд ээљин дўриг тогтасн Хальмг Тањєчин улсин артистк Айса Мацакова деер келгдснд немід, фильмиг тўрўн ўзўлхд залд цуглрсн улс инілдід, байрлад, шогта тоотыг таасч хілієід, кесгнь нам ууляд біісиг темдглв. Шог фильм, тегід яєад імтн уульсмб, гиљ эн алњ болв. «Љирєлд юн эс учрна», - гиєід, фильмин бўрдієічнр бийснь инілдв. Фильм імтнд таасгдсиг тернь ўзўлљіні, гиљ байрлв.
Эврі сін дурар, таньл-ўзлиннь дґњгір фильмиг цокљ авсна тускар режиссер Илья Сумьянов келв. Тўрўн хальмг шог фильм кехір зґрглід, седвіринь дґњнсн улсиг ґґрін хамцулад, зґвір ик кґдлмш эдн кев. Юуна тускар фильм кехін ухалад авчкад, Ик Буурла района Приманыч селінд цокљ авв. Фильмин єарцсин ик зунь тиигід ніімн-арвн хонгин туршарт цокљ авгдв. Терўні дару монтажн кґдлмш кегдід, нань чигн тоот кўцігдв. Эн туст дамшлт уга болад, кесг тоотынь эдн кґдлмшин йовудт дасв. Артистнриг хіієід, театрт одад, дґњ олсмн. Хальмг Тањєчин ачта артистк Ольга Надвидова фильмд хальмг келні багшин дўр наачана. Энўні келсір, Санан Уруджаев фильм кехір дуудснд тер дарунь хірў ґгід орлцсмн. Ольга кино белдлєнд орлцсн дамшлтта кўн, тегід медсірн дґњ болхар баєчудыг дґњнв. Ода цагт йир кергті кґдлмш кґвўд кељіхинь Айса Мацакова темдглв. Ээљ болад, Манжикин цуг йовдлмудт орлцад, терўнлі йосндан ґґрхн садн болснла ідл ўлдсін эн тодлв. Хальмг кино цокљ авлєнд иигід тўрўн ишкдл кегдв.
Тўрўн кино шогта фильм болљахнь бас соньн. Ямаран чигн кўнд тоотла харєхларн хальмгуд, ухаєарн зовлго юуг чигн дааљ єардг біісинь шогта тоотыг ўзљ, љирєлдін сергмљ ўўдідгин тускар фильмд келгдљіні. «Љирєлд учрдг олн тоотыг фильмд ўзхит, - гиљ Илья Сумьянов келні. - Зірм тоотнь таднла чигн учрсн болљ хілігдх. Фестивальд орлцхар биш, Голливудла дґрлдхір биш, хальмг єазран, хальмг улсан ўзўлхір шунвидн. Хальмг улсин сергмљті дўр бўрдісн болхла, сансн тоотан кўцісн болљанавидн».
Ик зуудан «Худлахар-шоу» концертн программстан олзлсн шогта ахр зурцс, терўндін хамдан шоглљ йовсн улсиг фильмд орулсна тускар Санан Уруджаев келв. Профессиональн артистнрлі хамдан эгл улс фильмд орлцв. Тедн кемб гихлі, иим: Деля Манджиева Бає Дґрвд селініс, Виктор Иванов Элстіс болн нань чигн улс. Фильмд єол дўриг Байр Ходжаев бўрдів. Социальн сетьд ордг імтн эн блогериг сін меддг болх. Фильм цокљ авсн кемлі «Щукинск училищд сурх оютнриг шўўљ авчала. Тер шўўврт орлцљасн Гиляна Эрдниева мана фильмд бас наадла. Тегід кўўкн тииглін шўўвр ґгхір гўўєід, заагтнь фильмд орлцсн билі. Ода тер Москвад артистин эрдм дасчана, - гиљ Санан Уруджаев келні. - Дґњ болсн цуг улст ўнн седклин ханлтан ґргљінівидн. Кино цокљ авлєн љањєрта болсн деерін дала мґњг некдг керг болљана. Болв ііхмн биш, кино цокљ авх саната, седвірті улс бііхлі зґрглх кергті. Хальмгт кино кергті. Мадн талдан келн улсас тґрўц дор биш. Билгті, медрлті улс мадн дунд олн бііні».
Фильм ут-тоодан нег час дґчн минутд болна. Тўрўн хальмг шог фильмиг декабрин 5-д «Уралан» болн нань чигн кинотеатрмудт хіліљ болхмн.

ЉИРЄЛИН Кермн

Видео