Тґрскн єазртнь дуучиг йґрів

28-01-2020, 10:26 | Таңһчин зәңгс » Сойл

Шидр «Звезда» федеральн канал бўрдідг «Новая звезда» гидг тґсвд хальмг дууч, А.О-Г. Цебековин нерті Хальмг Тањєчин хорин солист Лиљ Горяев диилвр бірсні туск зіњг тањєчин імтнд байр-бахмљ ўўдів. Тер марєанас хірљ ирсн мана дуучиг імтн байртаєар тосч авад, диилврлінь йґрісн болдг.
Давсн бембі ґдр Лиљ Горяевин тґрскн селінд - Кґтчнрі района Кґк Булгт, сойлын Герт, нег єазра улс энўг, байрин таалд йґрів. Байрин асхни эклцір Лиљ Цугірісін марєанд дуулсн дууєан дуулљ ґгв. Керг-ўўлдврин йовудт Кґк Булг селіні біідл-љирєлин болн Лиљ Горяевин ґрк-бўлин туск видеофильм олна оньгт тусхагдв. Лиљин ээљнь Галина Павловна ўг келљ, тодлврарн хувалцв. «Лиљин эк-эцкнь ґдрин дуусн кґдлмштін йовдмн. Тегід Лиљ бичкнісн авн намаг дахдг билі. Би болхла «Кґк Булг» гидг ансамбльд ордг билів, Лиљ намаг дахад репетицд ордг билі. Ансамбль билг-эрдмін ўзўлхір, эс гиљ ўўдігч марєаст орлцхар талдан єазрур одхла, бас намаг дахдмн. Йирин Лиљин эк-эцкнь чигн дуулдг билгті. Тер тґлід Лиљд чигн эк-эцкиннь билгіс кўртљ. Лиљин диилвр - энтн олна нилч, олна кўчір диилвр бірсн болдг. Тегід ачим дґњнсн цуг улст зўркни ханлтан ґргљінів. Цуєарн кўўкд-шуухдтаєан гем-шалтг, амулњ-менд, хґвті-кишгті бііх болтха», - гиљ йґрів. Байриг сойлын Герин єардач Светлана Лиджиева єардљ давулв. Иніљ, шоглљ, эвтієір, ээлтієір, соньн кевір керг-ўўлдвриг давулљ, сергмљ ўўдів.
Кґтчнрі РМО-н толєачин дарук Ангарик Мучкаев Лиљ Горяевиг йґріљ, белг бірўлљ ґгв. Тер мет Ергенинск СМО-н толєач Баатр Саджаев хальмг келір йґрілин ўг келв. Лиљ Горяев тањєчин імтиг цуєараєинь хамцулв гив. Малчнрла селвлцљ 25 ниднік хурєд зааљ ґгх болвидн гив. Лиљин авалиннь тґрскн єазрас ирсн Сарпан района Салын Тугтна СМО-н толєач Аркадий Доржинов бас йґрілин ўг келхлірн, малын хот ґгх болв.
Тер асхн элгн-саднь, школын багшнр болн сурєульчнр, ўўрмўднь, хам-хоша бііх селідин муниципальн бўрдіцсин толєачнр, нань чигн кесг улс тііз деер єарад, бўлін ўгін келљ, Лиљд йґрілін нерідв.
2019 љил Лиљин тґлі ончта, темдгті болсмн. Энўні ґрк-бўлд дікід ўрн тґрсмн, ода хойр кґвўті. Дікід болхла эн ўўдігч марєанд диилвр бірсн болдг.
Энўнд медрл, сурємљ ґгч йовсн, билгинь делгрўллєнд ик нилчін кўргсн Ергенинск дундын школын, кґгљмин школын, искусствин колледжин багшнрт Лиљ ханлтан ґргв. Мини диилвр – эдні нилч гив. Тер мет энўг кезід чигн дґњнљіх нег єазра улст, Кґтчнрі района болн тањєчин єардврт ўнн-чик седклісн ханлтан ґргљінів гив.
Лиљ Горяевиг йґрілєні керг-ўўлдвр ик байрта-бахмљтаєар, ўр-иньгин таалд давв. Эн асхн селіні клубд ик нииті ґрк-бўл цуглрсн болљ медгдв. «Бамб цецг» ду-бииєин ансамблин дууч, нег єазра кўн Анатолий Мучкаев, нернь темдгті билгтнр Анатолий Мацаков, Феликс Шорваев болн нань чигн улс билг-эрдмін єарєљ, цугтаднь сергмљ ўўдів.

МАНЉИН Маргарита

Видео