Алдр Диилврин Өдрт

06-05-2020, 20:28 | Таңһчин зәңгс » Сойл

Мана орн-нутгин олн әмтн удлго Алдр Диилврин 75 җилин өөниг темдглхмн. Үүдәгч улс эн ончта байрин өдрт белдвр кеҗ, билгән һарһҗ, Алдр Диилврин өөнд үүдәлтән нерәдҗәнә.
Лаганя района Джалыково селәнд бәәдг шүлгч, көгмҗч Увшан Альчан Яван цаһан саната, төвкнүн бәәдго күн мөн. Эврәннь үүдәлтдән бас тиим күн. Урднь дәәнә туск кесг дууна үгмүдинь орс келнәс хальмг келнд буулһҗ орчулсмн. Тер тоод олна тааслт олсн «Катюша» болн «Смуглянка» дуудын үгмүдинь орчулсмн. Өдгә цагт мана билгтнр эн дуудыг хальмг келәр чигн дуулна.
Одахн Увшан Альчан Яван олн әмтнд өөрхн, тааста болдг «Диилврин Өдр» гидг дууна үгмүдинь хальмг келнд орчулв.
Күн зүркндән шиңгрәҗ авсн учр-утхта дун мөн. Увшан Альчан Яван хальмг келнд орчулсн «Диилврин Өдр» гидг дууг Хальмг Таңһчин государственн хо дуулхмн. Эннь Увшан Альчан Явана Алдр Диилврин 75 җилин өөнд нерәдсн үүдәлтин әрүн белг мөн. Мадн эн дууна үгмүдинь барлҗ, умшачнрин оньгт тусхаҗанавидн.

«Дииллт» («День Победы»)

Үгнь В.Харитоновин, көгҗмнь Д.Тухмановин
Хальмг келнд орчулснь Увшан Альчан Яван


1. Дииллт… Һулмтнь унтрла.
Һанцхн цогцнь әрә улала.
Зовлңгинь хаалһднь үзләвидн.
Зүркәрн Өдрән өөрдүлләвидн!

Давтвр: Алдр Дииллт!
Амтнь, - дәртә.
Хар, буурл, цаһан үстә.
Байрта! Нүдндән нульмста!
Дииллт! Дииллт! Дииллт!
А – а – а…

2. Цутхлһн. Өдр-сө уга көдләд.
Зөргәрн өшәтиг хамх цокад.
Цур нүдән аньсн угавидн.
Зүркәрн Өдрән өөрдүлләвидн!

Давтвр:

3. Мендвт, ээҗм! Цугтан ирсн болхнь…
Ноһаһар гүүһәд авсн болхнь!
Олн ор хортнас сулдхлавидн!
Зүркәрн Өдрән өөрдүлләвидн!

Давтвр:

Видео