«Зингер» машинкір юм уйлт?

17-07-2020, 17:06 | Таңһчин зәңгс » Эндрк ґдрин тґрір

Кўндті умшачнр!
Мана газет тадниг юм уйдг машинкин туск тодлврмудан бичід, мана тґсвд орлцтн, гиљ ўрвр кељіні. Кезінк авдрмудла зергднь хувц уйдг машинкс мана бііцд зґвті орман олсмн.
Яєад иим седвір єарєљахмб? Шидр Интернетин аєуд соньн нег зіњг харєв. Бурятин таможня кґдлічнр «Зингер» юм уйдг машинкиг Моњєлын нег кўн мељід авч єархар біісинь илдкв. Ірісін нег базрт хулдљ авсн машинкиг бийиннь тґлі тер кўн авч хірхір бііљ. Болв терўг авч йовхин тґлі зґвшіл цаасн кергті біісмн. Тер «Зингер» машинк зун љил хооран кегдсинь таможня кґдлічнр шинљлљ хілієід медв. Ірісін заканас ишті эн машинк сойлын зґґр болљ тоолгдна. Тер учрар Ірісін мељі єатц терўг авч єарч болшго болв.
Болв тернь тер. «Зингер» гидг, нань чигн юм уйдг машинкс мана ах ўйин улст Сиврин тууврт біісн цагт бийін, ґрк-бўлін тељіхд, йосндан болхла імд-менд ўлдхд дґњ болсмн. Тер зіњгиг умшчаєад эн тодлвр уханд орв. Тууврт єарч йовљаєад, машинкан авч єарсн ґрк-бўлмўд икір эс тўрсинь меднівидн. Тегід тер цагиг тодлад, тер машинкір ґлг-эд уйљасн ээљнрин, экнрин, ик эгчнрин дўриг тодлљ, газетин хайгар бичтн. Ґрк-бўлин тууљд юм уйдг машинкс зґвті орман олсинь бидн меднівидн. Тер тууљасн хувалцад, урн єарта ґґрхн улсан тодлый.
Давсн зун љилд хальмгудын ґрк-бўл болєнд юм уйдг машинк біісні туск кесг тодлвр бііні. Урн-ўгин зокъялд чигн иим йовдлмуд харєна. Тедні кесгтнь «Зингер» гидг машинк бііснь темдгті. Олзллєнд эвті болн амр машинк ўўл бірдг улсин ик тааслт олсмн. Ээљнр-экнріс нань эн машинкс урн єарта аавнриг тодлх арє ґгчіні. Тер машинкс эвдрхлі, кен тедниг ясдг біісмб! Машинкс гиљ бичсм бас орта. «Зингер» машинкла зергднь Подольск фабрикин машинкс, нань чигн машинкс біісмн. Тедні кесгнь ґрк-бўлмўдт ода кўртл хадєлгдљ йовна.
Келхіс арвн тавн љил хооран кґдлмшин кергір Подольскд одх саам учрла. Тенд би Подольск фабрикин мини экин машинкиг тодлув. Мана эк Чевина Ушкана Буга тер машинкиг Сиврт тууврт біісн цагт хулдљ авсн болдг. «Подольск» юм уйдг машинкір мана эк сґґднь кґдлмшин хґґн маднд – ўрдтін бўшмўд, киилг, шалвриг уяд єарєчкдг билі. Мадниг ґсід-боссн хґґн ачнр-зеенртін уйсн киилгўд, љилітксинь ода љичнрнь, зеенчрнь ґмсљ йовна. Ээљин эвті єарар уйгдсн хувцн тиигід ўйнриг хоорнднь залєљана.

ЉИРЄЛИН Кермн

Кўндті мана умшачнр, тодлврарн хувалцтн, ээљнрін, экнрін, авє бергдін, наєц эгчнрін тодлљ, тедні амр биш љирєлинь сергіљ, ґрк-бўлин љирєлд, бііцд ўйіс-ўйд ґггдљ йовх ґлг-эд, тер тоод машинкс, бііхиг тодлљ бичтн.
Єартан ґґті улст туста болсн иим кегдлмўдиг урд цагт йир дигті сіінір кедг біісинь мана ээљнр, экнр келљ йовснь ода уханд орна. «Зингер» машинкин тууљиг тодлхла, иим болљана. 1854-ч љилд Нью-Джерсид Исаак Маррит Зингер хуульч Эдуард Кларкла хамдан хувц уйдг машинкс кедг компань бўрдісмн. Арвн йисдгч зун љилд тер машинкс Ірісід эклід хулдгдсмн. Тўрўн авгтан тиим машинкс зуг байн улсин герт біісмн. Хґґннь нань чигн ґрк-бўлмўдт олзлгдсмн. Давсн зун љилин дундурар тер машинкс хальмг теегт чигн орман олсн біідлті.
Бичтн, зіњглтн, газетин халхст тодлвран умштн!

«Хальмг ўнн» газетин редакц

Видео