Диилврин хаалһсиг шинрүлҗәнә

17-07-2020, 17:52 | Таңһчин зәңгс » Эндрк ґдрин тґрір

Төрскән харсгч Алдр дәәнә баатрмудт ханлтын седклән медүләд, эднд нерәдәд, Әрәсән Федерацин көлгн-күчнә Министерств «Диилврин уульнцс 75» гидг төсвиг бәәдл-җирһлд тохраҗана. Дәәнә җилмүдт хаалһ тосхачнр диилвр өөрдүлхд, диилвр делдхд бас ик тәвцән орулсмн болдг. Дәәнә кемд эдн цуг Советск Союзин орн-нутгар эвдрсн, нурсн хаалһсиг болн тагтсиг шинәс босхҗ, ясч, шинрүлҗ, дәкнәс тосхҗ чигн йовсмн.
Санлын болн туурмҗин Җилд Әрәсән 83 регионд «әәмшг уга болн сән чинртә көлгн-күчнә хаалһс» гидг келн-улсин төсвин йовудт «Диилврин уульнцс 75» гидг керг-үүлдвр давулҗана. 2020 җилин эргцд Әрәсән хаалһ тосхачнр диилврин Өдрт болн Төрскән харсгч Алдр дәәнә баатрмудын санлд нерәдгдсн уульнцсиг, проспекстиг болн талвңгудыг ясч шинрүлхмн. Орн-нутгар ут тоодан төсвд орлцх 320 объект орулгдсмн. Җилин туршарт объектсин то икдәд чигн бәәхмн, ясврин көдлмшин туст бүрдәгдҗәх марһасин ашар әрвлсн мөңгәр чигн дәкәд немр объектсиг ясч чадхмн.
«Диилврин уульнцс 75» гидг төсвин йовудт Элст балһснд утдан 3,318 дуунад дөрвн уульнцд – Гермашевин, Хониновин нертә, Победын болн Партизанск уульнцсин хаалһсиг шинрүлхмн.
Хаалһин тосхачнр ЖКХ-н эдл-ахун көдләчнрлә хамдан көдлмшән зүүцүлҗ кеҗәнә. Хаалһин ясврин көдлмш келһнә дегц хуучн инженерн коммуникацс сольгдхмн. Эн кергт балһсна бюджетәс мөңгн йилһгдх. Келхд, «Элиставодоканал» МУП-ин күчн-чидләр Партизанск уульнцд канализацин сурвлҗн тосхгдх. Өдгә цагт Гермашевин уульнцд хаалһиг тегшлүлҗ, асфальто-бетонн хольвр делгсн бәәнә. Хаалһин амар чолуд тәвгдҗәнә, тротуармуд кеҗәнә. Тер мет наадк чигн уульнцст тосхлтын көдлмш эклв. Хаалһ тосхачнр Хониновин уульнцд хуучнр эвдркә бордюрмуд цуцлҗ һарһҗ авчана, Победын уульнцд цаг зуурин хаалһин темдгүд тәвгдв. Тиигәд Диилврин 75 җилин өөнин җилд дәкәд немр дөрвн уульнцд хаалһс ясч шинрүлгдх.
Санлын болн туурмҗин Җилд Әрәсән 83 регионд «әәмшг уга болн сән чинртә көлгн-күчнә хаалһс» гидг келн-улсин төсвин йовудт «Диилврин уульнцс 75» гидг керг-үүлдвр давулҗана. 2020 җилин эргцд Әрәсән хаалһ тосхачнр диилврин Өдрт болн Төрскән харсгч Алдр дәәнә баатрмудын санлд нерәдгдсн уульнцсиг, проспекстиг болн талвңгудыг ясч шинрүлхмн. Орн-нутгар ут тоодан төсвд орлцх 320 объект орулгдсмн. Җилин туршарт объектсин то икдәд чигн бәәхмн, ясврин көдлмшин туст бүрдәгдҗәх марһасин ашар әрвлсн мөңгәр чигн дәкәд немр объектсиг ясч чадхмн.
«Диилврин уульнцс 75» гидг төсвин йовудт Элст балһснд утдан 3,318 дуунад дөрвн уульнцд – Гермашевин, Хониновин нертә, Победын болн Партизанск уульнцсин хаалһсиг шинрүлхмн.
Хаалһин тосхачнр ЖКХ-н эдл-ахун көдләчнрлә хамдан көдлмшән зүүцүлҗ кеҗәнә. Хаалһин ясврин көдлмш келһнә дегц хуучн инженерн коммуникацс сольгдхмн. Эн кергт балһсна бюджетәс мөңгн йилһгдх. Келхд, «Элиставодоканал» МУП-ин күчн-чидләр Партизанск уульнцд канализацин сурвлҗн тосхгдх. Өдгә цагт Гермашевин уульнцд хаалһиг тегшлүлҗ, асфальто-бетонн хольвр делгсн бәәнә. Хаалһин амар чолуд тәвгдҗәнә, тротуармуд кеҗәнә. Тер мет наадк чигн уульнцст тосхлтын көдлмш эклв. Хаалһ тосхачнр Хониновин уульнцд хуучнр эвдркә бордюрмуд цуцлҗ һарһҗ авчана, Победын уульнцд цаг зуурин хаалһин темдгүд тәвгдв. Тиигәд Диилврин 75 җилин өөнин җилд дәкәд немр дөрвн уульнцд хаалһс ясч шинрүлгдх.

АРЗАН Маргарита

Видео