Урн єарин эрдмчнр

24-08-2020, 15:23 | Таңһчин зәңгс » Сойл

Хальмгуд кезіні цагас авн урн єарин эрдмті улс біісмн. Малан ґскід, нўўдл љирєлір біісн імтн малас авдг эдл-уушан йир сіінір олзлљ йовсмн. Махинь идід, дотринь чигн хотд орулад, ўкрін сааєад, ціієін чанад, чигі бўлід, тос цокљ авад, хот-хоолын зўўті цугнь эд-бод кегдљ йовсмн. Дікід болхла малын арсиг иділід, хагсаєад девл, єосн-башмг кўртл уйдг, олн-зўсн маля кедг, арснас кесн мишгўд, даальњгуд, нань чигн тоотыг ґдр-бўрин ўўлдвртін, хаалєд йовсн цагтан олзлљ йовсмн.
Нўўдл љирєлір біідг болснас ишті дікід љирєлин йовудт туувр болн нань чигн єашута йовдлмуд учрад, ґвкнрин урн єарар кегдсн кегдлмўд ик зуудан геедрсмн. Эк-эцкнрин эрдмиг дасч хадєлсн імтні то чигн баєрад йовсмн. Болв чигн хальмгудын урн єарин эрдмиг хадєллєар бає биш кґдлмш кегдљіні. Сойлын министерствд урн єарин эрдмті імтн цугтан тоод авгдсн бііні. Эдні эрдмиг делгрўллєнд килмљ ґггдні. Болв мартгдсн тоотыг сергіхд мґњгн болн цаг кергті.
Шидр «Урн єарин эрдмч» гидг нерн Хальмгин дґрвн эрдмчд зўўлєгдв. Тедні тоод хатхмр кедг болн ишкі некдг эрдмчнр Цаєан Амн поселкас Леджина Наталья болн Басњга Валентина. Єартан ґґті эн кўўкд улсин єарар хатхгдсн сііхн зургуд кесг єііхўлд імтні оньг авлљ йовна. Ишкі неклєні ховр эрдмиг чигн эдн сергіљ, ик кґдлмш кељіні.
Арс иділдг, арснас олн -зўсн кегдлмўд кедг Нандша Дорљ бас тиим нер зўўв. Арсар, сурар, нань чигн арсн зўўті тоотас олн кегдл кељ чаддг Кґтчнрт бііх эн эрдмч келні билгті болдгинь тањєчин імтн медні.
Кґгљмин хальмг зевсгўд кедг Єірін Дорљ болхла сўл цагт йочин кґгљмин зевсгиг кеснь темдгті. Элстин искусствин колледжин багшнрин сурврар Дорљ кґгљмин ховр зевсгўд келєнд медрлін болн цаган нерідв. Ода тегід «мастер» гидг ґґдін нер зўўлєснд эн ик урмдта бііні. «Мини кељіх кґдлмшт иим оньг ґгснь байрта йовдл, – гиљ Єірін Дорљ келні. – Сўл єурвн љилин туршарт хальмг кґгљмин зевсгўд келєнд би цаган нерідљінів. Урднь мґрн хур, лимба болн нань чигн кезінік кґгљмчнр айс єарєљ йовсн зевсгўдиг Моњєлас, талдан єазрас хулдљ авчасмн. Тедниг энд Хальмгтан кељ ўзх кергті гиљ би санлав. Ода мини кељіх кґдлмшт оньг ґггдљіхнь кергиг цааранднь делгрўлх урмд ґгчіні».
Мана цаг кўртл музеймўдт болн нань чигн кесг біірнд хадєлгдсн ґвірц кегдлмўд, хатхмр хатхљ ўўдісн зургуд, цаєан мґњгн кеерўлті маляс, мод сиилљ кесн кегдлмўд, кўўкд улсиг кеерўлдг сиик-билцгўдиг хіліхлі, ґвкнрин зґґр ямаран байн болн ґвірц болљахиг илднь ўзніч. Сойлын министерств эн тґриг дањгин оньгтан бірљ, урн єарин эрдмчнрт дґњ болх арє хііні. Тањєчин єііхўлмўд болн нань чигн керг-ўўлдвр кўцігдні. Нер єарсн эрдмчнрин мастер-классмуд бўрдігдні. Тегід федеральн кемљінд мана дґрвн эрдмч темдглгдснь ик чинрті йовдл болљана.
Тањєчин сойлын министрин ўўл дааљах Летуєа Ларисан келсір, «Мастерин» нер зўўсн эрдмчнр грантмуд авхмн. Тернь тегід тедні эрдмиг улм делгрўлх таал ґгчіні. Эрдмчнрт килмљін єарєљ, тедні кељіх кегдлмўд сін чинрті болхднь министерств цааранднь чигн оньган ґгчіхмн. Мана медлд экспертн хўўв ўўлдні. Эрдмчнрин урн єарар кегдљіх тоот олнд темдгті болљ, Хальмгин ґвірц сііхн урн єарин эрдмиг делгрўлхд йовуд тернь ґгні. Хальмг эрдмчнр кедг кецў сііхн болсн деерін йир ґвірц кегдлмўдиг талдан єазрт чигн імтн медх зґвті.

ЉИРЄЛИН Кермн

Видео