Бичкдўдиг сурєульднь белдв

26-08-2020, 16:40 | Таңһчин зәңгс » Сурєуль-эрдм

Љил болєн давулгддг «Бичкдўдиг сурєульднь белдхд дґњ болтн» гидг буйнч седклин керг-ўўлдвр сін авъяст тохрв гиљ келљ болљана. Олн ўрті, бає теткврті, љирєлин кўнд таалд туссн улст кўўкдін сурєулин љилд белдхд дґњ-тусан кўргхин тґлі эн керг-ўўлдвр бўрдігдні. Тањєчин райодар болн хотл балєснд ўўлддг імтні социальн теткврин комплексн тґв (КЦСОН) эн кергиг бўрдіљ давулна. Эн љил така сарин 15-с авн эн керг-ўўлдвр эклід, эн ґдрмўдт тґгсхдін ґґрдљ йовна.
Хар Єазра района КЦСОН єардач Харцхан Байртан келсір, эн љил эдн 190 ґрк-бўлд дґњ болљ, бичкдўдиг сурєульднь кергті эд-таврар теткв. Эн буйнч седклин керг районд љил болєн ґґдін кемљінд давулгдљ, сай шаху арслњ цуглулљ авгдна гиљ Байрта Александровна темдглв. Хірнь, эн љил пандемий учрад эврі ўлмієін кўргв, болв тер бийнь района селіні эдл-ахус, муниципальн бўрдіцс, организац-предприятьмўд болн арєлачнр демін кўргљ, бає теткврті улст дґњгін кўргв. Дікід љил болєн КТК-Р 1-ч класст орљах бичкдўдт белгін белглдг сін авъяс бііні. Эн љил районд 126 кўўкн-кґвўн тўрўн болљ сурєульд орљана. Тегід олна дґњгір района сурєульчнр канцелярск эд-таврар теткгдні, йилєгдсн мґњгір хувц-хунр болн нань чигн кергті тоот хулдљ авна.
– Эн керг-ўўлдврт мана эдл-ахус болн муниципальн бўрдіцс ик дґњгін кўргні. Тиигід, «Первомайск», «Цекрт», Гагарина болн Буденныйин нерті эдл-ахус ут тоодан 147 мињєн арслњ йилєв, тер мґњгір 27 ґрк-бўл бичкдўдін сурєульднь белдв. Ніімн селідин муниципальн бўрдіц 130400 арслњ цуглулв, тер мґњгн 122 ґрк-бўлиг кергті эд-таврар тетклєнд олзлгдв. Районд ўўлддг арєлачнр љил болєн болм тівцін орулљ, буйнч седклин кергт бас орлцдгиг темдглх кергті. Эн љил эдн 10 мињєн арслњга демін кўргв. «Альянс», «Ариша», «Для вас» гидг лавксин эздўд мана района бає теткврті болн љирєлин кўнд таалд туссн улсиг оньгасн алдхш. Района организац-предприятьмўдин кґдлічнр 35200 арслњ цуглулљ бас олна кергт тівцін орулв. Тиигід эн љил «Бичкдўдиг сурєульднь белдхд дґњ болтн» гидг керг-ўўлдврин ашт бидн 190 ґрк-бўлд нґкд болвидн. Эн кергт ут тоодан 322600 арслњ олзлгдв. Бидн мана эдл-ахусин болн предприять-организацсин єардачнрт, СМО-н толєачнрт, арєлачнрт ик ханлтан ґргљ, кўціљіх ўўлдврнь кўцімљті болтха гиљ дурдљанавидн. Олна дґњгір бидн уга-яду, љирєлин кўнд таалд туссн улст дґњгін кўргдгнь буйнта керг болљана, – гиљ Байрта Александровна келв.
Эн љил коронавирус гем учрад, сурєуль-эрдмин йовудт ўлмієін кўргсні ашт сурєульчнр алс-зіієин эв-арєар сурв. Хойр-єурвн сурєульч біідг ґрк-бўлмўдт тиим кевір сурхд зґвір кўнд болв. Юњгад гихлі селін єазрт Интернетын залєлдан му болна, дікід компьютер кергті болв. Тегід эн хальдврта геміс ишті дікід алс-зіієин кевір сурєуль сурвза гиєід, «Первомайск» эдл-аху 11 сурєульчд планшет хулдљ авв. Эк-эцкнрнь эн эдл-ахуд кґдлдг бичкдўд тиим сін белг сурєулин љилин ґмн ґргнд авснь эднд ик байр ўўдів.
Хар Єазра района імтні социальн теткврин комплексн тґвин єардач Харцхан Байртан келсір, пандемийин кемд олн ўрті, бає теткврті ґрк-бўлмўдт эдн цуг халхин дґњ кўргхір шунв. Района эдл-ахус болн муниципальн бўрдіцсин дґњгір эдн љирєлин кўнд таалд туссн улсиг хот-хоолар, эд-бодг кедг эв-арєсар теткв. Буйнч седклин керг-ўўлдврмўд энд тасрлтан угаєар бўрдігдљ, ах ўйин улст болн дорас ґсч йовх бичкдўдт ик оньган ґггдні.

ДАВАН Наталья
ЗУРГТ: бичкдўдиг сурєульднь кергті эд-таврар теткљіх кем

Бичкдўдиг сурєульднь белдв

#Школа #Черноземельский #КЦСОН #КТК #Cемья #Школьники

Видео