Бичкдўд медрлин ґдрін сурєульд тосх

28-08-2020, 16:42 | Таңһчин зәңгс » Сурєуль-эрдм

Жил болєн бидн сентябрин нег шинд медрлин ґдр темдглнівидн. Удл уга ирх тер сін ґдрлі бичкдўд сурєульд орхий аль угай гиљ эк-эцкнр сурад бііні. Одахн тањєчин сурєуль-эрдмин болн номин министрин дарук Санджрга Герман эн болн нань-чигн сурврмудт он-лайн кесн пресс-конференцд хірў ґгв.
– Єаха сарин нег шинд бичкдўд сурєульд орх уган тускар бидн эрўл-менд харлєна болн Роспотребнадзорин мергљлтнрлі кўўндвр келівидн, эдн зґвін ґгв, сурєульмудын болн райодын, Элстин єардврла кўўндвр кеєід, селвгін ґгв.
Тиигчкід цуг орн-нутгин сурєульчнр Медрлин ґдрлі сурєульд ирх. Аштнь тањєчин Толєачин шиидврір цуг сурєульмудын єаха сарин нег шинд бикдўдін тосх, гиљ министрин дарук келв.
Болв бичкдўдин садмуд болн немр сурєулин учрежденьс ода деерін кґдлшго. Яєад гихлі арвтнр сурєулин хґґн кружокд ирхлі, эдн тўгдг гем авлєна іімшглі бас харєад чигн бііх.
Занять эклхлі сурєульч болєниг сурєулин эрўл-мендин кґдлічнр хіліх, тўгљіх гем авсн біідлті сурєульчнриг дарунь эмч тал кўргх, эк-эцкнртнь терўні тускар зіњглх. Сурєулин автобус эн туст белн болх зґвті.
Бичкдўд, Герман Эрдниевичин келсір, кесг талдан сурєульчнрла завсрт харєх зґв уга. Терўні тґлі кичілмўдин диг-даран онц кевір тогтагдх, ик завср кґвўд-кўўкдин тґлі тал-талднь бўрдігдх зґвті.
Тер мет єаха сарин нег шинд негдгч болн 11-ч классин тґлі байрин керг-ўўлдвр – линейк болхмн. Тер ґдр классин часмуд болн эрўл-менд харлєна туск кичілмўд бўрдігдх. Тўгдг гемин, тўўніс сагллєна туск кўўкдин сурврмудт багш хірў ґгх зґвті. Бидн цугтан шин таалд біідгиг дасљ авх зґвтівидн, гиљ министрин дарук темдглв. Ик олна керг-ўўлдвр сурєульмудт ода деерін кўцігдшго. Хамгин тўрўнд бичкдўдин болн багшнрин тґлі іімшг уга біідл тогтах кергті.
Алс-зіієин даслєнд орљ болшгой гиљ зірм эк-эцкнр сурна. Болв тиим біідлд сурєульчнрин медрлнь дора орх, эдн кесг тоотыг багшин дґњ угаєар медшго, сурвран ґгч чадшго. Зуг сурєульч гемтхлі терўг холас дасхлєнд орулх шиидвр сурєуль болн багшнр авад бііх. Тиим йовдл болєн шинљлгдх. Холас дасхлєна дамшлт тањєчин сурєульмуд хоршасн бііні, тернь кергті болхла ґргнір олзлгдх.
Сурєульд геміс сагллєна цеврлєні кергсл – рециркулятормуд тівгдх, Элстин сурєульмуд тер тоотар теткгдсн бііні, цааранднь райодар эн тґр кўцігдх, кергсл бас чигн хулдљ авгдх. Эн тґр министерствин бўртклєнд бііні.
Класст 30 сурєульч бііхлі эдниг баг-багар хувахий гисн сурвр пресс-конференцин йовудт ирв.
– Уга эдниг хувашго гиљ санљанав. Кичілин йовудт алс-зі кўцігдшго. Хойр кўн нег партд урдк кевір суух. Єаран цеврлдг тоот, термометр – цуг эн тоотар сурєуль болєн теткгдв. Хот уудг хорад кґдлдг улс чирін хаац болн бееля ґмсх зґвті. Эклц сурєулин бичкдўдиг халун хотар тетклєн кўцігдх.
Кичілин йовудт сурєульчнр чирін хаац ґмсшго. Кемр нег кўн гемнхлі, класс бўклдін карантинд оршго гиљ Роспотребнадзор зокалан ціілєв.
– Багшнрас тест авхий гисн сурвр бас ирв.
– Уга, тиим юмн кўцігдшго, яєад гихлі лабораторин арєнь тиим ик биш. 7 мињєн багшнриг дарунь хіліх арє эднд уга. Єаха сарин эргцд біідл яєљ тогтхинь хіліх кергті. Дікід эрўл-менд харлєна министерств селвгін ґгх. Онц йовдл дарунь шинљлгдід бііх.
Ода деерін садмуд кґдлљіхш. Зуг эк-эцкнрин эрлєір дежурн баг кґдлх. Кемр бичкниг хілідг кўн уга болхла, ДОУ-д эрлєін бичх кергті, эдн тер тґриг кўціх зґвті. ДОУ-н єардачнр багмуд тогтаєад бііх. Єаха сарин нег шиніс авн эн керг-ўўлдвр улм ґргнір кўцігдід бііх, яєд гихлі сурєульд ордг арвтнр кичілдін одхла, тедні бичкдўдиг, нилхдиг хілідг кўн эрк биш керглгдід бііх. Эн тґрір ДОУ-д министерствин «халун линийд» љињнўлід біітн гиљ министрин дарук селвгін ґгв. ДОУ секлєні шиидвр єаха сарин 6-на хґґн батлгдад чигн бііх.
Класс болєниг геміс сагллєна шишлњ эв-арє олзлад селгін болєн цеврлід бііх. Тооєарн олн сурєульчнрта сурєульмудт кичілмўд 1,5 эс гиљ хойр селгінд эпидемяс кґлті бўрдігдх. Сурєульчнр нег классин хорад сурх зґвті. Йирдін бидн эк-эцкнрлі, элгн-саднла хамдан даавр зўўљ мана бичкдўдин эрўл-мендин туст онц оньган ґгх зґвтівидн. Бидн хамцу кевір ўўлдх зґвтівидн, тиигхлі дигті-дарата біідл теткљ чадхвидн гиљ министрин дарук эк-эцкнрт дуудвр кев. Кемр талдан сурвр, неквр бііхлі министерствин сайтд бііх «халун линийд» љињнўлљ болљана, ґріл љилин эргцд тернь кґдлх. Цуг сурврмудт дигті-дарата хірў ґггдх гиљ пресс-конференцин чилгчір ашлвр кегдв.

ТҮРВƏН єуна

Видео