Эрмдгтә улст сән таал тогтахар

31-08-2020, 15:44 | Таңһчин зәңгс » Эндрк ґдрин тґрір

Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, мана таңһч гемтә-шалтгта улсин болн эрмдгтә бичкдүдин реабилитацин болн абилитацин региональн систем делгрүллһнд мөңг авхмн.
Әрәсән күч-көлснә болн социальн харслтын министерств мана таңһчиг «Сән таалта бәәдл» гидг федеральн көтлврәр 2021-2023-ч җилмүдт гемтә-шалтгта улсин төлә сән таал тогталһна кергт демин мөңг авх 60 региона тоод орулв. Ода деерән федеральн министерств регионмудт эрмдгтә улсин реабилитацин керг-үүлдвр бүрдәлһнә негдсн диг-дара болн методическ кергтә цаас батлсн бәәнә. 2021-2023-ч җилмүдт «Сән таалта бәәдл» гидг федеральн көтлврәр регионмудт дем күрглһнд 554,2 сай арслң йилһгдхмн. Эн көтлврин медлд йилһгдх мөңгиг эрмдгтә улсин реабилитацд кергтә кергсл хулдҗ авлһнд, зәңгллһнә региональн систем делгрүллһнд, гемтә-шалтгта улст туслмҗ күргҗәх көдләчнрин мергҗлт өөдлүллһнд олзлҗ болхмн.
Мана зәңгч