Сән өдрләнь йөрәв

16-09-2020, 15:26 | Таңһчин зәңгс » Эндрк ґдрин тґрір

Урҗ өдр Әрәсәд санитарн-эпидемиологическ цергллт бүрдснә Өдр темдглгдв. Хальмг Таңһчин Толһач Хаска Бату Роспотребнадзорин Хальмг Таңһчар үүлддг заллтын көдләчнриг сән өдрләнь йөрәһәд, көдлмштнь күцәмҗ дурдв.
- Санитарн-эпидемиологическ цергллт эрүл-менд харлһна системд онц орман эзлнә. Тадн көдлмшән ик даавртаһар күцәҗ, әмтнә эрүл-менд харлһнд үнн - чик седклтәһәр церглҗ мадниг олн зүсн хальдврта гемәс саглуллһна халхд аһу ик керг күцәҗәнәт. Нег үлү коронавирус гемәс хөрлһнд тана ач-тус ик болҗана. Амр биш цагла тадн өөдән мергҗлтән үзүлҗ, эндрк өдрин некврлә ирлцҗ үүлдҗәнәт. Тана дигтә-дарата болн дааврта көдлмшин ашт мана таңһчд санитарн-эпидемиологическ бәәдл тогтун болҗана, – гиҗ Бату Сергеевич йөрәлин үгдән темдглв.
Сән Өдрлә ирлцүләд, таңһчин толһач санитарн-эпидемиологическ цергллтин көдләчнрлә харһад. Ханлтын бичгүд болн Хальмг Таңһчин Күндллһнә һашгуд бәрүлҗ өгв.

Мана зәңгч

Видео