Залу кўн зањєсн талан

29-09-2020, 09:02 | Таңһчин зәңгс » Сойл

Эн артистын бўрдісн дўрмўдт хальмг залу кўўні хамгин сін зањ-авц, ґрк-бўлин болн нутгин туск ґґдін даавр шињгрснь імтні оньг авлљ, седкл байрлулна. Љирєлин бат тўшг болдг иим залус ўнндін біієід, тедн тііз деер билгті артистын нааднд імдрљ, мана седклиг ўўмўлні. Басњга Баатрин нерті Келн-улсин драматическ театрин артист Сергей Адьянов шидр Хальмг Тањєчин ачта артистын кўндті нер зўўв. Арвн тавн љилин туршарт театрин тііз деер олнд тодлгдсн дўрмўд тогтаєад, ўўдігч ўўлдврірн ўўрмўдиннь болн імтні кўндллє олсн артистын ўўлдвр тиигљ ґґдін ўнлгдв.
Хальмг театрин тііз деер Сергей олн дўр бўрдів. Энўні репертуарт ґдгі цага болн классическ драматургийин 30 нааднд наадсн дўрмўд бііні. Театрт ирдг імтн билгті артистын олн дўрмўдиг медні. Орс драматургийин алтн кґрњ болгч Н. Гоголин олн нааднд орлцљ, артист ик дамшлт авв. Келхіс, «Ревизор» (Осип), «Мертвые души» (Серафим), «Женитьба» (Яичница). Дўр болєн эврієірн соньн болв. Хальмг драматургийин нааддт Сергейин билг-эрдм нег ўлў кўццір ўзгдв. П. Дарваевин «Анда мини Темучин» гидг нааднд Джамуха, Басњга Баатрин «Кенз байнд» Босха, Манљин Борисин «Хальмг хўрмд» олн нань чигн нааднд Сергей Нураевич тодлгдсн дўрмўд тогтав.
Великий Новгород балєснд 2013 љилд болсн театральн нарт-делкін фестивальд хальмг театр Манљин Борисин «Ґґрднр, мини ґґрднр» гидг наад ўзўллі. Эн наадыг бўклднь болн Мґнкі хаана дўр тогтасн Сергей Адьяновин наадыг олн хілієічнр болн театроведмўд ўнлсмн. Тиигід театрин наадн болєнд билгті артист бўрдісн дўрмўдиг бидн ўзнівидн. Ўўдігч эрдмд дуран ґгчіх баєчудыг дґњнлєір кесг тґсвин эк татад, бийнь чигн Сергей Нураевич ик дуртаєар орлцна.

Кинон илвті делкід

Тііз деер ўўдігч ўўлдврірн олн хілієічнрин оньг авлсн деерін артист Адьянов кинод орлцљ, кесг дўр тогтаснь темдгті. Ода артистын билг-эрдм ґґдін ачлврар ўнлгдв.
Театральн искусствур энўні кесн хаалєнь єоодан болсн уга. Іідрхні областин Яндг селінд тґрсн кґвўн арвтадан «Бамб цецг» ансамблин концерт ўзід, артист болљ, тер ансамбльд биилх сана зўўсмн. 1988-ч љилд Элстд ирід, кґвўн эцкин селвгір тосхач болхар автохаалєин техникумд орљ сурв. Энд ўўлддг «Хідрис» ансамбльд орад, Сергей ик дуртаєар сул цагтан хальмг би дасв. Коллективин ханьд кесг концертд орлцљ, бииєин эрдмдін дамшад біів. Техникумиг тґгсієід, Сергей Хальмг госуниверситетд багшнр белддг факультетд орљ сурв. Оютнрин «Бумбин орн» ансамбльд Сергей ик дуртаєар орлцв. Ах сурєулян тґгсісні дару энўні кўслнь кўцљ. «Бамб цецг» ансамбльд кґдлх ўрвр эн авв. Тиигід нер туурсн коллективин ханьд Сергей йисн љилдін кґдлв.
Йириндін Сергей єанцхн биид седклін ґгсмн гиљ санхмн биш. Энтн хальмг сойлар соньмсдг, зањ-авъясмуд медхір, театрин нааддла таньлдхар шундг билі. Хальмг театрин наад болєниг ирљ хілідгинь ўўрмўднь тодлна. Дуталго оддг бііснднь тедн алњ болна. Тиигід кґвўні чеељ дотрнь нааднд учрдг тоот, тііз деер імдрљ ўзгддг дўрмўд бііснь хґґннь илдід біів.
Юн чигн юмн учрта болдг гиљ келдгір, иим нег йовдлыг тодлхмн. Йирдгч љилмўдт цаг зуур Сергей тосхачин эрдмір кґдлв. Энўні кґдлжісн бригад Келн-улсин театрин герт немр тосхлт келєнд орлцсмн. Цагнь ирід, эврі єарарн тосхсн герт Сергей кґдлв. Арв єар љил хооран театрт кґдлх ўрвр авад, Сергей хальмг театрин артист болв. Театрин тіізиг хілієічнрин халхас хіліљісн кўн ода театрин тіізин цаадк тоотла ґґрхн таньлдв, соньмсљасн цуг сурврмудтан ціілєвр олв. Олн улсин љирєлд учрдг тоотыг ўзўлдг тііз иигід Сергейин хамгин ґґрхн біірн болв.
Театрла љирєлін залєлдулад, Сергей кинон делкілі чигн ґґрхн болв. 2009-ч љилд театр Бурятьд гастрольд одсн билі. Тенд Улан-Удэ балєснд режиссер Андрей Борисов «Тайна Чингис хана» гидг фильм цокљ авчасн, тегід Сергейд эпизодт нег дўр наадх ўрвр кесмн. Терўні хґґн хойр љил давад, Андрей Прошкина «Орда» фильмд орлцх хґв Сергейд учрв. Моњєл цергин єардачнрин негнь болљ эн фильмд Сергей Адьянов наадсмн.
Кинон илвті делкід орулсн хаалєнь цааранднь чигн цаєан болв. Элла Манжеевала Сергей таньлдв. Хальмг режиссер дипломн кґдлмштнь єол дўр наадх артистыг хііљілі. Эдні ўўдігч залєлдан тасрсн уга. «Чайки» гидг документальн киноднь Сергей бас єол дўриг бўрдів.

Тґрскнч седклті кўн

Ўгиннь эклцд бидн артистын тускар ґрк-бўлин болн нутгин туст ик дааврта кўн гиљ бичлівидн. Хальмг сойл делгрўллєнд, улсин авъясмудыг баєчудт дасхлєнд, ґвкнрин бґк бірлдіг, мґрд урлдаг, саадгар хадгиг кґвўдт бичкніснь дасхлєнд Сергей Нураевич килмљін єарєна. Бийнь бичкндін мґр унљ дассмн. Мал ґскљ насн турштан кґдлсн эцкнь кґвўєін бичкнднь мґрн деер суулєсмн. «Хальмг кўн мґрніс іідмн биш» гиљ эцкин келсиг Сергей мартхш. Моњєл цергчнрин дўр бўрдієід, мґр унлєндан єавшунан Сергей ўзўлв. Эвріннь хойр кґвўєін чигн Сергей Нураевич тиигљ ґскљіні.
Ўўрмўдтієін Сергей Аршан булгт шин љирєл ґгсні тускар бидн зунын эклцір бичлівидн. «Љирєлин экн – булг» гисн тоолвриг тґрскнч седклті эн кўн ўўрмўдтієін љирєлд тохрав. Аршан булгур імтн урдк љилмўдт ирдглі ідл ирљіні. Эврі єазран ясхар шундг улсин то Сергейин бўрдісн дўрмўдин болн энўні љирєлин ўлгўрір ґсід йовтха, гиљ йґріхмн.

ХҐҐЧИН Галина

Видео