Ірісін хамгин сііхн сойлын гер

02-10-2020, 15:44 | Таңһчин зәңгс » Сойл

Хар Єазра района сойлын герин ўўдігч кґдлмш Ірісін кемљінд ўнлгдв. «Ірісін хамгин сііхн сойлын гер» гидг Цугірісін телеўзлин марєанд орлцад, района сойлын гер нўўрт єарв. Марєана диилічин дипломар ачлгдв. «Хар Єазра района сойлын гер - билгтнрин цутхлњ» гиљ нерідсн эдні тґсв тиигљ ґґдін ўнлгдв.
Телемарєана бўрдієічнр района сойлын герин эн тґсвиг Ірісін сойлын министерствд грантын тґлі дґрлдх марєанд орулв. «Селін єазрин комплексн делгрлт» гидг шањєа кґтлврин кемљінд мґрін шўўвр болна. Ірісін сойлын министр Ольга Любимован шиидврір Хальмгин Хар Єазра района сойлын гериг диилічнрин тоод орулад, 40 сай арслњ йилєљ ґгх болв.
Эн района сойлын герин кґдлічнр тер мґњгиг бат ясврт єарєхар бііні. Сойлын герин инженерн цуг сетьмўд сольгдљ, йоста сін ясвр кегдхмн. Герин эргндк біідлнь ясљ шинрўлгдхмн, шин техник хулдљ авгдхмн. Кґдлмшін улм ясрулхин, шин билгтнр ґскхин тґлі иигід ик урмдта йовдл учрв. Йґріљінівидн!

ЉИРЄЛИН Кермн

Видео