Билгтә дуучнрин марһанд ончрв

18-11-2020, 15:02 | Таңһчин зәңгс » Сойл

«Ты-супер» гидг телевизионн дууна марһаг НТВ канал дөрвдгч кемдән кеҗәнә. Буйнч седклин эн ик төсв әмтн дунд ик тааслт олв. Өнчн бичкдүдиг, интернатд бәәдг, теҗәл уга үлдсн күүкд-көвүдиг дөңндг төсв эн цагин дотр кесг баһчудт йоста дөң болв. Җирһлин хаалһан шүүҗ авхд, билг-эрдмән делгрүлхд тусан күргҗәх ик керг кеҗәх әмтнд ханлтан өргх кергтә.
Эн җил эн марһана финалд Тыва Республикәс хойр күн орлцҗ, аштнь хоюрн негдгч орм хувалцв. Негнь – Ай-Кыс Кыргыс, Туван ик сурһулин 1-ч әңгин оютн мөн. Эн җил күүкн алтн медальтаһар дунд сурһулән төгсәсмн, хойрдгчнь – Денберел Ооржак, иргчдән көгҗмч болн дууч болх ик күслтә. Көгҗмд дурта олн улс дунд ик тааслт олсн нер һарсн дуучнрин үүдәврмүдиг эдн ик билгтәһәр англь келәр дуулҗ, жюрин оньгиг авлв.
Эн күүкн көвүн хойриг дөңнхәр, эднә байрт орлцхар Тыва Республикин Толһач Шолбан Кара-оол ирәд, үнн седкләсн йөрәв. Билгтә эн күүкдәр ик бахмҗ кеҗәхән медүләд, Ай-Кыс Кыргыст – патьр, Денберел Ооржакд болхла көгҗмин оборудовань белглҗәхин тускар келв.
Билгтә дуучнр Тывад өсчәхинь «Ты-супер» гидг телевизионн төсв медүлв.

ҖИРҺЛИН Кермн

Видео