Театрт нерідсн љирєл Ірісін болн Хальмгин ачта артист Сергей Яшкуловин 80 љилин ґґнд

18-12-2020, 21:57 | Таңһчин зәңгс » Санл

Дііні болн дііні хґґтк кўнд цагт ґссн кґвўні љирєл эн насна баєчудас юуєарн чигн йилєсрн уга. Бичкндін Сергей эцкін дураєад, цергі кўн болхар біісмн. Ґмннь ямаран љирєл энўг кўліљіхинь медљісн уга.
Сивріс тґрскн єазрурн ирсн баєчуд љирєлин хаалєан хііљісн цагла, 1958-ч љилин зунар театрин, кґгљмин болн кинон Ленинградск государственн институтд хальмг баєчудыг шўўљ авчасн, терўнд орлцад, Сергей нер туурсн эн институтын оютн болв. РСФСР-ин искусствин ачта ўўлдіч Григорий Гуревич, багшнр Роза Сирота болн Ода Альшиц эдні чадмг єарт хальмг кўўкд-кґвўд актерск эрдмиг дасв. Сурєулин тавн љилиг Сергей йир сіінір олзлв. Эрдмиг арднь орљ дасв, цуг халхар медрлін гўўдўлв. Театрмудт, музеймўдт, зургудын галереймўдт сул цаган давулв. Иргч ўўлдвртнь цуг тернь басл ик дґњгін кўргв.
Хальмг драматическ театрин тііз деер Чеховин, Гоголин, Островскин, нань чигн пьесар тівгдсн олн нааднд кесг арвн дўр тогтаљ, олн халхин билгті актер болљ кўндлгдв. Басњга Баатрин, Балакан Алексейин, Дарван Петрин, нань чигн хальмг драматургудын нааднд чигн Сергей Яшкулов тогтасн дўрмўд ўўдігч ўўлдврин темдгті кўцімљ болљ імтні сананд ўлдв.
Дарван Петрин пьесар тівгдсн нааднд Сергей Яшкулов Чингс хаана дўриг тўрўн болљ наадсмн. Тґр шаљн хойран єартан бірљ, Моњєл нутган хамцулљ батрулсн, делкід моњєлчудын нер дуудулљ, шин кесг тоотын эклц тівсн, орчлњгиг догдлулсн хаана дўриг Сергей Борисович билгті кевір ўзўлв. Цецн ухата болн цань уга зґргті кўўні дўриг дотраснь, ухан-толвринь медўлљ, зањ-авцинь илдкљ ўзўлснь мартгдхш.
Йириндін болхла Сергей Борисович ямаран чигн дўриг ўзўлљ чаддг артист біісмн. Бичкдўдин тґлі эн ик дуртаєар нааддг билі. Нег дікљ зґрглід, бийнь чигн бичкдўдт нерідљ, Шин љилин наад тівсн болдг.
Сергей Борисович тґрскн келндін йир хару кўн біісмн. Хальмг радиод, телеўзлд наад тівлєнд залху угаєар орлцљ йовла. Бийнь наад тівід, литературн композиц белдід, хальмг бичічнрин ўўдіврмўдиг соњсхљ йовла. Хальмг радион соњсхврмудт болн литературн композицд орлцад, тґрскн келін улм ясрулљ, бичічнрин ўўдіврмўдлі ґґрхн таньлдсан темдглід, Сергей Борисович радион кґдлічнрт ик ханлтан медўлљ йовла. Эн љил хальмг радио эвріннь кґрњгіс кесг нааддыг, артистнрин орлцата соњсхврмудыг шиніс эфирт тівљіхнь сін йовдл. Тер олн наадн болн соњсхврт Сергей Борисович орлцљ йовсинь соњсљ, билгинь болн дўринь дікн нег таасч темдглнівидн.
Цагтан артист Яшкулов режиссерла болн наадк орлцачнрла хамдан ўўдігч кевір ўўлдід, наадна єол утхинь медўлх таал нааднд орлцачнр дунд тогтадг біісн билгинь ода тодлљ келні. Хальмг Тањєчин болн Ірісін Федерацин ачта артистин кўндті нерн, «Кўндллєні темдг» орден болн нань чигн ачлврмуд хальмг театральн искусствин делгрлтд орулсн ик тівцинь медўлљіні.
Сергей Борисович тґвкндго седклті кўн біісмн. Элст балєсна Советин депутатд суњєгдљ, олна кґдлмшт орлцљ йовсмн. Театральн ўўлдічнрин Цугірісін Нииціні Хальмг іњгиг толєалљахдан театральн ўўлдвриг олнд кўргљ медўллєір бає биш кґдлмш эн келі. Журналистнриг эн ўўлдврт орлцулхдан оньг ґгдмн. Сергей Борисовичин нилчір бидн театральн шалєачнрин кесг курст орлцљ, театрин туск семинарас дутдго билівидн. Эн кўўні тґвкндго седклин нилчір театрт дурта болљ, ўўлдвринь болн артистнрин кўцімљин тускар бичљ йовхдан би Сергей Борисовичд ханлтан медўлљінів.
«Ленинградцнр» гиљ театрин тууљд орсн артистнрин негнь, тґрскн театртан 58 љил церглсн Сергей Яшкулов хальмг театрин делгрлтд орулсн тівцнь ик. Энўні бўрдісн дўрмўд цагин темдг болљ імтні санлд ўлдв.

Галина ХЕЙЧИЕВА

Видео