Булг – җирһлин үндсн

09-02-2021, 15:36 | Таңһчин зәңгс » Сойл

Бурятин нертә режиссер Солбон Лыгденов «Булаг-2. К новой жизни» гидг фильм цокҗ авв. Цаһан сарин өмн эн фильм Бурятин цуг кинозалмудт үзүлгдхмн.

Пандемийин цагт әмтн гертән бәәһәд, элгн-саднла, үүрмүдләрн хая харһдг болсн цагт хара суулго Солбон фильм цокҗ белдәд, әмтнә оньгт тусхаҗана. Гемәсн цагтан хөөһх, урудхмн биш, дурта кергән кеҗ, авъясан хадһлҗ бәәхмн гиҗ режиссер тоолҗана.
Өвкнрин заавриг тодлтн, – гиҗ эн фильмарн Солбон Лыгденов әмтнд дуудвр кеҗәнә. Кезәнә заясн зокалар нег өрк-бүл хотндан бәәх булгиг харҗ, цеврәр бәрх зөвтә бәәсмн. Зуг җирһлин бәәдл муурад, герин эзн залу көдлмшән гееһәд, әркд орад, өрк-бүләсн сална. Булг хәләдг күн уга болна. Тегәд тиим бийән бузрдасн ичр уга залу тал тохмин эклц тәвсн көгшә ирҗ, зарһ кенә.
Тиигәд лу сарин 12-ас авн Бурятин цуг кинотеатрмудт әмтн эн фильмиг хәләхмн. Әмд улс җирһлиг цааранднь йовулх зөвтән туск фильм хәләсн улст уха орулхнь маһд уга

Видео