Ўвліс менд єарвт, эњкр манахс?

11-02-2021, 16:03 | Таңһчин зәңгс » Сойл

Эн љил лу сарин 12-т Цаєан Сарин байр темдглгдљіні. Хальмг Тањєчин Толєач Хаска Батун зірлгір келн-улсин байр амрлєна ґдр гиљ зарлгдв. Бурхндан зулан ґргљ, зандн ціієір болн боорцгар деељ бірљ, олн-імтн келн-улсин байран тосљана. Эн ґдр Хальмгин Төв хурлд болн райод-селідір цуг хурлмудт байрин ик мґргўлмўд болљана.

Бурхн Багшин Алтн сүмд Цаһан Сарин байриг угтсн мөргүлмүд лу сарин 10-с авн эклв. Күүнә җирһлд, кергин йовудт болн нань чигн тоотд учрдг харш йовдлмудыг ууруллһна, сәкүсн бурхдт нерәдсн мөргүлмүд болв. Таңһчин һазр-усыг болн улсыг харсдг бурхдт нерәдсн мөргүлмүд эн җил пандемийәс көлтә онлайн янзар болҗана.
Байрин ик мөргүлин өмнк өдр Окн Теңгрт нерәдсн мөргүлд чигн әмтн интернетин эв-арһар орлцҗ чадҗана.
Кезәнә цагас авн хальмгуд Окн Теңгрт зальврҗ йовсмн. Орчлң шинрҗ сәәхрҗәх хаврин эклц цагла Окн Теңгртән магтал өргдг авъясан әмтн мартлго өвкнрин заңшалыг цааранднь бәрҗ йовна.
Тиигәд өвкнрин кезәнк авъясиг әрүн кевәр хадһлҗ, хальмгуд үвләс менд һарад, хаврин кемд орҗах байран темдглҗәнә. Шаҗна байр болсн деерән Цаһан Сар сойлан болн тууҗан хадһллһна байр болҗана. Лу сарин 12-т әмтн Төв хурлд болх байрин ик мөргүлд онлайн янзар орлцҗ чадҗана.
Үйнриг залһдг дәкн нег авъяс мана бәәдл-җирһлд батрв. Тернь хальмгуд альд йоввчн эн өдр эк-эцкүрн, аав-ээҗүрн адһҗ, төрскн гертән ирҗ цаһалхар зүткнә. Өрүн дееҗән өргәд, бурхндан зальврад, Цаһана цәәһән уусна дару нег-негндән гиичд оддг бәәсмн. Түрүләд тохмин хамгин ах наста улст күрч, дарунь дундын, баһ наста төрл-садндан күрч, мендинь меддг бәәсмн. Эн җил коронавирус гемәс пандемий болҗахас көлтә әмтн ик зуудан гертән өрк-бүләрн, үрдтәһән цаһалҗана. Төрл-саднла, үүрмүдләрн телефоһар мендән авлцҗана. Цаг давад, бәәдл ясрх гисн ицлтәһәр әмтн Цаһан Сарин байртан эн җил орҗана.
Эн җил теңгрин бәәдл чигн әмтнә ухан-седкллә ирлцҗәнә. Кесгтән дулан чилгр бәәсн өдрмүдин дуланд авлгдад, зурмн чигн невчк эрт ичәнәсн һарв, шовуд җиргәд байрлад бәәв, зәрм һазрар ноһан болн цецгүд бултаҗ һарв. Дарунь цаһан цасн орад, серү татад, Цаһан Сарла цаһан хаалһ цуг маднд дурдв.
Галина ХЕЙЧИЕВА

Видео