Тањєчин марєанд белдљіні

20-04-2021, 16:05 | Таңһчин зәңгс » Сурєуль-эрдм

Тањєчин райодар багшнрин марєан муниципальн девсњд болв. Терўні диилічнр ода тањєчин сґрлєнд белдљіні. Тер тоод Яшалтан района хамгин ґґдін ашт кўрсн мергљлтнр тањєчин дґрлдінд бас ончта кевір йилєрхір бііні. Тиим седкл зўўх бат ул-сўўр хамгин тўрўнд физикин, информатикин болн эсвин багшнрт бііні. Яєад гихлі эдні сурєульчнр тањєчин олимпиадмудт сін кўцімљірн ончрна.
Ода цугинь дигті-даратаєар келљ ґгнівидн. Одахн болсн Яшалтан района марєанд 15 багш орлцв. Талдан райодар мет, эдні дґрлдін єурвн номинацар болв: «Багш», «Багшин дебют», «ДОУ-н сурємљлач» мґн. Цуг марєан ик чинврті болв. Дґрлдіні цуг номинацсин єурвн девсњгнь хальдврта геміс кґлті онлайн таалд болв, тер тоод «Сурєуль-эрдмин политикин «тґгрг ширі», «Мастер-класс» болн бийиннь туск келврин марєан. Аштнь марєана йовуднь невчк ахрдулгдв, багшнр тиим таалд шин ховр дамшлт хоршаљ авв. Тиим болв чигн орлцачнрт, цуг билг-дадмган ўўмін угаєар ўзўлх арє ґггдв.
Жюрин тоод района сурєуль-эрдмин єардачин ўўл дааєач, профсоюзин ахлач, дунд сурhульмудын єардачнр, давсн љилмўдин марєана диилічнр, йирин багшнр орв. Эдн цуг онлайн девсњгин видеоматериалмуд ўнлљ, нўўрлічнриг йилєљ авв.
Тўўні хґґн Яшалтан РМО-н hардврин герт марєана ашт нерідсн байрин хург болв. Тиим кевір «Хальмг Тањєчин 2021-ч љилин йилєін сін багш» марєана муниципальн девсњд нўўрлічнр йилєгдв. Тер тоод Яшалтан района мергљлтнр дунд диилічин ґґдін нериг Ульяновск СОШ-ин эсвин багш Л.М.Ефремова зўўв. «Багшин дебют» номинацд Казначеевин В.А. нерті Соленое селіні СОШ-ин эклц классин багш Д.А.Баденова тўрўн орм эзлв. Бичкдўдин сурємљлачнр дунд хамгин ґґдін ашт «Байр» ДОУ-н сурємљлач М.С.Отхонова кўрв.
Призермудын тоод багшин номинацд Бає Тугтна СОШ-ин эклц классин багш А.С.Хулхачиева, Веселое селіні СОШ-ин эклц классин багш Р.С.Перелазная заагдв.
Цааранднь келхлі «Багшин дебютын» призермудын тоод А. Дурневин нерті Октябрьск СОШ-ин эсвин багш И.В. Сангаджиева болн Панченкон В. А. нерті Яшалтан СОШ - ин тууљин багш Д.Э.Молозаев орв.
ДОУ-н сурємљлачнр дундас Ірісін Герой З.А. Даудовин нерті Краснопартизанск СОШ-ин ахр болзгт біідг багин мергљлт В.С.Чижова болн «Байр» ДОУ-н кґдліч Е.П.Согрина йилєрв. Цуг диилічнр, призермуд болн орлцачнр дипломсар болн белгўдір ачлгдв.
Ода тањєчин марєан мґрн сарин 28-29-д эклхмн. Тер тоод багшнр-психологуд Элстин 18-ч тойгта СОШ-т медрлін сґрх. «Мастер года» гидг марєанд колледжмўдин багшнр Кануковин Х.Б. нерті Элстин багшин колледжин герт марєлдх. Дунд сурhульмудын багшнр С. Радонежскийин нерті Орс келн-улсин гимназьд мергљлтін сґрх. Ут турштан 14 кўн эн марєанд орлцх гиљ КРИПКРО-н методистнр келв.
«Багшин дебют» Элстин 20-ч тойгта СОШ-т болхмн, энўнд 11 кўн эв-дован ўзўлх, тер тоод эклц классмудын болн талын орна келні багшнр. Бичкдўдин сурємљлачнр 25-ч тойгта ДОУ-д марєлдх, 12 кўн эн дґрлдінд орлцх. Райодын болн Элстин элчнрт кўцімљ дурдљанавидн.
ТЎРВІН Єуна

Видео