Ор һанц уласн – мана зөөр

07-10-2021, 09:59 | Общество » Новости

Целинн района Хар Булг селәнә өөр урһҗах ор һанц уласн мана таңһчин күн болһнд әрүн чинртә һазр болна. Нааран бәәрн улс болн таңһчин гиичнр одхдан дурта, тегәд уласна уңг харсхин төлә шидр энд модар девскүр тосхв. Хальмгин төв хурлын ламнр энд ном умшҗ мөргүл давулв.

– Энтн мана улсин төлә әрүн чинртә орм болна, тегәд бидн энүг хадһлх болн килмҗән тусхах зөвтәвидн. Модна эргндк һазрт сән таал тогталһна көдлмш цааранднь күцәгдх гиҗ зуралгдҗана. Энтн зуульчллһна объект болҗ орн-нутгин медлд чинртә болхин болн күчнә орм болх зөвтә. Мана нег һазра улс эн әрүн чинртә кергт тәвцән орулҗана. «Эрүл-менд урһа модн» гидг ассоциацин шинҗләчнрин багин сүв-селвгәр модыг батллһна көдлмш күцәгдҗәнә. Әрүн чинртә модна уңгиг әмтн ишкәд үрәхәс саглҗ девскүр тосхгдв, – гиҗ Бату Сергеевич келәд, эн төсв күцәсн улст ханлтан өргв.
«Бидн ор һанц уласн мана улсиг хамцулҗ үүдәгч кевәр үүлдхд урмд өгхин төлә цугинь кехвидн», – гиҗ таңһчин Толһач темдглв.

Видео