Шүүврән йилһән сәәнәр өгсн күүкиг йөрәв

24-08-2024, 18:23 | Общество, Таңһчин зәңгс, Хальмг Тањєчин Толєачин ґдр-бўр, Зіњг, Сурєуль-эрдм

Шидр таңһчин Толһач Хаска Бату эн җилин ЕГЭ-н шүүврин ашар өгәд ончрсн Элст балһсна 12-ч тойгта дунд сурһулиг төгсәсн Бурлыка Баинан өрк-бүллә (зургт) харһв.

ЕГЭ-н һурвн шүүврән йилһән сәәнәр өгәд, 300 балл хоршасн күүкн нерән түүрүлв, гиҗ келх кергтә.
– Бурлыка Баинан өрк-бүллә таньлдад, эн күүкн 1-ч классас авн сурһулян йилһән сәәнәр сурснь медгдв, тер юңгад гихлә, энүнә эк-эцкнь сурһуль-эрдмин халхар көдлнә, сән медрл авх кергтәг күүкндән бичкнәснь авн зааҗ йовла. Эцкнь Владимир Данзанович педагогическ номин кандидат мөн, экнь Эльзята Борисовна болхла, биологин номин кандидат болна. Хоюрн Б.Б.Городовиковин нертә Хальмг ик сурһульд багшлна. Эк-эцкин сурһмҗар Баина цаһан седклтә, тевчңгү, ухата күүкн болҗ өсв. Дунд сурһулян Баина алтн медаль авч төгсәв. Тер мет күүкн ГТО-н алтн темдгәр бас ачлгдв. Баина Москван экономикин Ик сурһульд сурхмн, гиҗ харһлтын йовудт эн келв. Келхәс, нег һазра мана күүкн 310 балл хоршаһад абитуриентнрин дунд ончрв, тиим ончта йовдл түрүн болҗ эн Ик сурһулин тууҗд учрснь нег үлү бахмҗта мөн. Тер төләдән Бурлыка Баина эн вузин тууҗд орснь мана таңһчин төлә ик гидг күцәмҗ болҗана. Баинад цаһан хаалһ болн күцәмҗ дурдҗанав, – гиҗ Хаска Бату күүкиг болн энүнә эк-эцкиг йөрәв.
Эн харһлтд таңһчин сурһуль-эрдмин болн номин министр Әңгрә Булһн бас орлцв.

Видео