Сән кец-таал тогтагдхмн

Шидр Әрәсән залврин Ахлач Михаил Мишустин 2025 җилд кеҗ-күцәсн көдлмшин аш диглв. Орн-нутгин Хүүвин депутатнрин оньгт илдкл тусхагдв.
Терүнә йовудт Әрәсән регионмудын делгрлтин төрмүдт онц оньг өггдв. Орн-нутгин Президент Владимир Путинә даалһсар социальн-экономикин халхар регионмуд делгрүллһнә шишлң көтлврмүд күцәгдҗәнә. Теднә тоод мана таңһч орснь темдгтә.
– ИПР 2.0 көтлвр сән йовудтаһар күцәгдҗәнә. Селәнә эдл-ахун болн зуульчллһна делгрлтд һол оньг тусхагдҗана. Эн җил шаңһа демин кемҗән нег җува һар арслңд күрхмн. Көдлмшч шин ормс бүрдәлһнә, арһлачнриг дөңнлһнә, бордлһна талвңгуд тосхлһна туст көдлмш күцәгдхмн. Зуульчллһна халхар болхла мана таңһчд сән кец-таал цаарандан тогтагдхмн, – гиҗ таңһчин Толһач Хаска Бату иткүлсн болдг.
ОЛЬДАН Цаһан