Министрин үүлд батлгдв

Сегодня, 12:33 | Общество, Таңһчин зәңгс, Хальмг Тањєчин Толєачин ґдр-бўр, Зіњг, Сойл

Хальмг Таңһчин Толһач Хаска Бату сойлын болн зуульчллһна министрин үүлд батлгдсн Бембин Евгенийла харһҗ күүндв. Тер өдр урднь министрәр көдлсн Түрвән Саглрла бас харһад, ханлтан өргв.
– Саглр Денаевнан һардврт сойлын болн зуульчллһна халхар чинртә төсвс күцәгдв. Тедн дунд райодт шин сойлын гермүд тосхгдв, Манҗин Аркадин нертә Хальмг филармонь, Н.Н.Пальмовин нертә Келн-улсин музей болн талдан бүрдәцс ясгдв гиҗ келх кергтә. Тер мет мана таңһчд бамб цецгин наадм сара хонгт давулгддг болснь бас темдгтә. Нидн намрар Элстд болсн шар шаҗна нарт-делкән ик хургин йовудт нег һазра мана сойлын үүлдәчнр соньн көтлвр бүрдәһәд, делкән гиичнрт өвәрц билг-эрдмән үзүлв. Сойлын делгрлтд тәвцән орулсн Саглр Денаевнад цаһан хаалһ дурдҗ, ханлтан өргҗәнәв.
Ода болхла Әрәсән келн-улсин Ассамблейин хальмг әңгин ахлач, «Тод үзгин» эрдмч, төрскн келндән хару, «Хальмг үнн» газетин ах редакторар көдлсн Бембин Евгений олна кергиг цааранднь давулхмн. Шин үүлдән Евгений Владимирович хальмг сойлын халхиг улм өөдлүлҗ, өвкнрин үлдәсн байн зөөриг дорас өсч йовдг баһчудт медүлҗ, делгрүлҗ чадхинь иткҗәнәв, – гиҗ Бату Сергеевич темдглв.

ОЛЬДАН Цаһан

Видео