Йир сін эмнлєн

29-08-2019, 12:06 | Таңһчин зәңгс » Эрўл-менд харлһн

П.Жемчуевин нерті тањєчин больницд «Plasauto Sigma» гидг цус цеврлєні шишлњ аппарат углљ тівгдсні тускар бидн урднь зіњглсн билівидн. Єурвн сарин туршарт мана эмчнр эн аппаратар кўнд гемті улст эмнлє кељ, эдні ім аврљана. Тиигід одахн эдн нег кўўкд кўўні ім аврљ, энўг элкні кўнд геміс эдгіљ авсн йовдл мана тањєчд біітхі, орн-нутгт темдгті болв. Тиим гемті зун кўўніс зуг 4-6 процентнь імд ўлдні гиљ специалистнр келні. Эн аппарат олзлљ эмнлє кўцісн хальмг эмчнрт сентябрь сард Калининград балєснд болх номин-дамшлтын конференцд орлцх ўрвр кегдв.
Эн зунар баахн кўўкд кўн амрхар Хар тењгсўр йовв. Нег ґдр эн халу дґрід, чинінь алдрад, бийнь тас уга болв. Эн тўрўлід царцв гиљ тоолад, эм ууєад, эмчд бийін ўзўлсн уга бііљ. Болв хірљ ирхлінь улм му болад, тањєчин больницд эн тусв. Эмчнр цусна шинљллт кеєід, дарунь элкні геминь илдкв. Кўўкд кўн хойр долан хонгт реанимацд, хґґннь гастроэнтерологическ іњгд эмнўлв.
- Мана эмчнр кўўкд кўўнд дарунь чик эмнлє кесні ашт іминь аврљ болв. Цус цеврлдг иим ґдгі цага аппаратур біієід, энўнд ґґдін чинрті эмнлє кеснь туслв. Бидн Н.Бурденкон нерті єоллгч цергі клиническ госпиталин эмчнрлі телемедицині эв-арєар кўўндід, теднлі селвлцід, эмнлєні йовудт залєлда бірсн билівидн. Москва балєсна клиникин специалистнрин болн мана больницин цусна гравитационн хирургийин болн гемодиализин іњгин эмчнрин хамцу ўўлдвр кўўкд кўўг эдгіљ авлєнд туслв, - гиљ гастроэнтерологическ іњгин заведующ Ольга Бурулова келв.
Кўнд геміс эдгсн кўўкд кўн тањєчин больницин эмчнрт зўркни ханлтан ґргљ, иим ґдгі цага сін аппарат углљ тівгдсні тускар біірн телеўзлір соњссан келв. Болв бийднь эн кергті болхиг тер цагт ухалсн уга билі. «Тањєчин больницин эмчнр намаг ўкліс єарєад, кўнд геміс эдгіљ љирєл белглв. Кўн болєн нанд цаєан седклісн килмљін тусхаљ, бўлін ўгірн урмд ґгв. Мана тањєчин больницин эмчнрин седвірір иим аппарат хулдљ авгдсн бііљ. Кељіх кґдлмшнь ўзмљті болљ, хаалєнь цаєан болтха,- гиљ кўўкд кўн эмчнрт кўцімљ дурдв.
П.Жемчуевин нерті тањєчин больницин ах эмч Санал Манджиевин келсір, Ірісід зуг 22 балєснд иим аппарат бііні. Ірісін Ґмн ўзгт Краснодар балєснд болн мана больницд. «Нидн декабрь сард бидн эн аппарат эклід олзлдг болвидн. Эмнлє авсн улсин эрўл-мендин біідл ясрљахиг ўзід, бидн терўг ґргір олзлхар шиидід, эн аппарат углљ тіввидн. Цґґкн сарин эргцд бидн кўнд гемті єурвн пациентин ім аврљ чадвидн. Хойр-єурвн процедур кесні хґґн пациентнрин біідл ясрад, эмнлєн туста болљахиг медўлв. Одахн болхла эн кўўкд кўн мана больницд тусад, эн аппаратар 6-7 процедур авв. Хальмг Тањєчин імтн ОМС-ин полисар ґњгір эмнлє авч чадљана. Ірісін талдан регионмудас ирсн імтнд бас ґњгір эмнлєн кегдх, - гиљ ах эмч темдглв.

Наталья ДАВАЕВА

Видео