Хальмг Тањєчин билг-эрдмин ачта ўўлдіч, Хальмгин тўрўн драматург, 1934 љиліс авн СССР-ин бичічнрин нииціні гешўн Бадм Эрдниевич Эрдниевиг імтн ода чигн сіінір тодлна, ханмљта седклтієір энўні тускар бўлін ўг келні, санлынь кўндлљ тевчні. Эрднин Бадм тањєчин тґлљлтд, батрлєнд, делгрлтд зґвті тівцін орулсиг темдглх кергті. Нег ўлў хальмг келн-улсин билг-эрдм, сойл шиніс сергіљ, хадєлљ, делгрўллєні кергт насн-љирєлін нерідсн кўн гиљ ґгљіллєн угаєар келљ болхмн.

Хальмгин автономин 100 љилин ґґнин кемд тањєчин улсин эдл-ахун, сойлын делгрлтд ик тівцін орулсн, Хальмгин нериг цуг делкід керг-ўўлдврірн туурулсн нердиг тодлх таал учрна. А. Амур-Санана нерті Келн-улсин дегтрин сањ умшачнртан нерідід, тањєчин тууљин туск, тґрскн єазрин делгрлтд ик тівцін орулсн улсин туск тематическ кесг єарц белдв. Цуг терўнлі дегтрин сањгин сайтд таньлдљ болхмн. Хальмгин Баатрмудын туск циклд эндр оньган тусхаљанавидн.

Июнь сарин 27-с авн 29 кўртл «Алдр 14-ч. Тензин Гьяцо, 14-ч Дала лам бийиннь тускар» гидг фильмин ик премьер виртуальн эв-арєар цуг делкід ўзўлгдв. Британск продюсер болн режиссер Розмари Роклифф фильмиг белдљ тівсмн. 48 частан болсн премьерн ўзўлвриг олн улс хілів. Эн киноўўдіврин тускар імтн таасљ бичсинь интернетд олљ болхмн.

Тґрскін харсгч Алдр дііні љилмўдт советск кўўкд улс ямаран ик даавртаєар болн теслттієір кўнд тоотыг дааљ єарад, диилврт ик тівцін орулсна туск комикс-манго Японьд ик тааслт олљана.
Яєад тиигљіхмб? Дін гисн зовлњ йириндін кенд чигн керг уга. Кўўкд улст болхла дін тґрўц керг уга. Чилшго зовлњ ўўдідгинь, дін болн кўўкд улс гисн медін тґрўц хоорндан ирлцхш. Болв цагин йовудт хортыг уга келєнд кўўкд улс орлцх зґвті болв. Дііні іімшгті цагт кўўкд улс ямаран кевір діілдљ йовсинь Светлана Алексиевич бичсн романд йир сіінір ўзўлгдљіні.
Белорусск бичічин эн романар тівгдсн комикс давсн љилин апрель сард Японя хулд-гўўлгінд орсн билі. Ода 2020 љилд терўгір соньмслєн холванд икдід, терўг хіієід, нег-негнісн авад, интернетин дґњгір олад, эн комиксла японцнр таньлдљана. Йириндін комикс-мангон янзтаєар кегдсн фильмс Японьд ик соньмслт болн тааслт олна. Иигід «Майор Гром: Чумной доктор» гидг нертієір экранмудт 2021 љилд єарх комиксиг японцнр оданас авн эклід кўліљіні. Майор Громин туск бўкл сериал Японя экранмудт єархмн.
Маднд эврі литературан тархахин тґлі бас тиигід імтиг соньмсулх шин янз хііх кергті гисн ухан орна.

Моњєлд Наадам гиєід ик байр љил болєн кегдні. Эн љил байрин ґдрмўдин тоог икдўлх шиидвр Моњєлын правительств батлљ авв. Наадамин байр тегід июлин 11-с авн 15 кўртл дўрклід, шуугад бііхмн болљана. Моњєл улстан йир ґґрхн эн байр нўўдл улсиг хамцулдг нір болљ кегдні. Наадамин йовудт єурвн эрин наадн болна. Мґрні урлданд, бґк бірлєнд, саадгар халєнд імтн єавшунан медўлљ дґрлдні. Моњєлмуд ик бичкн уга цугтан эн байрт нўўєід-нўкшід ирљ орлцна. Ґвкнрин авъясмуд сергігдљ, эндрк ґдрин біідллі ниицљ эн наадн імтнд ик сергмљ ўўдіні.

Яшкулин района Чилгр селінд біідг баєчуд ик кезініс нааран бґк бірлдіні халхар ик кўцімљд кўрч, тањєчин біітхі Цугірісін марєаст диилвр бірљ нер єарна. Энд нег єазра улс Советск Союзин Герой Анатолий Лопатина болн нерті малч, Ленині болн Октябрьск революцин орденмўдір ачлгдсн Муудан Муутлын нерті греко-римск бґк бірлдіні марєан кесг љилин туршарт давулгдљ, сін авъяст тохрсн турнирмуд болв. Біірн баєчуд бичкнісн авн спортар соньмсљ, талдан чигн марєаст шунмєаєар орлцна.

Эндр мана орн-нутгт ґрк-бўлин, дурна болн итклин Ґдр темдглљіні. Эн байрта ґдрлі мана тањєчин далн ґрк-бўл «Дурна болн итклин тґлі» гидг медаляр ачлгдљана. Тўрўн болљ эн байрин ґдриг 2008 љилд темдглсмн, тер цагас авн мана тањєчд 890 ґрк-бўл эн медаляр ачлгдв. Цуєар эдн олн љилдін нииті біідг, ўрдтін чик сурємљ ґгсн, отг-іімгтін кўндті болн тоомсрта улс болна.

Ода зірм улс пандемийіс кґлті сурєулин шин љил цаглань эклхий аль угай гиљ маєдлљана. Эн тґрір одахн Ірісін гегін-герлин министр Сергей Кравцов «Ірісі-24» гидг телеканалд тоолвран келљ сурєулин шин љил єаха сарин 1-д авьяст тохрсар эклх гиљ темдглв.

Одахн тањєчин тосхлтын, кґлгн-кўчні болн хаалєин эдл-ахун министрин дарук Евгений Ченкалеев Ик Буурла РМО-н толєачин дарук Александр Владимировла хамдан «Іімшг уга болн сін чинрті кґлгн-кўчні хаалєс» гидг келн-улсин тґсвин йовудт кўцігдљіх ясврин кґдлмшиг бўрткв.

«Гер-бўўр болн балєсна біідл» гидг келн-улсин тґсвин «Таалмљта кец-таалта балєсна біідл тогталєн» гидг федеральн тґсвин йовудт Сарпан района Садовое селінд паркин єазриг ясрулљана. Эн љил тањєчд эн тґсвин йовудт олн улс амрдг ніімн єазрин кец-таалынь ясрулхмн. Эннь Приютна района Воробьевкд, Ик Царњд, Лаганьд, Бає Дґрвдт, Яшкульд, Садовое селінд, тер мет Элстд.