Госпиталь тосхлһна тускар

06-11-2020, 16:18 | Таңһчин зәңгс » Эрўл-менд харлһн

Шидр Хальмг Таңһчин правительствин Ахлачин дарук Күүкән Нарн таңһчин социальн-экономическ делгрлтин онц көтлвр күцәлһнә төрәр селвлцә давулв. Терүнд гериатриин болн реабилитацин төвлә дәәнә ветеранмудын таңһчин госпиталь тосхлһна туск төр хәләгдв. Селвлцәнд таңһчин министерствсин, Элст балһсна болн Роспотребнадзорин һардачнр, төсвсин бүрдәцсин элчнр, архитектормуд, олна үүлдәчнр орлцв.
Эн объект хотл балһсна 9-ч микрорайонас өмн үзгт Ярмарочн боодгин өөр тосхгдхмн. Төсвин ах инженер Иван Букреев объектин презентац үзүлҗ, архитектурн-зураллһна даалһврин тускар келҗ өгәд, һурвн һоллгч корпуст ямаран әңгүд үүлдхин тускар цәәлһв. Эн төсвәр эмнлһнә бүрдәцин медлд инженерн-техническ әңг тосхгдхмн, олн зүсн модд суулһгдҗ амрлһна һазр бүрдәгдх. Энд гүлгн гемәс хөрлһнә корпус бас тосхгдхмн, тегәд госпиталин төсв тогтасн цагтан терүг учртан авсмн. Эн хойр эмнлһнә бүрдәц хөөннь негдсн медицинск комплекс тогтах зөвтә.

Мана зәңгч

Видео