Ґцклдўр Н.Пальмовин нерті Келн-улсин музейд «Иньгллтин Кавказ» гидг баєчудын форумин йовудт «тґгрг ширін» сўўр болв. Энўг тањєчин сойлын болн туризмин министерств Хальмгин мусульманмудын духовн залврла хамцљ бўрдів. Керг-ўўлдврт орлцхар Ар Кавказин Республикўдин: Кабардино-Балкарь, Карачаево-Черкесь, Северная Осетия-Алань, Дагестан, мусульманмудын духовн залврин элчнр ирсмн.

Тањєчин хотл балєсн олн зўсн келн-улсин тґсвст орлцљана. Тер дотр «Іімшг уга болн сін чинрті кґлгн-кўчні хаалєс» гидг тґсв Элстд йовудтаєар біідл-љирєлд тохрагдљана. 2019 љилд эн тґсвиг кўцілєні йовудт 10 уульнцд 13 єар дууна хаалєин 17 участк ясгдх. Эн кергт 417 сай 662 мињєн арслњ єарєгдхмн. Зунар ясврин кґдлмш келєні тосхлтын организац шўўљ авлєна марєан давсна хґґн хаалєин эдл-ахун предприятьмўдлі бооцас батлгдсмн.

Ґцклдўр Хальмг Тањєчин правительствин сўўрт тањєчин социальн-экономическ делгрлтин тґр хілігдв. Терўнд Хальмг Тањєчин Толєач Бату Хасиков орлцад, суњєврт энўнд дууєан ґгсн нег єазра улст ханлтта бііхін темдглв. - Бидн хамдан эн дааврта кемд арє-чидлін негдўлід, ўнн-чик седклтієір кґдлмшін кўціснд би цуг таанрт ханлтан ґргљінів. Тањєчин імтн нанд иткід, дууєан ґгв, энтн ик даавр болљана.

Октябрьск района Цаєан-Нур селінд олн ўрті ґрк-бўлмўдин то ґсчіхнь ах ўйин улст ик байр ўўдіљіні. Баєчуд тґрскн селіндін ўлдід, энд ґрк-бўлін ґнділєљіхнь - эдн ґсід-боссн єазртан эњкр улс болљахиг медўлљіні. Баєчуд дунд єурвн ўрті болснь йирин болљ тоолгдљана, юњгад гихлі тавн ўр асрљахнь бас бає биш. Тиигід Болдыревихн, Кекеевихн, Бакуловихн, Борлыковихн тавн ўрті ґрк-бўлмўд.

Єаха сарин 5-д Элст балєсна 15-ч школд Оєтрєуйин Дала Намкай Джамцо Зая-Пандитын 420 љилин ґґнд нерідсн керг-ўўлдвр давв. Кезіњк хуучн хальмг бичмр «Тодо бичгин» тањєчин 2-ч марєан болв. Эн сін зіњг соњссн хальмг келні багшнр ірўн љивр урєсн мет агчмин зуур кґлг олљ авад нисід ирцхів. Мадниг тосад, чирідін нарн урєсн Аршана багшнр эвріннь єардачтаєан школурн орулв, школын директор А. Эрендженов ирсн гиичнрін сііхн хальмг келір йґрієід байрлсан медўлв. Хальмг Тањєчин ачта багш, сурєуль-эрдмин болн номин министерствин кґдліч З.Убушиева хурсн багшнрт ханлтан ґргід йґрів.

Август сарин чилгчір тањєчин олн ўрті ґрк-бўлмўдіс арвн тавн кўўкн-кґвўн Сочи балєснд амрхар єарч йовсна тускар бидн урднь зіњглсн билівидн. Хальмг Тањєчин Толєачин ўўлиг дааљадг Бату Хасиков Сочи балєсна мэр Анатолий Пахомовла ўгцсні ашт мана тањєчин бичкдўд тенд арвн ґдртін амрв. Темдглхіс, бичкдўд «Азимут» авиакомпаня самолетар тиигірін болн герўрн ґњгір нисв. Тањєчин правительств билетин мґњгинь даав. Бичкдўд сентябрь сарин 1-д хірљ ирід, мањєдуртнь школдан одв. Бидн олн ўрті эк Елена Мергеновала кўўндід, Анастасия кўўкнь яєљ амрсна тускар соньмсвидн.

Тавн љил дарандан мана тањєчд «Бидн – нег ґрк-бўл» гидг керг-ўўлдврин медлд бииєин болн келн-улсин хот-хоолын фестивальмуд болљана. Тањєчин сойлын болн туризмин министерствин седвірір болљах эн фестивальмуд келн-улсин кергўдин федеральн агентствин дґњгір бўрдігдні. Олн келн імтн хоорндан иньгллтин залєлдаг батрулљ, сойлан, авъясан делгрўлљ, нег-негніннь біідл-љирєлір соньмсљ, нег ґрк-бўл кевті нииті бііхин тґлі эн керг-ўўлдвр давулгдна. Љил ирвіс терўнд орлцдг коллективсин болн келн-улсин ниицісин то икдљіхнь эн керг-ўўлдвр туста болн кергті болљахиг иткўлљіні.

Ґцклдўр Элстд 86 патьрта «Багшин гер» гидг гер-бўўрин комплекс байрин біідлд секгдв. Эн комплекс єурвн геріс тогтна, гер болєн єурвн давхр. 2017 љилд балєсна 4-ч микрорайонд эн комплексин тосхлт эклсн билі. Тањєчин сурєуль-эрдмин болн номин кґдлічнрин профсоюзн организацин шиидврір бўрдігдсн кооператив эн гер тосхх седвір татсмн. Хальмг Тањєчин правительств ґњгір энд єазр йилєљ ґгсн билі. Темдглхіс, сурєуль-эрдмин кґдлічнрин иим кооперативн гер зуг єурвн регионд тосхгдсн бііні. Эннь, Москва, Воронеж болн Элст балєсдт.

Ґцклдўр «Калмыкия» РИА-н барин цутхлњд П.Жемчуевин нерті тањєчин больницин ах эмч Санал Манджиев журналистнрлі харєљ, эмнлєні учрежденя ўўлдврин тускар келљ ґгв. Тањєчин больниц эндр мана регионд єоллгч медицинск учреждень болљана, энд 25 зґрўллтір дґњ кўрггдні. Сўл цагт больниц ґґдін чинрті медицинск дґњ кўрглєні халхар кўцімљтієір ўўлдљ, шин эв-арєс олзлљ імтнд эмнлє кўціљіні. Энд мана тањєчд біідг ґґдін мергљлтті болн байн дамшлтта эмчнр кґдлљіні.

Сўл љилмўдт орн-нутгт ЖКХ-н халхар кўцігддг олна бўртклєн ик делгрлт авчана. Бўртклєні органмудт кґдлмш дала, зірмдін эднд ямр нег йовдл бўрткх цол кўртхш. Тегід чигн эн туст олна шалєачин (инспектор) ўўлдвр чинрті болљахнь мґн. Олна элчнр федеральн программс кўцілєні йовудт кўціљіх тосхлтын болн ясврин кґдлмш чигн шинљлні. Тер мет залврин компаньсиг болн коммунальн туслмљ кўргдг организацсиг шалєна.