Одахн Ірісін Президентин Администрацин єардачин дарук Сергей Кириенко видеоконференц-залєлдана эв-арєар дамљљ, імтнлі кўўндљ, сурврмудт хірў ґгв. Керг-ўўлдврт тањєчин Толєач Бату Хасиков орлцв. Мана тањєчд усна тґр хамгин чинврті мґн. Сарпинск района Садовое селініс олн ўрті кўўкд кўн усна тґрір сурвр ґгв. Єазриг бурєудад, єазр дорас хойр скважиніс авдг усар район теткгдні. Усна турвас дегд хуучн болад, мел эвдрід бііні. Тегід зуг дулан кемд турваєар гўўдг усар імтиг теткні. Нурєлљдан болхла, імтні тґлі усиг машиєір зґґні.

Сурєулин шин љил эклід, кўўкд-кґвўд хойр сардан сурчкв. Удл уга эдн намрин амрлєнд єархмн. Зуни кемд єурвн сардан амрсна хґґн сурєуль сурхд кўнд болна, тегід бичкдўдин эрўл-менд батруллєнд, эдн дунд чик авг-бірц батруллєнд ик оньг ґгх кергті. Насни дигт кўрід уга бичкдўд бат болн чањє-чиирг ґсхин тґлі эдні хотынь ясч, шимті болн эрўл-мендд туста хот-хол ґгх кергтіг специалистнр темдглні. Тегід сурєулин заведеньст бичкдўдт ґгчіх хот-хоолын чинриг ясруллєнд ик оньг ґггдљіні.

Яшкулин района Привольный селінд эмчин офис ўўлдні. Арвн љил хооран энд «Улан Хґґч» акционерн нииціні дґњгір капитальн ясвр кегдід, пациентнрин тґлі сін таал тогтагдсмн. Тер цагт эдл-ахуг єардљасн П.П.Менкнасунов селіні социальн тґрмўдт ик оньг ґгч, эрўл-менд харлєна болн сурєуль-эрдмин учрежденьсиг цуг халхарн дґњндг біісмн. Эн чадмг єардачин нилчір эмчин офист стационарн эмнлєні, тірлє келєні, шўдні эмчин, лабораторин хорас бііні. Капитальн ясвр келєнд эдл-аху кўсдундур сай арслњ йилєсмн.

А. Амур-Санана нерті Келн-улсин библиотек умшачнр дунд олн зўсн керг-ўўлдвр кўціні. Дегтрин кґрњд ирдг улсин насна болн медрлин кемљієинь тоод авч, ўўлдвртін орлцулна. Багшнрин мергљлт ґґдлўллєні Хальмг институтла хамцу ўўлдід, селініс ирсн багшнриг библиотекд тосљ авч умшачнрин конференцд, соньн харєлтд, эс гиљ чинрті нег тґрір болљах кўўндврт орлцулна. Иигід институт болн библиотек багшнриг сойлын болн олна љирєлин халхд болљах йовдлмудла таньлдулна.

«Калмыкия» РИА-д дарани брифинг болв. Тањєчин сойлын болн туризмин министр Хоњєр Эльбиков, министрин дарук Николай Санджиев, Хальмг госфилармоня директор Аркадий Манджиев журналистнрла харєв. Сойлын халхар Келн-улсин тґсв кўцілєні йовудын тускар кўўндвр болв. Тањєчд «Сойл» келн-улсин тґсв кўцілєні йовудла сойлын болн туризмин министр Хоњєр Эльбиков келљ ґгв. Эн тґсвин кемљінд тањєчд сойл болн туризм делгрўллєні государственн тањєчин программ ўўлдљіхин тускар темдглід, 2019 љиліс нааран эн ик тґсв єурвн ўзгір делгрлт авчахин тускар келв.

Октябрь сарин 19-д нарта намрин ґдрір тањєчин правительствин сўўрин ик залд Элстин техническ лицейин 25 љилин ґґнд нерідгдсн байрин хург болв. Байрин керг-ўўлдврт орлцсн улс дунд ідл хувц ґмссн багшнр болн лицеистнр цугтаєаснь йилєрљ олна оньг авлв. Лицейд урднь кґдлљ йовсн багшнриг эдн байртаєар тосад, кўн болєнд белг бірўлљ ґгснь, кўндті гиичнрт бас бичкн белгін нерідснь эдн эн ґґнд ик урдаснь сін белдвр кеснь медгдв. Дікід байрин хургт багшнр болн сурєульчнр билг-эрдмін ўзўлљ, ду-бииєірн гиичнрин седкл авлв.

Н.Пальмовин нерті Келн-улсин музей сурєульчнрт нерідсн шин тґсв ўўдів. «Музейный код. Я экскурсовод» гиљ нерідгдсн тґсв бичкдўдиг школд орсн кеміснь авн музейин ўўлдврлі таньлдулх кўцлтієір секгдсн бііні. Эн сурємљин чинрті ик тґсвиг єардљ кўціљіх музейин директорин дарук Ирина Новомлинован келсір, кўўкд-кґвўд бичкнісн авн искусствла таньлдљ ґстхі гисн ик тґриг музейин кґдлічрн тиигљ хаєлљана. Зу шаху љилин туршарт музей бичкн хілієічнрлі кґдлдг бає биш дамшлт хоршасмн.

Бичкдўдин садт ордг кўўкд-кґвўд школд орхларн сіінір сурна, багшин ўгиг оньган ґгч соњсљ, талдан бичкдўдлі таарч, бийін чикір бірљ чадна гиљ тоолгдна. Юњгад гихлі эдн батлгдсн диг-дараєар энд бііні, ямр нег занятьд тоолдг-бичдг дасна, умшљ чадна, сурємљлачнр эднлі кесг ду-би дасна. Тер тґлід школд орхлань эднд цугнь амр болљ медгдні. Яшкулин района Привольный селінд «Байр» гидг бичкдўдин сад ўўлдні. Эн љил 7 кўўкн-кґвўн 1-ч классин сурєульчнр болв, ирх љилд 12 кўн школд орх.

Москвад бііх Хальмг элчллтд зурачнрин єііхўл секгдв. Хальмгин автономин 100 љилин ґґниг угтљ кегдљіх керг-ўўлдврмўдин кемљінд єііхўл кґдлмшін эклв. Хальмг Тањєчин правительствин Ахлачин дарукин ўўлиг дааљах Людмила Иванова єііхўлиг йґрілин ўг келљ секв.Ірісін художествин Академин кўцц зґвті гешўн, Хальмг улсин зурач Александр Поваевин, Ірісін зурачнрин Нииціні гешўн Хаалєа Поваеван болн зурач Олег Хейчиевин зургуд єііхўлд ўзўлгдљіні. Олн зўсн тґрт нерідгдсн, зурлєна олн янзар ўўдігдсн ўўдіврмўд імтні оньгиг эзлљіні. Ут-тоодан 36 зург энд імтні оньгт тусхагдљана. Хальмгин дўрслўлгч искусствла таньлдулљах єііхўл хойр сардан кґдлхмн.

Хальмг Тањєчин эрўл-менд харлєна халхд негдсн зіњгллєні систем тогталєна тґлі мана тањєчд шишлњ тґсв кўцігдљіні. Региональн тґсв мана орн-нутгт батлгдсн ирлцњгў программин медлд ўўлдљіні. Одахн эн тґсвір мана тањєчин эмнлєні учрежденьс шишлњ оборудованяр теткгдв. Райодт ўўлддг эмчнрин амбулаторьмуд, ФАП-муд, тањєчин эмнлєні учрежденьсин функциональн шинљллтин іњгўд, клинико-диагностическ лабораторьмуд болн «Балєсна поликлиник» гидг шањєа учреждень телекоммуникационн оборудовань авв.