Әрәсән ВДНХ-д көдлҗәдг «Әрәсә» гидг нарт-делкән һәәхүл форумин кемҗәнд Хальмгин дизайнерин кегдлмүд үзүлгдҗәнә. SHCHUR гидг бренд терүгинь олна оньгт тусхаҗана. Цугәрәсән универмагин бәәдлтәһәр бүрдәгдсн яарм 75-ч павильонд болҗана. Регионмудын хамгин сән гисн болн олна тааслт олсн кегдлмүд энд үзсн деерән хулдҗ авч болхмн. Келхәс, SHCHUR бренд 7 җил үүлдҗәнә. Терүнәс 4 җилин туршарт Хальмгт эн көдлмшән делгрүлҗәнә.

Әрәсән Президент Владимир Путина зәрлгәс иштә эн җил мана орн-нутгт өрк-бүлин Җил зарлгдв. Терүнд нерәдҗ олн зүсн керг-үүлдврмүд болхмн, олн үр һарһсн болн чик сурһмҗ өгсн эк-эцкнрин ач хәрүлхмн, нилхд төрлһиг урмдулхин төлә баахн өрк-бүлмүдиг дөңнхмн, олн зүсн марһан бүрдәгдхмн. Мана таңһчд баһчуд дунд олн үртә өрк-бүлмүдин то җил ирвәс өсч йовхнь байрта. Яшкулин района Чилгр селәнд бәәдг төрскнч седклтә Марчеловихнә өрк-бүл цуг наадк баһчудт үлгүр болх зөвтә гиҗ сангдна.

Арвн җил хооран П.Жемчуевин нертә таңһчин эмнлһнә улд «Эрүл-менд харлһн» гидг келн-улсин төсвин медлд судцна региональн төв бүрдәгдв. Зүркн-судцна күнд гемтә улст сән чинртә болн өөдән кемҗәтә медицинск дөң күрглһн эн төвин һол күсл болна. 2014 җилин туула сарас авн төв үүлдврән экләд, өөдән чинртә медицинск дөң күргх зөв авад, зүркн-судцна гемтә улст месллһ кедг болв. Эн җилмүдин эргцд төвин мергҗлтнр 11 миңһн һар месллһ кеҗ, кесг күүнә әм аврв. Шидр региональн төв 10 җилин өөнән темдглв.

Хальмг Таңһчин Улсин Хуралын (Парламентин) депутат Елена Лотник «Елка желаний» гидг буйнч седклин керг-үүлдврт орлцад, Джунгуровихнә өрк-бүлд гиичлҗ одв.

С 1 февраля Социальный фонд повысит сумму материнского капитала всем семьям, которые пока им не воспользовались. Индексацию на 7,4% также получат родители, сохранившие часть средств на сертификате. Чем больше неиспользованная сумма, тем выше будет прибавка после индексации.

Минстрой Калмыкии активно занимается содержанием автомобильных дорог. В зимнее время их особенно тяжело обслуживать.

Городовиковск балһснд бәәдг Буджала Алдр «Елка желаний» гидг керг-үүлдврт орлцад, көлг кеҗ һарһдг заводт одх санан бәәхин тускар бичсн бичгән йовулсмн. Әрәсән үүлдврин болн хулд-гүүлгәнә министрин дарук Василий Шпак көвүнә бичгиг умшад, энүнә санаһинь күцәв. Тиигәд одахн Алдр эктәһән Тольятти балһснд одад, АвтоВАЗ заводын үүлдврлә таньлдв.

Малчнрин төлә хамгин дааврта үвлзлһнә кем гүргүдән орчкв. Эн амр биш кемиг сән аштаһар давулхин төлә таңһчин фермермүд хаша-хаацан ясад, малын хотан эртәснь белдв. Хальмг Таңһчин селәнә эдл-ахун министерствин зәңглсәр, таңһчин эдл-ахуст 1,5 сай шаху хөн болн 305 миңһн толһа бод мал үвлзҗәнә, малын хотан болхла зун процентд фермермүд белдсн билә. Селәнә эдл-ахуг делгрүллһнә шаңһа көтлврмүдт таңһчин малчнр урдк кевәрн орлцҗ дөң авчана. Нурһлҗдан эн дөң тохма мал өсклһнд йилһгднә. Тодлхас, давсн җилин урһц хуралһна ашар мана таңһчин селәнә эдл-ахун көдләчнр ончрсн билә. Тегәд шүрүн хотан малчнр болн хөөчнр күцц кевәр белдв.

Популярность международной выставки форума «Россия» в Москве не снижается. Здесь, на площадке ВДНХ, можно увидеть все 89 регионов страны, узнать об их истории, культуре, экономике, познакомиться с современными технологиями во многих областях науки и техники. 17 января семилетняя Полина Дмитриева из Курганской области стала 5-миллионным посетителем выставки-форума «Россия». Ей и ее семье подготовили подарок – поездку в резиденцию Деда Мороза в Великом Устюге.

Шидр Хальмг Таңһчин Улсин Хуралын (Парламентин) Ахлач Артем Михайлов таңһчд бичкдүдин зөв харслһна күцц зөвтә элчин медлд үүлддг Бичкдүдин олна хүүвин гешүдлә харһв. Харһлтд бичкдүдин зөв харслһна элч Чужан Наталья орлцҗ, хүүвин үүлдврин тускар ахрар келҗ өгв.