В Национальной библиотеке им. Амур-Санана состоялась презентация книги «Предприниматели Калмыкии – 2». Это вторая книга цикла известного журналиста Владимира Боваева. Первая книга, посвященная этой теме вышла в свет в 2020 году.

Урҗ өдр таңһчин Росгвардин Заллтд тогтсн авъясар һарсн җилин ашдиглҗ болн иргч көдлмшт нерәдсн өргн сүүр болв. Хальмг Таңһчин Толһач Хаска Бату, Улсин Хуралын (Парламентин) Ахлач Артем Михайлов, зөв-йос харлһна бүрдәцсин һардачнр, ведомствин офицермүд болн көдләчнр терүнд орлцв.
Хальмгин Росгвардин Заллтын һардачин дарук, полковник Анатолий Зеленских 2025 җилин ашинь диглҗ, кеҗәдг көдлмшиг, терроризмлә ноолда келһнә болн иргнмүдин төлә әәмшг уга бәәдл тогталһна туст көдләчнрин тәвцинь темдглҗ өөдәнәр үнлв.

Цугәрәсән «Эрдмчнр» гидг марһана регионмудын девсң эклв. Ода мана таңһчин колледжмүдин оютнр чигн бас марһанд белдҗәнә. Түүнә тускар Элстин политехникин колледжин һардачин дарук Бембән Екатерина маднд келҗ өгв. «Регионмудын девсң 2026 җилин лу сарин 15-ас авн 20 күртл, тавн өдрин эргцд болхмн. 2017 җиләс авн мана колледж «Эрдмчнр» марһанд шунмһаһар орлцҗ күцәмҗ бәрнә. Эн җил мана политехникин колледжин ул деер 4 талвң көдлх, энд «Веб-эв-арһ», «Ниигмин көдлмш», «Веб-дизайн» болн «Модна неквртә хувцна эв-арһ» гидг әңгд оютнр марһлдх, - гиҗ Екатерина Михайловна цәәлһв.

2025 җилд мана таңһчд 521 өрк-бүл экин региональн сертификатын мөңгиг гер-бүүрин таал ясруллһнд, бичкдүдин эмнлһнд, сурһуль сурхд олзлв. Ут тоодан эдн 49,7 сай арслң эн кергүдт һарһв.

«Кадрмуд» гидг келн-улсин төсвин йовудт күцәгдҗәдг шаңһа көтлвр шин эрдм дасхд туслҗахин тускар Хальмг Таңһчин социальн делгрлтин, күч-көлснә болн көдлмшәр тетклһнә министерств зәңглв. Тиигәд, Элст балһснд бәәдг Бадм-Хаалһин Галина эн көтлврт орлцад, «Промт-инжиниринг» гидг немр эрдм дасв.
Шаңһа көтлврин йовудт немр сурһуль сурад, Галина Александровна шин эрдмәрн нефтин болн газин колледжд багшлдг болв. «Цагин некврлә ирлцҗ өдгә эрдм дасч авснь шин арһ өгв. Таңһчин әмтиг көдлмшәр тетклһнә цергллтин көдләчнр немр сурһуль өңгәр сурч шин эрдмтә болхд нанд ик дөң-тусан күргснд ик ханлтта бәәнәв. Ода би шин эрдмәрн багшлҗ, соньн керг күцәҗ, оютнрт өдгә цага эв-арһсин туск медрл зааҗанав», - гиҗ Бадм-Хаалһин Галина темдглв.

Хальмг Таңһчин социальн делгрлтин, күч-көлснә болн көдлмшәр тетклһнә министерствин зәңглсәр, нидн мана таңһчд 655 өрк-бүл социальн бооца батлв. Ут тоодан орн-нутгин хазнас эднд 147,4 сай асрлң болн таңһчин хазнас 1,5 сай арслң йилһгдв. Шаңһа дөңгәр 302 күн эврә керг бүрдәҗ, онц арһлач болҗ үүлдҗәнә. Селән һазрт бәәдг 114 өрк-бүл социальн бооцана йовудт мал хулдҗ авад, бийән теҗәдг болв. Лаганя районд бәәдг олн үртә Бембин Кермн давсн җилд бас социальн бооца батлад, шаңһас өггдсн мөңгәр эврә керг бүрдәҗ чадв. Района әмтнә социальн харслтын цергллт күүкд күүнә севдәриг дөңнәд, олзта-орутаһар үүлдхд дөң күргв.

В 2025 году Отделение Социального фонда России по Калмыкии назначило единое пособие на 32 008 детей до 17 лет и 1021 беременной женщине.
Напомним, что претендовать на единое пособие могут жители региона, которые являются гражданами РФ и постоянно проживают в России. Чтобы средства получали те, кто в них действительно нуждается, при оформлении пособия применяется комплексная оценка доходов и имущества семьи, а также учитывается занятость родителей или объективные причины ее отсутствия. Единое пособие назначается на 12 месяцев.

Нидн бар сарин эклцәр Төрскнә Баатрмудын Өдр угтҗ Москван мүҗин Химки балһсна 10-ч тойгта лицейд Хальмг Таңһчин Лаганя района Северное селәнд өсч-боссн Түрвән Чиңһст нерәдсн «Баатрин парт» гидг керг- үүлдвр давулгдснь бахмҗта болв. Минь эн сурһулин бүрдәцд Чиңһс Николаевичин Настя болн Ксюша хойр күүкнь сурчадг болна.Эднә эцкнь цергә шишлң керг- үүлдврт орлцад, догшн дәәлдәнд баатр йовдл үзүләд, цергә үүрмүдән харсч йовад,әмнәсн хаһцсн мөн.

Октябрьск района Цаһан Нур селәнд өсәд-боссн Сасан Мацг бичкнәсн авн герин көдлмш кеҗ, мал асрҗ эк-эцкдән нөкд болдг бәәсмн. Ода эн бийнь олн үртә эк болад, күүкдтән цугинь зааҗ, тедниг өвкнриннь авъясар сурһхар шунна. Зурһан үрнь бас эк-эцкдән нөкд болҗ, сурһулян сәәнәр сурч, билгтә, өлзәтә сән күүкд болҗ өсчәнә. Өнр-өсклң өрк-бүл бәәсәрн байн бәәҗ, кен ахан күндлҗ, бичкдүдән өкәрлүлҗ, ниитә бәәнә.

Хальмг ик сурһульд оютнрин төлә «Баһ наста залачин сурһуль» гидг төсв күцәгдҗәнә. Җирһлин йовудт ямаран чигн йовдл учрна, олн зүсн бачм шиидвр авх кергтә болна, тер кемд әмтнә дамшлт, залачин медрл болн авг-бәрц кергтә болна. «Ухал – залҗ арһл» гидг авцта күүндвр оютнр кенә. Теднә сурврт олз зүсн эрдмтә әмтн хәрү өгнә. Эн саамд Хальмг ик сурһулин профессор, педагогин номин доктор Көкән Зинаида ямаран хәрү өгсинь таднд медүлҗәнәвидн.