Демин мөңгиг цаглань өгв

23-10-2020, 15:20 | Таңһчин зәңгс » Эндрк ґдрин тґрір

Һунн наснас авн долан нас күртл бичкдүдиг асрҗах иргнмүдт хулһн сарин демин мөңгиг цаглань өгснә тускар таңһчин социальн делгрлтин министерств зәңглв.
2020 җилин хулһн сарин 21-д кесн то-дигәр мана таңһчд һунн наснас авн долан нас күртл бичкдүдиг асрҗах 10848 күүнд сар болһн өгдг демин мөңгн өггдв. Эн җилин эклцәс авн хулһн сар күртл эн кергт 608,7 сай арслң олзлгдв. Тер тоод федеральн шаңһас 501,2 сай арслң, Әрәсән залврин шишлң көрңгәс 101,4 сай арслң болн таңһчин шаңһас 6,1 сай арслң йилһгдсмн.
Эн демин мөңгн эн жил мөрн сарин 7-д батлгдсн Хальмг Таңһчин Толһачин зәрлгәс иштә һунн наснас авн долан нас күртл бичкдүдиг асрҗах эк-эцкнрт өгдг болв. Эн демин мөңгнә кемҗән 5105,5 арслң тогтана. Терүг сарин теҗәлин мөңгнә кемҗән 10119 арслңгас үлү биш болҗах улс авч чадна.

ДООҖАН Наталья

Видео