Тавн ўрнь эк-эцкин бахмљ

11-09-2019, 11:54 | Таңһчин зәңгс » Селәнә эдл-аху

Октябрьск района Цаєан-Нур селінд олн ўрті ґрк-бўлмўдин то ґсчіхнь ах ўйин улст ик байр ўўдіљіні. Баєчуд тґрскн селіндін ўлдід, энд ґрк-бўлін ґнділєљіхнь - эдн ґсід-боссн єазртан эњкр улс болљахиг медўлљіні. Баєчуд дунд єурвн ўрті болснь йирин болљ тоолгдљана, юњгад гихлі тавн ўр асрљахнь бас бає биш. Тиигід Болдыревихн, Кекеевихн, Бакуловихн, Борлыковихн тавн ўрті ґрк-бўлмўд.
Баазр болн Галина Борлыковихн арвн хойр љил хооран ґрк-бўлін ґнділєв. Баазр эн селінд ґсід-боссмн, Галина болхла Яшкуль селініс. Эдн Элстд деед сурєульд сурч йовсн цагтан таньлдад, нег-негндін седклін тусхаєад, ґркін ґнділєхір шиидв. Эдні ґрк-бўлд єурвн кўўкн болн хойр кґвўн ґсчіні. Алтына, Амуланга, Милана, Валера болн Арслњ эк-эцкиннь байр болн бахмљ болна. Єурвн икнь школд сурна, эдн спортар соньмсна, бииєин ансамбльд орна. Ууєн Алтына ширі деер нааддг теннисір района біітхі, тањєчин марєасин дииліч болљ, эн халхар ик кўцімљд кўрв. Кўўкн домбр цокдг бас дасчана. Амуланга «Байр» ансамбльд орна, Валера футбол наадхдан йир дурта. Кўўкднь школд сурєулян сіінір сурч, олна хормад багтљ йовна. Галина берин келсір, олн љилдін Цаєан-Нуура школд эклц классин багшар кґдлљ йовсн хадм экнь ачнртан герин даалєвр кехд дґњ болна. Ээљиннь хіліврт эдн сурєулян сіінір сурчахнь маєд уга.
Раиса Николаевна кґвўн бертієін бііљ, эдндін нўдн-амн болна. Р.Эрендженова хґрн тавн љилдін багшлад, кўч-кґлсні ветеран болљ, ода ачта амрлєнд бііні. Ээљнь ачнртан тґрскн єазр-уснаннь тууљ, ґвкнриннь авъяс зааљ, хальмг кел дасхна. Хірнь, одахн эн тас уга болад, цаг зуур больницд эмнлє авв, болв олн ачнран ўзхлірн чидл урєсн болљ медгдні гиљ келні. Медіт берін шулун-шудрмг, єартан ґґті, ўўл бірхдін дурта гиљ бууляд, малан хіліљ, тавн кўўкдтін чик сурємљ ґгчіхиг темдглв.
Галина бер хувц уйна, ґлгні, медсін-чадсан кўўкдтін зааљ ґгні. Єартан ґґті экін дахад кўўкднь чигн бичкнісн авн ўўл бірхдін дурта. Дґрвн сар хооран эдні ґрк-бўлд отхн кґвўн тґрљ єарв, тегід гер дотр кех-кўціх кґдлмш дала болна. Г.Борлыкова Цаєан-Нуура дундын школд физикин багшар кґдлні, тегід эн амрлєндан удан суулго сурєулин љил эклхлі кґдлмштін єарв. Раиса Николаевна бердін тўрўн нґкд болљ, бичкн ач кґвўєін хіліљіні. Галинан экнь чигн Яшкуляс ирљ кўўкн-кўргндін дґњ болхмн. Герин эзн ґнр-ґсклњ ґрк-бўлін тељіхин тґлі Элстд тосхлтын халхар кґдлљ йовна. Баазр бас єартан ґґті, арєта залу гиљ келх кергті. Эн бичкнісн авн эцкін дахад, тосхачин эрдм дасв. Келхд, эцкнь Валерий Александрович Аєш балєснд инженерн-тосхлтын институтд сурсмн, Цаєан-Нуурт хґрн љил хооран Бодь суврє босхлєна тосхлтыг єардсмн. Эцкнь імд деерін гер эклід тосхсн билі, терўг хойр кґвўнь тґгсів.
- Бидн «Селіні делгрлт» гидг программд орад, эн гериг тосхљ авлавидн. Экин сертификатын мґњгір тосхлтын материалмуд хулдљ авлавидн, экин региональн сертификатын мґњгір болхла гер дотран ус орулхар седљінівидн. Герин эзн єартан ґґті кўн тґлідін цугинь эврін кев. Сўл цагт мана орн-нутгт олн ўрті ґрк-бўлмўдиг дґњнлєні халхар закадт шинрлтс орулгдљана. Эн сурєулин љиліс авн сурєульчнрт халун хотын єаруєинь дањцалєнд мињєід арслњ ґгдг болв. Олн ўрті ґрк-бўлд ипотечн кредит дањцалєнд бас дем кўрггдљіні. Кўўкд дарунь ґсід-босх, тегід иргчдін бас ипотек авад, гер-бўўр хулдљ авхин тускар ухалљанавидн, -гиљ баахн бер келв.
Селін єазрт біідг ґрк-бўл мал, шову бірні, тегід эдн тасрхан угаєар ўсті, ґндгті бііні. Баахн эк-эцк ґрк-бўлін тељіхин тґлі кґдлљ, ўўл бірљ, біісірн байн. Хойр љил хооран эдн Октябрьск района олн ўрті ґрк-бўлмўдин марєанд орлцад, «Сін гисн ґрк-бўл» болла. Тавн ўрнь эк-эцкдін ґлзіті сін ўрд болљ ґсхин тґлі эдн арє-чидлін хармншго гиљ сангдна.

Наталья ДАВАЕВА

Видео