«Үгин болн җирһлин ашнь,
Үйин өрчд шиңгрәсн багшт
Җилмүд төрүц әәмшг уга,
Җигтә кевәр дүрнь баһрна!»
Нуура Владимир

Хальмг Таңһчин «Өөрднр» бииһин театр цергә шишлң керг-үүлдврт орлцҗадг дәәчнрт күрч, тер мет дәәнә госпитальмудт концертс үзүлҗ ик чинртә керг күцәҗәнә. Давсн җилд чигн эн билгтнр цергчнр эмнлһ авчадг госпитальмудт концертс бүрдәсн билә. Ода «Өөрднр» Әрәсән харслтын Министерствин медлд бәәдг Кубанск цергә сурһульд сурчадг баһчудт үзүлв.

Н. Пальмовин нертә Келн-улсин музейд шидр йир ховр нег дегтр белглгдв. Тернь Чиңһс хаана туск дегтр болв. Хар-Даван Эрнҗән бичсн дегтр «Чингис хан: как полководец и его наследие. Культурно-исторический очерк Монгольской империи» гиҗ нерәдгднә. Эн дегтр Сербийд 1929 җилд барлгдҗ һарсмн. «Всемирная история. Вече» гидг цуг делкәд темдгтә чинртә һарцсин хураңһуд Хар-Даван Эрнҗәнә эн дегтр орсинь бас ончта йовдл болв.
Музейин көрңд орҗ ирсн эн дегтр йир ховр һарц болҗана. Хар-Даван Эрнҗән һаран тәвәд, сербск үүртән белглсн дегтр ода түүрвәчин һарсн һазртнь ирв. Дегтриг Келн-улсин музейд мана һазра күүкд күн, ода Нижний Новгород балһснд көдлҗәдг Светлана Помпаева белглв.

Мөрн сарин 21-д «Балһсна сән кец-таал тогталһн» төсв күцәлһнә йовудт ясгдх олн бәәрнә туст суңһвр эклв.

Хальмгин Толһач Хаска Бату Ростовин, Аһшин, Әәдрхнә мүҗст болн Хальмг Таңһчд үүлддг Россельхознадзорин Заллтын һардач Алексей Коноваловла харһв.

Шидр Москва балһснд «Бичкн Төрскн – Әрәсән күчн» Цугәрәсән хургин йовудт нег һазра Базыра Светланад Әрәсән бәәрн һазрин йосна залврин ачта көдләчин нерн зүүлһгдснь темдгтә болв. Хальмг Таңһчин Толһач Хаска Бату Светлана Эрднеевнаг өөдән ачлвр авснлань йөрәв.

Элстин бичкдүдин үүдәлтин герт бәәрн залврин бүрдәцин сән Өдрт нерәдсн байрин хург болв. Хальмг Таңһчин Толһачин һардврин ахлачин дарук Шипин Екатерина, таңһчин залврин Ахлачин негдгч дарук Цернә Эрднь, Элст балһсна Хургин ахлачин дарук Александр Владимиров, Элстин һардврин ахлачин дарук Дмитрий Довгополов терүнд орлцв.

Шидр Элстд донормудын Келн-улсин Өдрлә ирлцүлҗ олн җилин туршарт эврә сән дурар цусан өгчәдг улст «Әрәсән күндтә донор» гидг өөдән нер зүүсн улсиг ачлад йөрәв. «Цусна төв» таңһчин бүрдәцин һардач Уташа Санҗ, «Хальмгин донормуд» ниицәнә ахлач Манҗикә Басң болн «Улан Кирсин» таңһчд үүлддг әңгин ахлач Пүрбән Олег донормудыг сән Өдрлә йөрәһәд, эдн цусан өгч күнд бәәдлд туссн улсин әм аврдг төләдән өр-өвч седклтә болн зөрмг улс мөн гиҗ темдглв. Келхд, Уташа Санҗ бийнь бас Әрәсән күндтә донор болна, эн зун шаху дәкҗ цусан өгсмн.

Одахн Әрәсән Залврин селвлцәнә йовудт орн-нутгин 16 региона шаңһа кредитын өрн даңцагдсна тускар Әрәсән Залврин Ахлач Михаил Мишустин зәңглсн билә.

2019 җиләс авн мана орн-нутгт «Мана Диилвр» гидг бүрдәмҗин багин седвәрәр «Диилврин диктант» гидг керг-үүлдвр бүрдәгднә. Терүнд орлцачнр Төрскән харсгч Алдр дәәнә туск медрлән сөрҗ үзнә. Төрскнч седклин керг-үүлдвриг «Негдсн Әрәсә» партин, Әрәсән тууҗлгч ниицәнә болн «Диилврин волонтермуд» гидг җисәнә гешүд давулна.