Элстин йисдгч микрорайонд заасн болзгт эс тосхгдсн герин төр хаһлгдв. Шидр тиигәрән таңһчин Толһач Хаска Бату йовҗ бүртклһ кев.

Одахн Санкт-Петербург балһснд болсн экономическ ик хургт Хальмг Таңһчин Толһач Хаска Бату болн Луганск Улсин Республикин толһачин үүл дааҗадг Леонид Пасечник нөкцлтин туск бооцанд һаран тәвлә. Терүнд заагдсн керг-үүлдврмүд дунд ЛНР-ин бичкдүдин зуни амрлһ бүрдәлһнә төр бас батлгдсн билә. Ут тоодан мана таңһчур эн зуни кемд 500 күүкн-көвүн дөрвн селгәһәр ирхмн гиҗ зуралгдҗана. Шидр мана таңһчур 139 күүкн-көвүн ирв.

28июня в 15:00 УФНС России по Республике Калмыкия проведет вебинар на тему: «Уменьшение УСН и ПСН на уплаченные страховые взносы в условиях ведения ЕНС».

Лам Еши Намжил – шаҗнд шүтдг улс сән меддг зурхач. Бурятин Курумканск дацана ах багш болҗ церглнә. 2023-ч җилин хойрдгч өрәлин зурхаг лам белдсн бәәнә. Кениг бәәхтә җирһл күләҗәнә. Кен бийән саглх зөвтә. Энүгинь медхин кергт эн зурхаг умштн. Лам Еши Намжил «Комсомольская правда» газетд келҗ өгсн тоотла мана умшачнриг таньлдулҗанавидн.

Давсн басң өдрлә таңһчин цуг сурһульмудар байрин асхна хургуд болв. Тер мет Элстин Зая-Пандитын нертә этносойлын гимназиг 2022-2023 сурһулин җилд төгсәсн 45 арвтиг йөрәҗ эднд хөв-кишг дурдв.

Келмрчнрин Цугделкән хург Киргизьд болв. Терүнд Хальмг Таңһчас улсин җаңһрч Манҗин Баатр орлцв.

Бичкдүдт кезә чигн сурһмҗ өгч теднә медрлинь, дамшлтынь, эв-довинь гүүдүлҗ теднә ухан-серлинь делгрүлх кергтә. Тиим күслтәһәр сурһульмуд болн эднә медлд үүлдҗәдг зуна лагерьмүд көдлнә. Элстин 17-ч тойгта сурһулин кесг салврта «Дегц» лагерьт 5-7-гч классмудин 50 көвүд-күүкд болн өдрин йовудт көдлдг «Нарн» лагерьт 1 - 4-гч классмудин 130 бичкдүд орна.

«Җилин сән гисн өрк-бүл» гидг Цугәрәсән марһана региональн девсңд Көтчнрә района Шемнр селәнд бәәдг Балдановихнә өрк-бүл диилвр бәрв. Дәкәд эдн «Селән һазрт бәәдг өрк-бүл» номинацд бас ончрв. Олег болн Деляш Болдановихн һучн җил хооран өрк-бүлән өндәлһәд, хойр үртә болн дөрвн ач-зеетә болв. Эдн герин эзн өсәд-боссн Шемнр селәнд бәәнә, өвкнриннь авъяс хадһлҗ, күүкдтән болн ачнр-зеенртән чик сурһмҗ өгч, үнн-чик-седклтәһәр көдлҗ йовх улс болна. Эдниг нег һазра улс тевчнә, өр-өвч седклтә, әмтнлә ниитә болн көдлмшч улс болдгтнь күндлнә. Эднә өркбүл региональн марһанд диилвр бәрәд, цааранднь Әрәсән марһанд таңһчиннь нер харсх зөв авснд байрлҗ, күцәмҗ бәрхиг дурдҗана.

Эндр Әрәсән эрүл-менд харлһна йилһән сән көдләч, Хальмг Таңһчин ачта эмч Санҗин Савр ончта сәәхн өөнән темдглҗәнә. П.Жемчуевин нертә таңһчин эмнлһнд хамдан көдлҗәх үүрмүднь Савр Гаряевичиг өөнләнь йөрәҗ, ач-тусинь темдглҗ, байрин керг-үүлдвр бүрдәҗәнә. Дөч һар җилдән әмтнә әм аврҗ үнн-чик седклтәһәр көдлҗ йовх эмч үүрмүд дундан ик күндллһ олҗ, байн дамшлтта болн өөдән мергҗлттә күүнд тоолгдна.

Наша республика всегда славилась тружениками, которые своим героическим трудом прославляли степной край, добиваясь рекордов в различных областях народного хозяйства, главным образом в сфере АПК, главной отрасли экономики Калмыкии. Лучшим из лучших за выдающиеся достижения на трудовом поприще было присвоено почетное звание Героя Социалистического Труда. Это 33 труженика, проживавшие на территории республики, и еще 9 уроженцев Калмыцкой АССР в других регионах СССР. В настоящее время в нашей республике здравствует единственный Герой Соцтруда. Это житель г. Городовиковска 91-летний Сергей Кугультинович Чурюмов.