2022 җиләс авн Һурвн җилин эргцд авн мана орн-нутгт Цугәрәсән төрскнч седклин керг-үүлдвр болҗана, «Мана полкин дуд» гиҗ эн нерәдгднә. Сойлын седвәрин Әрәсән Президентин саңг энүг дөңнҗәнә. Тер керг-үүлдврин йовудт төрскнч дууна марһан болн байрин ик концерт бүрдәгднә.

Цаһан Сарин байрин өмн өргнд Элстд болн райодын талвңгудт таңһчин уйн наста урчнр дунд Цугәрәсән марһана региона девсң давв. Эдн Элстин болн райодын колледжмүдт сурна, дасчадг эрдмәрн хоршасн эв-дован марһанд үзүлв.

«2025 җилин урч» гидг колледжмүдин региона марһан Хальмг Таңһчд эклҗәнә.

Эн җил бидн Алдр Диилврин 80 җилин ончта өөн темдглхвидн. Әрәсән Президентин зәрлгәс иштә 2025 җил мана орн-нутгт Төрскән харсачин җил гиҗ зарлгдв. Эн ончта болн темдгтә йовдлд нерәдәд «Защитники Отечества. Zаветам Vерны» гидг зургудын нарт-делкән марһа давулх шиидвр авгдсмн.

Өдгә цагт мана таңһчин уульнцсар йовхла олн-әмтн, баһчуд чигн хальмг келн-улсин темдгтә хувц өмсч йовснь даңгин үзгднә. Урднь мана өвкнрин өмсч йовсн хувцн эндр дорас өсч йовдг баһчуд дунд ик тааслт олсинь темдглх кергтә. Эн учрас тиим ке-сәәхн хувц үүдәһәд уйҗ һарһхин төлә шишлң эрдмтә улс кергтә болна.

Нертә бичәч болн шүлгч Җимбин Андрейин 100 җилин өөнд нерәдсн сурһульчнрин марһан Хальмг ик сурһульд болв. Бичәч, Төрскән харсгч Алдр дәәнә ветеран, мана хотл Элст балһсиг 1942 җилин чилгчәр сулдхсн баһ наста дәәч, дәкәд элгн-садтаһан хамдан тууврин зовлңла харһсн салдс эврә үүдәврмүдтән тер амр биш җирһлин тускар умшачнртан келҗ өгсмн.

Әрәсән Президент Владимир Путинә шиидврәр зарлгдсн өрк-бүлин җил төгсч йовна. Җилин эргцд мана орн-нутгт, тер тоод Хальмг Таңһчд, терүнд нерәдгдсн кесг керг-үүлдвр болв. Бар сарин чилгчәр Москва балһснд өрк-бүлин җил төгслһнд нерәдгдсн байрин керг-үүлдвр болхмн. Мана таңһчд чигн ашлгч нәр бас болхмн гиҗ зуралгдҗана.

Дөрвн җил дарандан мана орн-нутгт сурһуль-эрдмин бүрдәцст көдлдг хот кедг улсин дунд шишлң марһан давулгдҗана. Дунд сурһульмудт өдгә цагин некврлә ирлцҗәдг кергсл олзлад, хотнь улм шимтә, сенр болтха гиһәд эн марһан бүрдәгдсн болдг. Хамгин түрүнд регион болһнд эврә марһан давна, терүнд ончрсн көдләчнр цугәрәсән ашлгч девсңд орлцх зөв авна.

Элстд давсн долан хонгин чилгчәр экин Өдрт нерәдсн байрин хург болв. Хальмг Таңһчин Улсин Хуралын (Парламентин) Ахлач Артем Михайлов, Хальмг Таңһчин залврин Ахлач Босхмҗин Гилән, Хальмг Таңһчин залврин Ахлачин дарукин – таңһчин социальн делгрлтин, күч-көлснә болн көдлмшәр тетклһнә министрин үүл дааҗадг Өлзәтин Марина, олна бүрдәцсин элчнр терүнд орлцад, олн үртә, цергә шишлң керг-үүлдврт орлцачнрин экнриг сән Өдрлә йөрәһәд, бүлән үгмүд келв.

Билгтә бичкдүдин эрдминь делгрүллһнә Хальмгин төвин театральн студьд орлцачнр нарт-делкән марһана зональн девсңгин дииләчнр болв. Александр Пушкинә 225 җилин өөнд нерәдсн наадмд эдн тиим күцәмҗтәһәр орлцҗана.