Намрин сўл сар эклсн бийнь дулан болн нарта ґдрмўд зогсљ сііхн тењгрин біідлір мадниг байрлулљана. Амрлєна ґдрмўдт імтн ґрк-бўлірн Элстин паркд амрхар, сўл дулан ґдрмўдт хамдан цаган давулхар єарснь ўзљ болхмн билі. Сўл цагт мана хотл балєснд сін кец-таал тогтагдсна ашт «Иньгллт» болн Диилврин паркмудт болн балєсна тґвд ґрк-бўлірн амрхин тґлі цуг таал бііні.

Ірісін сўзгтнрт Дала ламин гегін љил болєн ном хіірлні. Эн љил Мана Ик Багш онлайн янзар олн сурєульчнрларн харєхмн. Ўкр сарин 5-д эклх тер номд тањєчин імтн оларн орлцљ чадљана. Дала ламин гегін 2009 љиліс нааран Ірісін сўзгтнр номан хіірлљіні. Љил болєн шин љилин ґмн олн імтн Ірісієіс Энткгин єазрт кўрч, Дхармасалад, хґґннь Дели хотл балєснд Ик Багшин номиг соњсдг билі. Хальмгас йир олн кўн тер номд кўрч, орлцљ йовла. Эн љил учрсн нірн біідліс ишті номин ціілєвр интернетар онлайн янзар ґггдхмн.

Коронавирус гем ик іімшг ўўдіљ тўгсн хаврин сармудт буйнч седклин олн керг-ўўлдвр тањєчд кўцігдв. «Хамдан – бидн чидлті» гидг Цугірісін керг-ўўлдврт Хальмгин волонтермуд оларн орлцљ, шунмєаєар ўўлдв. Элстд эн керг-ўўлдвр ямаран делгрлт авсна тускар мана газетд бичгдлі. Ода Олна палатд волонтермудын болн буйнч керг-ўўлдврт орлцсн нань чигн олн улсин седвір болн шунлт Ханлтын бичгўдір темдглгдсн цагт дікн нег тодлулљ, цаєан саната эн імтні тускар келљінівидн.

Келн-улсин драматическ театрин режиссер Сарњга Алексей онлайн янзар ўўдігч шин тґсв белдљіні. Терўнднь нерті артистнр, шўлгчнр, тањєчин ўўдігч коллективс орлцљана. Режиссер болн оператор Утнасна Дорљла хамдан эдн артистнрин болн ўўдігч ўўлдічнрин дуулсн, биилсн, шўлг умшсн, нань чигн ўўлдвр кўцісн кеминь цокад авчкв. Намрин Элстин біідлиг ўзўлљ, хотл балєсна уульнцст, паркт, ке-сііхн ормст билгтнрин зургиг эдн цокљ авв. Ода эдн тер цокљ авсн материалан

Одахн Пятигорск балєснд Ірісін сойлын гермўдин болн клубмудын єардачнрин III съезд болв. Эн ик хург Ірісін сойлын министерствин болн «Негдсн Ірісі» партин седвірір бўрдігдні. Тўрўн болљ эн съезд Москва балєснд 2018 љилд болсмн. Пандемий учрсн болв чигн энљл эн харєлт бас бўрдігдв, терўнд «Сойл» гидг келн-улсин тґсвин болн «Негдсн Ірісі» партин «Біірн сойлын гер» гидг тґсвин медлд кўцігдљіх керг-ўўлдврмўдин аш диглгдв.

Шидр Элст балєсна Хургин Ахлач Орзан Николай шишлњ медицинск дґњ кўрглєні тањєчин тґвин ах эмч Руденкон Татьянала харєад, хотл балєснд коронавирус гемті улсин тґлі немр госпиталь секлєні тґрір кўўндв. Тиигід Б.Городовиковин нерті Хальмг ик сурєулин оютнрин біірнд ода ўўлдљідг обсерваторин ормд госпиталь секхмн. Ўкр сарин эклцір ўўлдврін эклх госпитальд 210 орм бўрдігдхмн гиљ зуралгдљана. Харєлтд ирх љилд Элстин дорд ўзгт хальдврта геміс хґрлєні госпиталь тосхлєна тґр бас босхгдв.

Эн ґдрмўдт Хаптагайск іњгд хііврин кґдлмш кўцігдљіні. Тенд нефтин номин-шинљллтин Цугірісін деед сурєулин номтнр нефть болн газ біідг єазр олљ авлєна туст хііврин керг-ўўлдврмўд эклсн бііні. Шидр Хальмг Тањєчин Толєач Хаска Бату тиигірін одад, эн деед сурєулин єоллгч єардачин ўўл дааљадг Александр Писарницкийла харєв.

Хальмг Тањєчин правительствин Ахлачин негдгч дарук Бадмин Боова, тањєчин эрўл-менд харлєна министр Кикені Юрий, тањєчин ах санитарн эмч Санљин Љањєр Ірісін эрўл-менд харлєна министерствин видеоселекторн селвлцінд орлцв. Терўнд коронавирусар гемтсн улст медицинск дґњ кўрглєні керг-ўўлдврмўд бўрділєні тґр босхгдв.

Шидр Хальмг Тањєчин экономикин министр Дмитрий Троицкий, тањєчин тосхлтын, кґлгн-кўчні болн хаалєин эдл-ахун министр Љанљин Виктор, тањєчин єазрин болн ґлг-эдин хірлціні министр Тачин Анља болн финансин министрин дарук Максима Кермн Ірісін региональн делгрлтин правительственн комиссин сўўрт орлцв. Терўг Ірісін вице-премьер Марат Хуснуллин давулв. Селвлцінд федеральн инвестиционн кґтлврмўдин (ФАИП) тґр болн тґгсід уга тосхлтын объектсиг эдлврт оруллєна тґр босхгдв.

Хальмг Тањєчин Бає Дґрвд селіні гимназьд Велимир Хлебниковин музей ўўлдні. Хґр єар љил хооран музейиг Валентина Бастаеван седвірір бўрдісн біісмн. Нер туурсн орс шўлгч Велимир Хлебников Хальмгин єазрт тґрід, теегин серўн аєар киилљ, эњ-зах уга теегт тўрўн ишкдлін кесн бичіч бичкндк цаган тодлљ кесг шўлгтін, нань чигн ўўдіврмўдтін болн тодлврмудтан бичснь умшхд йир соньн. Тер цагт орс утх-зокъялд Цаєан мґњгн зун љилин (Серебрянный век) ўўлдічнр болљ орсн кесг билгтнриг бидн зуг школын эс гиљ ик сурєулин кґтлвріс меднівидн.