Хальмгар келдгін яєад мартљахмб?

13-07-2020, 17:25 | Таңһчин зәңгс » Тоолвр

Хальмг Тањєчд дала тґр бііні. Тер тоод нег чинрті гисн тґрнь энтн хальмг келін хадєлљ делгрўллєн. Ода дундын сурєульд долан хонг болєнд хальмг келні хойр кичіл давулгдна. Эннь дегд бає, сурєульчнр дасч чадшго. Долан хонгин эргцд кўўкдин тґлі хойр кичіл давулад, тґрскн кел дасхљ болшго.
Селіні дундын школд тівн багш кґдлні. Эдніснь зуг тавхн багш хальмг кел дасхна. Эннь бає болљана, тавн кўн тґрскн келиг босхљ чадшго, кўчн-чидлнь кўршгонь медгдљіні. Наадк цуг багшнрнь бас хальмг келір кичілмўд давулхла айта болхмн гиљ саннав. Тівн багшас дґчн тавнь хальмг келір кичілмўдін давулад, сурєульчнрт медрл зааљ ґгхлі, тиигхлі сін болхмн.
Урдк кевір цуг кичілмўдиг хальмг келір давулљ, кўўкдт тґрскн келір медрл зааљ ґгхлі, ашнь сін болхнь маєд уга. Дііні ґмн, тууврас єазртан ирсні хґґн ўндсни сурєульмуд ўўлдљісмн. Болв, харм тґрхд, 1960-ч љилмўдт ўндсни сурєульмуд ўўлддгін уурв, цуг кичілмўд орс келір давулдг болв. Эннь хальмг келнд мууєан хальдав. Терўніс нааран тґрскн келні чинрнь дор унад, уул келін эклід мартддг болв.
Яєад мана келн-улсин тањєчд ўндсни сурєуль уга болљахмб?! Ірісін федеральн кґтлврт сурєульчнриг тґрскн келір дасхдгин тускар келгдљіхш. Эннь мана зґвиг эвдљіх йовдл.
Дікід орчуллєна кергт ик оньган тусхах кергті гиљ тоолљанав. Ачта амрлєнд єарсн медіті багшнр эн кергт орлцхла сін болх. Шар-шаљна бурхн-номин маань, ламнрин заавр, номин сурєалин дегтрмўд орчулх кергті. Ном-зальвриг хальмг келір умшх йоста. Тиигхлі хальмг улст медгдх, сіінір кўрх. Хурлд хальмг келір кўўндљ, хальмг келиг олн дунд тархахар шунх кергті. Тер мет нарт-делкін бичічнрин ўўдіврмўдиг орс келніс хальмг келнд ґргір орчулхла сін болхмн.
Дегтрин сањгудт, олн зўсн организацст хальмг келні курсмуд бўрдіх кергті. Тер мет сурєульмудт эк-эцкнрин тґлі хальмг келні кружокуд секхлі сін болхмн. Зуни цагт амрлєна лагерьмўдт кўўкдин тґлі хальмг кел даслєна шишлњ селгі бўрдіљ болхмн. Дунд профессиональн училищмўдт бас хальмг кел даслєна тґрт оньган тусхах кергті.
Хальмг келні институт секљ, энўні тґлі онц гер йилєх арє хііхмн. Бас хальмг келір цуг кичілмўдиг дасхх багшнрин училищ бўрдіх кергті, юњгад гихлі эсв, йиртмљ даслєна болн нань чигн олн кичілмўдиг тґрскн келір дасххин тґлі дала шин дегтрмўд барлх кергті. Тґрскн келір дасхдг багшнриг белдх кергті. Адг ядхдан экн авгтан эклц классмудт цуг кичілмўдиг тґрскн келір давулдгиг эклх кергті.
Кґтчнрі района болн Бає Дґрвді райодт хальмг келір кўўндљіхиг видео цокљ, олнд ўзўлљ, тґрскн кел дасхљ болхмн. Келхд, Кґтчнрі района Ґвдг болн Тугтн селідт, Бає Дґрвді района Зурєан селінд ґдгі цагт чигн цевр сііхн келір кўўндні. Дікід болхла імтн уульнцд, лавкд, аптекд, спортивн залд, нань чигн єазрт, эс гиљ ямр нег организацд керг-тґрін хаєлљасн кемд тґрскн келір кўўндљіхиг видео цокљ, олнд тґрскн кел зааљ дасхх кергті.
Тањєчин район болєнд єурваєад ўндсни школ секх кергті. Келхд, Лаганя районд: Лагань балєсна 4-ч тойгта дундын школыг, Джалыково болн Северный селідин школмудыг ўндсин школмудт хўврўлхлі сін болхмн.

УВШАН Альчан Иван,
Лаганя района Джалыково селін

Видео