Маньҗоу-го Богд эзнә селм

05-11-2020, 16:22 | Таңһчин зәңгс » Күн болн җирһл

Мана Хальмг Таңһчин тууҗд Хар-Даһна Басңгин нерн (Басан Бадьминович Городовиков) онц орм эзлҗәнә. Одахн мана алдр нертә инрлын әмдрлин тускар нег соньн йовдлын тускар соңслав. Эн домг болсн йовдлын тускар түүнә нег элгн келҗ өгсмн. Нарт-делкән Хойрдгч дәәнә чилгчд мана цергин нертә командириг бух церглә хамдан Европас Манҗ нутгур (ода Китдын ар-зүн үзг) йовулсмн.
Тер цагт Япон улсин Квантунск церглә хамдан Пу И гидг Манҗ цергин Богд эзн (Император) дәәлдсмн. Пу И 1932 җиләс авн Богд Эзн гидг цол авад, 1934 җиләс Маньжоу-го гидг орн-нутгин хан болсмн. Тегәд Кидт орн-нутгиг япочуд эзлснәс авн, Пу И Япона нутгин өлмәд орад теднлә хамдан дәәлдҗ йовла. 1945-ч җилин ноха сарла Советск Улана әәрм Япона цергиг күчәд, цокад диилвр бәрҗәх цагт тер манҗин богд эзн орһад зулхар седсмн. Тегәд энүнә тускар улан цергин туршулчнр (разведчики) медҗ авад, Мукден балһсна аэропортыг эзлҗ авад, Маньҗоу-гоин Богд эзн Пу Иг бәрҗ авсмн. Тегәд тиим ик цолта Маньжоу-го нутгин Манҗ богд хааг бәрәндән авсн учрас, Улан цергин ахлачнр зергәр зогсад тер күүг тосад авсмн. Тегәд Пу И тер зергләд зогссн Советск цергин командинрмудин дунд Хальмг Улсин баатр Городовковин Басңгиг үзҗ авад, түүнд эврәннь селмиг һартнь бәрүлҗ өгсмн.
Эн маш соньн йовдл гиҗ сангдна. 1755-1757-ч жилмүдт Пу Ин Богд эзнә өвкнр Зүнһар хаант улсиг дәәләд, күчәд уга кесмн. 190 жил давад, теднә салтр Советск цергт диилгдәд, бәрәндән бәргдәд, мана хальмг инрлт эврә селмиг өгәд бәрүлсмн. Азийн улсин авъяс-заңшалар болхла, селмән бәрүлх йосн “би шүүгдв” гисн учр-утхта мөн. Селмәс нань манҗ Богд эзнә торһн лавшг авсмн. «Эн Манжурин һазрт ирәд мана өвкнрин төлә өшәһән авх күслтә биләв» – гиҗ алдр инрл санаһан медүлв.

КАРМАНА Арвн

Маньҗоу-го Богд эзнә селм

Видео