Ўўдігч школ билгті бичкдўдт љивр урєав

04-04-2019, 16:20 | Таңһчин зәңгс » Сойл

Долан хонгин туршарт бає наста билгтнрин школ ўўлдв. Эннь Хальмг Тањєчин улсин артист Игорь Лазаревин сањ бўрдісн школ болљана. Хаврин амрлєна ґдрмўдлі район болєнас ирсн зун сурєульч кґгљмин туск медрлін ґґдлўлв. Искусствин нерті ўўлдічнр ирљ, билгті бичкдўдт эрдмин сін медрл ґгв.
Татарстан Республикин ачта артист, делкід нер єарсн кларнетист Артур Назиуллин болн Ірісін ачта артист, Гнесинихні нерті кґгљмин академин доцент Дмитрий Исаевич Хахамов кґгљмин зевсг татдг бичкдўдин эрдминь шўўљ хіліљ, селвг ґгч, ямаран халхд оньган тусхаљ, чик кевір кґгљмиг татхд туслх заавр ґгв. Пианистнр болхла П.Чайковскийин нерті Московск консерваторин багш Александр Шайкина єардврт занятьст орљ, медрлін ґґдлўлв.
Иим ўўдігч школ кех седвір кесг љил хооран тґрсні тускар Игорь Лазарев келні. Артур Назиуллинла хамдан эдн кесг регионд тиим школын ўўлдврт орлцсн билі. Хальмгтан чигн билгті бичкдўдин ўўдігч школ кехір Игорь Михайлович зґрглв. Седвірін кўціхин тґлі райодар эргљ йовад, Лазарев билгті бичкдўдиг шўўљ авв. Ямаран кўнд болсинь эн заана. Юнгад гихлі, билгті бичкдўд дегд олн, болв цугтаєинь авч ирдг арє уга.
Эн школын кґдлмшиг Орн-нутгин Президентин грантар бўрдіљ болх таал учрв. Тањєчин сойлын болн туризмин министерствин дґњгір иигід хаврин амрлєна ґдрмўдт бичкдўдиг Элстўр авч ирљ, билг-эрдминь улм делгрўлх йовдл учрв. Бичкдўдин ўўділтин тањєчин Цутхлњгин ул деер эн школ кґдлв. Ґдр болєн кўўкд-кґвўд нерті багшнрин єарт дурта эрдмін арднь орљ дасв.
Зургуд зурхдан дурта бичкдўд Ірісін улсин зурач Дмитрий Санджиевин єарт зурлєна эрдмин нуувчиг медљ авв. Тівніс ўлў кўн, насарн чигн ідл биш бичкдўдлі Дмитрий Никитич кўн болєнла кўндід, зурсн зургудынь хіліљ, ямаран зургт ямаран шир олзлхиг хіліљ, бичкдўд нерті зурачас дасв. Ямаран тґрір зурхм? – гиљ сурснд тедн базр зурхмн гиљ келснь зурачд алњ болх седкл зўўлєід соньн болв. Тегід эдн хамдан базр деер хулдхар авч ирсн даальњгас эр така хіікрљіхиг зурсиг цуєар таасљ кўн болєн тівцін орулв. «Кўн болєна зурсиг хіліљ, хаљєринь чиклхд, сін тоотынь улм ясрулхд амр болсн уга, - гиљ Дмитрий Никитич келні. – Болв бичкн зурач болєн эврієірн соньн, эднлі харєљ хамдан кґдлсн ґдрмўд байрар дўўрњ болв».
Ірісін ачта артист Дмитрий Хахамовин келсір, мастер-класс бўрдієід, регионмудар эн дањгин йовна. Єазадын ордудар чигн ачта артист йовна. Академин нерн дееріс чигн йовх керг учрна. Ода болхла, Хальмг Тањєчин сойлын болн туризмин министерствин ўрврір нааран ирљ, бичкдўдт медрл ґгв. Март сарин 26-д школд медрл авчах бичкдўд болн теднд медрл зааљах искусствин нерті ўўлдічнр Троицкое селінд концертін ўзўлв.
Дмитрий Исаевичин тоолврар, бичкдўд ик дуртаєар келсиг, заасиг соњсљ, дасснь терўнд йир таасгдв. Долан хонгин туршарт ґдр болєн тавн частан теднлі хамдан кґгљмин зевсгиг татад, айсиг терўнд яєљ орулснь сін болх нуувчасн дамшлтта багшнр дасхв.
Игорь Лазаревин ўрврір ирсн нерті кґгљмчнр сойлын Ґдрт нерідсн концертд орлцљ, тањєчин улст ґґдін билгір байр белглв. Март сарин 27-д тањєчин школмудын кґгљмин багшнрла ик кўўндвр болв. Эн семинарт района багшнр ирснь, нерті болн мергљлтті кґгљмчнрин дамшлтаснь дасч авснь сурємљин ик чинрті болв.
Ду дуулдг баєчудла Игорь Лазарев бийнь занять кев.
Артур Искандарович Назиуллин эвріннь республикд билгті баєчудыг дґњнлєір ик кґдлмш кені. Кґгљмин халхар хамгин сіінір сурдг оютнрт Артур Назиуллин шишлњ мґрі тогтасн бііні. «Тґрскн єазрин билгті баєчудыг дґњнлєір Игорь Михайлович Лазаревин кељіх кґдлмш йир сін болљана, - гиљ Артур Искандарович тоолврарн хувалцв. - Нер туурсн Спиваков тиим сањ кесг љил хооран ўўдісмн. Тер сањгин дґњгір би сурєуль сурч, кґгљмд кўцімљ бірлів. Терўні нерті сањгиг би Башкортостанд єарддв. Мана ардас ґсч йовх билгті кґгљмчнриг дґњнхір бидн ўўлднівидн. Билгті улст дањгин дґњ болх кергті. Юњгад гихлі – билгті кўн єазриннь нер туурулх кўн болљана. Регион ямр нег ўўлдврір олнд темдгті болдмн. Болв чигн єазрин єол дўрсинь ўзўлдгнь государственн симфоническ оркестр болн кґгљмин, билгин коллективс болљана. Тегід билгті бичкдўдиг дањгин дґњнх кергті».
Школ эклід ўўлдхин ґмн Игорь Михайлович райодар йовад, сін гисн сурєульчнриг шўўљ авснь багшнрт таасгдв. Кґгљмд дуран ґгсн, йосндан билгті бичкдўдт медрл заасндан нерті ўўлдічнр седкл тґвкнўн кергін кўців. Сурєульчнр цугтан билгті, болв кесгнь ода деерін ямаран кґгљмин зевсгт, кґгљмин ямаран халхд бийін нерідхін сіінір медід уга болх. Болв чигн эдн сойлын болн кґгљмин зґґрлі таньлдљахнь ик хґв гих кергті. Яєдг болвчн ґсхлірн эдн цуг халхин белдврті болн билгті улс болхнь маєд уга. Иим ўўдігч школ келєн федеральн цутхлњгин болн региона єардврин дґњ олх зґвті гисн тоолврарн нерті багшнр хувалцв. Дґњ болсн цагт эдн љил болєн март сарин чилгчір Хальмгт ирљ, билгті бичкдўдлі медрлірн болн дамшлтарн хувалцхдан белн бііхін нерті ўўлдічнр медўлв.
Нерті улсла ґґрхн таньлдхла, бичкдўдин соньмслт улм икдні. Багш болљ яєљ ўўлддгинь медљ авсн деерін кґгљмч, артист болна гисн ямаран ик дааврта болдгиг кўўкд-кґвўд медљ авна. Кирилл Емцев, Айса Брюгидикова, нань чигн билгті кўўкд-кґвўд сањгин дґњгір билг-эрдмин хаалєд орв. Ода эн школд сурсн баєчудас чигн нерті билгтнр єарх гиљ ицљ болхмн.
Иим кергиг єанцхн сањгин дґњгір кехд йир кўнд. Мґњгні халхар дґњ ирхлі ўўдігч школ цаарандан чигн ўўдід бііхмн. Хальмг Тањєчин Толєачин ўўлиг цаг зуур дааљах Бату Хасиков школд ирід, кўўкд-кґвўдлі харєљ кўўндснь, эн керг цааранднь чигн делгрлт авх гисн ицл зўўлєљіні.
Игорь Лазаревин келсір, райодын болн селідин школмудар мастер-классмуд кех зура бііні. Селінд бііх улст района цутхлњгур эс гиљ Элстўр ирні гисн љањєрта тґр болљана. Сўл цагт сойлын Гермўд тосхгдљ, кесгнь ясгдљ шинрўлгдсн бііні. Тегід тер гермўдт кўрч, селіні імтнд классическ болн улсин кґгљм соњсхљ, нерті кґгљмчнрин билг-эрдмлі таньлдулх зура Лазаревин сањгд бііні.
«Тюльпанчик» нарт-делкін фестивальд орлцљ, Спиваковин концертин дару бииєірн олн імтнд ик байр ўўдіснь бас эн сањ тањєчин бичкдўдиг талдан ик тґсвд орлцулх арє хіісні ашнь болљана. Тиигід Спиваковин сањла Игорь Лазаревин сањ сін залєлда бірљ, билгті бичкдўдиг дґњнх таал ўўдіљіні.
Ўўдігч школмуд кергиг цааранднь делгрўлх хаалє секні. Тегід єазр болєнд мергљлтті багшнр белдљ, билгті бичкдўдиг сурєх кергті. Хамгин тўрўнд, біірн єазрин єардврин дґњ басл ик чинрті болхмн. Ўўдігч школ байрин ик концертір март сарин 28-д ўўлдврін тґгсів. Болв билгті бичкдўдт дґњ дањгин кергті болдгинь мартхмн биш.

Галина ХЕЙЧИЕВА

Видео