Пушкин болн хальмгуд

11-06-2019, 11:40 | Таңһчин зәңгс » Сойл

Алдр шўлгч Александр Пушкині 220 љилин ґґн мана орн-нутгт йир ґргір темдглљіні. Орс литературн келні ул тівсн, шўлгўдірн болн олн нань чигн ўўдіврмўдірн орс литературин нериг цуг делкід туурулсн бичіч болн цецн ухатл хальмгудын тускар, «теегин иньг – хальмг» гиљ «Бумб» гидг шўлгтін орулснь чилшго ик бахмљ болљана. Хальмгудын тууљар соньмсљ, тууль-тўўксинь ўўдіврмўдтін орулљ бичсн, теегин сііхліг шўлгтін мґњкрўлсн алдр шўлгчин бумбд кўрч, кўндллєін медўлсн хальмгудын то йир олн. Љил болєн шин ўйин хальмгуд алдр шўлгчин ўўдіврмўдиг дікніс амлљ, амрар тодлгддг гўн утхта ўгмўдірнь бахмљ кељ, Пушкині єарсн ґдриг темдглні.
Июнь сарин 6-д Элстд Пушкині бумбин ґґр кўњкл шўлгчин 220 љилин ґґнд нерідсн ик байр болв. А. Амур-Санана нерті Келн-улсин библиотек тер байриг белдљ давулв. Казанск кафедральн чонљин нарн ґдрі «Байр» гидг нерті бичкдўдин дууна коллектив дуулсн дун цуглрсн улсиг шўлгліні сііхн делкід орулв. Хальмгин бичічнрин Нииціні ахлач Николай Санджиев, Хальмг улсин шўлгч Григорий Кукарека шўлгўдін умшв. Шўлгч Иван Бадма-Халгаев хальмг келнд орчулсн Пушкині шўлгўдиг умшснь імтнд таасгдв.
«Бичкн Эйнштейнмўд» гидг клубд ордг Катя Васильева, Эвелина Манжеева хальмг келір Пушкина шўлгўдиг умшљ ґгв. Эдниг Гилян Муджиева белдсмн.
Пушкиниг олн тууль бичсірнь бичкдўд медні. Тиим нег туулярнь - Хатн кўўкні болн долан баатрин туск тууляр «Солнышко» театральн студин орлцачнр Хальмг Тањєчин ачта артистк Тамара Параеван єардврт тівсн наадн цуглрсн улст сергмљ ўўдів.
Элстин лицейин сурєульчнр эн байрас дутсн уга. Нарн Мандеев, Вениамин Манжиков, Карина Каминова, Арслан Манасян дурта шўлгўдін умшљ ґгснь тодлгдв.
Тиигід Хальмг госуниверситетин оютн Сурей Саятова, Хальмг Тањєчин ачта артистк Елена Бицунова, Элстин 3-ч тойгта дундын школын сурєульч Андрей Лалыко, «Надежда» литературн клубд орлцачнр, Хальмг Тањєчин сойлын ачта кґдліч Валентина Хулхачиева, Вера Фоменко, Элстин искусствин колледжин оютнр эн ґдр Пушкина шўлгўдиг умшљ, алдр бичічин 220 љилин ґґниг темдглв. Тер мет сііхн эн асхн Пушкина цагт дуулгдљ йовсн романсмуд бас соњсгдв. Даргомыжскийин болн Рубинштейна романсмудыг дууч Наталья Тапкинова дуулв. Кґгљминь Хальмг Тањєчин ачта артистк Валентина Сергунова татљ ґгв.
«Теегин иньг – хальмг» гиљ мґњкрўлсн алдр шўлгчин 220 љилин ґґнд нерідід, А. Амур-Санана нерті Келн-улсин библиотекин кґдлічнр «Пушкині мґњкрсн нерн» гидг урн-ўгин соньн єарц орс болн хальмг келір белдв. Хальмгин шўлгч, бичіч болєн алдр шўлгчин ўўдіврмўдт оньган ґгч, терўнд шўлгін нерідснь темдгті. Ґґнлінь ирлцўлљ тер шўлгўднь шишлњ хурањєуст барлгдљ йовсмн. Цуг тернь ода библиографическ ховр єарцс болв. Мана єоллгч библиотек белдљ єарєсн єарцд цуг тедн олн улсин оньгт тусхагдљана.
Бўклднь ўнлід келхлі, тернь йоста «Хальмг пушкиниан» болљана гиљ келх кергті. Тўрўн іњгднь А. Пушкин хальмг улсин тускар, тедні тууљин тускар бичсн ўўдіврмўд болн шўлгўд орљана. Пушкинд нерідљ хальмг бичічнр болн шўлгчнр бичсн ўўдіврмўд болн шўлгўд орљана. Орс болн делкін литературт ик нилчін кўргсн кўњкл шўлгчин туск литературн шинљллтс, очеркс болн нань чигн публицистическ ўўдіврмўд болн статьяс эн єарцд орљана. Шўлгчин болн умшачнрин кўўндвр тасрлго ўйіс ўйдін амлгдљ йовхнь цецн ўгин болн йоста шўлгчин евілнь оньдин мадниг харљ, љивр ґгч йовх болљ медгдні. Пушкині болн хальмгудын хоорндк залєлдан тиигід зун љилмўд дамљад, мадниг љирєлин хаалєар кґтлід, цецн ўгин чинрірн мана зўркиг халулљ йовна.

Галина ХЕЙЧИЕВА

Видео