Энљл капитальн ясвр кех

07-08-2019, 14:03 | Таңһчин зәңгс » Сурєуль-эрдм

Одахн мана газетин ўўдігч баг Приютна района Воробьёвка селінд одв. Эн кезіњк селін Бўслўрті гиљ нерідгддг билі. Юњгад гихлі селін сала-садргудар бўсліті. Кезіні хурта, бальчгта цагт иигірін кўрдг арє уга біісмн. 1943 љилд хальмг улсиг хар гґрір Сиврўр туусна хґґн кесг селідин, хотдын хальмг нерідлєнь сольгдсмн. Келхд, хальмгуд тууврт біісн цагт кезіњк Бўслўрті гидг сііхн нерідлєинь соляд, 1949 љилд Тґрскін харгсч Алдр діінд орлцљ, залу-зґрмг йовдл єарєљ, нерін турулсн Николай Тимофеевич Воробьевин неринь мґњкрўлх санатаєар Воробьёвка гиљ нерідсмн.
Цґґкн љил хооран Воробьёвск дундын школд Советск Союзин Герой Николай Воробьевин нерн зўўлєгдв. Эннь орта гиљ сангдна, юњгад гихлі Николай Воробьев эн селінд ґсч-босад, біірн школд сурч йовсмн. Баатрльг йовдл єарєсн нег єазра кўўні неринь мґњкрўллєні йовдл дорас ґсч йовх ўйнрт ўлгўр-ўзмљ, бахмљ болљ, эдні сурємљллєнд сін нилчін кўргхнь лавта.
Мадн Воробьевск селіні дундын школд одљ, єардач Евдокия Пустовойтовала харєљ кўўндвидн. Евдокия Филипповна бийнь эн селінд ґсч-боссмн. Школан тґгсісні хґґн Хальмг государственн университетд сурч, эсвин багшин эрдм авсн болдг. 1977 љилд баахн специалист тґрскн Воробьёвк селіндін ирљ, кўч-кґлсні хаалєан эклв. Олн љилдін эсвин багшар кґдлљ, кўўкдт бат эрдм зааљ йовсмн. Хґґннь школын єардачин дарук болљ кґдлв. Сўл арвн љилин эргцд школыг чадмгар єардљ йовна. Юуєинь нуухв, селіні школд кґдлхір седдг улс єархш. Тегід чигн кесг селідин школмудт багшнр кўртхш. Болв Воробьевск школд цуг кергті багшнр бііні. Ямр нег багш уга болхла, Евдокия Филипповна балєсн тал чигн одад, альдас чигн хіієід олад авна. Дікід болхла хір єазрас ирсн багшнрт цуг таал тогтадг тґліднь теднь кўўні єазрт торад ўлдні. Келхд, Элстіс англь келні багш нааран ирљ, энд тавн љил кґдлљіні.
Эндр ґдр школд 66 сурєульч сурчана. Эн љил 1 сурєульч школ тґгсіљ, деед сурєульд орв. Намртан 11 сурєульч негдгч класст орх. Тегід сўл тавн љилин эргцд сурєульчнрин то баєрљахш. Орс келні багш Елена Кравченко, англь келні багш Бактыгуль Накшинова, эклц классмудын багшнр Раиса Фоменко, Анна Сокиркина болн нань чигн багшнр нўўрлгч эв-арє олзлљ, ўўдігч кевір кґдлљ, кўўкдиг соньмсулна.
Школд ґґдін мергљлтті багшнр кґдлљ, сурєульчнрт гўн медрл ґгні, билгинь делгрўлні. Тегід чигн кўўкд-кґвўд сурєулян сіінір сурна, сурєульчнрин цугірісін олимпиадын муниципальн девсњд сін белдврін ўзўлні. Эннь София Пасько, Евгений болн Мирослава Бахаревихн, нань чигн сурєульчнр багшнран болн эк-эцкнрін кўцімљірн байрлулна. Кўўкд-кґвўд кичілмўдин хґґн олн зўсн зґрўллтин кружокудт орљ, ямр нег тааста керг-ўўлір соньмсна. Кўўкд тґрскнч седклті улс болљ ґстхі гиљ эн туст ик кґдлмш кегдні. Школд цергі болн кўч-кґлсні туурмљин музей бііні. Энд Тґрскін харсачнрт болн кўч-кґлсірн ончрсн улст болн Советск Союзин Герой Николай Воробьевин санлд нерідгдсн, тґрскн єазр-усна тууљин туск стендмўд бііні, олн зўсн соньн экспонатмуд хадєлгдљана. Тер мет школд орс келн-улсин авг-бірц, бііц ўзўлљіх хора бііні. Кезіні бііцд олзлгдљ йовсн хамг тоот олна оньгт тусхагдљана. Хуучн орн, аає-сав, илўр, тењнўл, нань чигн тоот ўзљ болхмн. Школд байрин ґдрмўдт нерідгдсн керг-ўўлдврмўд бўрдігдні. Тер мет акцс, буйнч седклин керг-ўўлдврмўд давулгдна. Сурєульчнр цуєар школын біідл-љирєлд шунљ орлцна.
Удлго шин сурєулин љил эклх. Школд цуг кабинетмўдиг ясљ бел кељ. Евдокия Пустовойтован келсір, эн љил школын капитальн ясвр кехір бііні. Эн кергт 23 сай 100 мињєн арслњ йилєгдљіні. Бел кесн тґсвин-сметн цаасиг шањєа шинљллтин организацд бўрткљіні. Намртан ясврин кґдлмш эклх. Тўрўлід герин ораєинь ясх, дарунь терзмўдинь сольх, єазаєаснь эрсинь шалдад ширдх, дулаллєна системиг шинрўлх, школ дотр мґрін ўздг хорас кехмн. Ясврин кґдлмшиг эклхлі, кўўкд цаг зуур талдан герт сурєулян сурх. Дікід болхла єурвн давхр школыг девсњ-девсњгір ясхла, сурєульчнр школын нег іњгднь сурх, дарунь ясвр кегдсн талдан захднь бііх кабинетмўд эзлх. Тегід чигн ясврин кґдлмш сурєульд харшлт болшго гиљ Евдокия Филипповна келв.
Ясвр кесні хґґн школ шинрљ, кец-таалнь ясрхнь лавта. Таалмљта біідл тогтагдхла, эннь багшнрт, сурєульчнрт чигн урмд ґгхнь маєд уга.

Маргарита АРЗАЕВА
И.Музраеван цоксн зург

Видео