Ирх җилд Алдр Диилврин 80 җилин өөн темдглгдхмн. Эн ик чинртә йовдлд нерәдәд, «Калмыкия» РИА-н шеф-редактор Мукөвүнә Цаһан телеүзлин соңсхврмуд белдҗәнә. Орн-нутгин күн болһна җирһлд чилшго өвдкүрән үлдәсн дәәнә цаг мартгдлго бәәнә. Эн дәәнд Хальмгин әмтн ямаран ик тәвцән орулсна тускар седкүлч соңсхврмудтан келҗ өгхмн. Энүнд Сталинградск дәәлдәнд орлцачнрин залу-зөргнь үзүлгдхмн. Урднь зәңг угаһар геедрсн цергчнрин нерд чигн илдкгдхмн гисн нәәлвр бәәнә. Эн туст ямаран көдлмш кегдҗәхин тускар Цаһан Эренценовнала кесн күүндврәс медҗ чадхит.

85 җил хооран Халхин Һолд ик дәәлдән болсмн. Тенд моңһл теегт японя әәрм болн советск-моңһл церг хоорнд дәәнә үүлдвр болсмн. Советск болн моңһл цергчнр тер дәәлдәнд японя цергиг хамц цоксн диилвриг тетклһнд Хальмг цергчнр орлцсн учрар Халхин Һол деер болсн дәәлдәнә туск илдкл белдгдҗәсн цагла дәкн нег ончта йовдл учрв.

Дәәнд әмнәсн хаһцсн баатрмудын нердиг мөңкрүллһәр Хальмгин хәәврин багмуд ик көдлмш кеҗәнә. Төрскән харсгч Алдр дәәнә җилмүдт әмнәсн хаһцсн 17 күүнә нериг эдн илдкв. Эн җилә санлын кергт орлцад, Хальмгин хәәврин багмудын гешүд күцәсн нег керг-үүлдврин тускар эндр бичҗәнәвидн.

СВО-н ветеранмуд Хальмгт баһ биш. Теднә кесгнь дәәнә шаван эдгәҗ, көл деерән һарсн хөөн юмнас дутшгоһар бәәнә. Сарпуль балһснд болсн «Төрскән харсачнрин кубок» гидг марһанд Хальмгин СВО-н ветеранмуд орлцв.

СВО-д церглҗ йовх дәәчнрт болн Луганск Улсин Республикин Антрацит балһсна әмтнд эмнлһнә дөң күргҗәдг Хальмгин эмчнрин тускар даңгин бичгднә. Тиим нег йовлһна тускар эндр бичҗәнәвидн. «Cулда» гидг шишлң дөң күрглһнә таңһчин төвин хойрдгч тойгта әңгин мергҗлтнр ода Антрацит балһснд дөңгән күргҗ көдлҗәнә. Луганск Улсин Республикд СВО-д орлцҗадг хальмг цергчнр госпитальд эмнлһнд бәәнә. «Сулдан» мергҗлтнр эврә һазрин цергчнрлә шидр тенд харһв.

Цергә шишлң керг-үүлдвр болҗах һазрт Хальмгин кесг әмтн орлцҗана. Теднә негнь Арман Джумагалиев билә. Эн җилин моһа сарин 13-д цергә даалһвран күцәҗ йовад, Арман әмнәсн хаһцв. Цергә даалһвриг күцәлһнд ончрсн төләдән Залу-Зөргин орденәр эн ачлгдв.

С момента своего прихода на Волгу калмыки проявляли невероятную храбрость и стойкость, служа верой и правдой в рядах сначала армии Российской империи, а позже – Советского Союза. Сегодня наши современники-воины продолжают эту традицию, сражаясь за мир и безопасность своей страны и братских республик.

Давсн долан хонгин чилгчәр мана таңһчур Луганск Улсин Республикин Антрацитовск районас бичкдүд ирв. Хальмг Таңһчин Улсин Хуралын Ахлач Артем Михайлов бичкдүдлә харһад, зака үүдәгч бүрдәцин үүлдврин тускар келҗ өгв. Хаврар Элстд ЮРПА-н хургин йовудт Хальмг Таңһчин Улсин Хуралын (Парламентын) болн ЛНР-ин Антрацитовск муниципальн округин Хүүвин хоорнд нөкцлтин бооцан батлгдсн билә. Тегәд депутатнр Антрацитовск района бичкдүдин төлә мана таңһчур зуульчллһиг бүрдәв.

Урҗ өдр Хальмг Таңһчин Толһач Хаска Бату Целинн района Вознесеновка селәнд одад, цергә шишлң керг-үүлдврт әмнәсн хаһцсн Антон Гайворонскийин нертә скверт модд суулһв. Хөн сард эн селәнд көдлмшәр ирсн кемд Бату Сергеевич бәәрн улсла харһад, эдниг үүмүлҗәдг төрмүдин тускар күүндсн билә. Цергчин эк Вера Александровна тер харһлтд көвүнәннь санл мөңкрүлхин төлә селәнд сквер секгдснә тускар келсмн. Зуг тенд модд суулһх кергтә гив. Бату Сергеевич дәкн нег нааран ирәд, урһа модд суулһхар үгән өгсн болдг. Келсн үгдән күрәд, таңһчин Толһач хойрдад нааран ирснь тер.

Иим нертә хураңһун презентац хөн сарин чилгчәр Москвад Поклонная уул деер болсмн. «Цугтаһинь нерәрнь тодлхмн» гидг үүлдврин йовудт «Олн келн- улсин Диилвр» төсвин дииләчнриг тер өдр байрин бәәдлд ачлсн болдг.