• Цергчнрин төрмүд – һол оньгт

    Шидр Хальмг Таңһчин залврин Ахлачин дарук – таңһчин социальн делгрлтин, күч-көлснә болн көдлмшәр тетклһнә министр Өлзәтин Маринан һардврт болсн селвлцәнд «Төрскән харсачнр» шаңһа саңгин мана таңһчд үүлддг әңгин үүлдврин аш диглгдв. Саң хойр җил хооран үүлдврән экләд, эн цагин эргцд цергә шишлң керг-үүлдврт орлцсн нег һазра улст болн теднә өрк-бүлмүдт цуг халхин дөң күргҗәнә.

    • 27-12-2025, 13:10
  • Селәнә эмнлһнд көдлнә

    Целинн района Овата селәнд «Эрүл-менд харлһн» гидг келн-улсин төсвин йовудт 2019 җилд шин фельдшерск пункт тосхгдв. Селәнә бәәрн улс цаглань эмнлһнә цинск дөң авч, эрүл-мендин бәәдлән шинҗлхин төлә терүнд цуг таал тогтагдсн бәәнә. Энд фельдшер Юлия Антонова болн медицинск эгч Елена Антонова нег һазра улст түрүн дөң күргҗ, эднә эрүл-менд харна.

    • 27-12-2025, 12:45
  • Би – донор!

    Шидр Т.Хахлынован нертә медицинск колледжин улд «Би - донор! Би җирһл белглҗәнәв!» гидг таңһчин керг-үүлдвр болв. Терүнд эврә сән дурар цусан өгдг улс орлцад, гемтә болн зеткртә йовдлла харһад шав авсн улст дөң күргв. Тедн дунд Хальмг Тапңһчин Толһач Хаска Бату түрүн зергләнд орлцҗ, эн кергиг дөңнв.

    • 25-12-2025, 12:44
  • Җилин аш диглв

    Элстд, залврин герт Хальмг Таңһчин Суңһврин комиссин байрин хург болв. Һарчах җилин аш энд диглв. Әңгүдин комиссьмүдин гешүд болн ахлачнр, йосна болн олна бүрдәцсин элчнр терүнд орлцв. Хургиг таңһчин Суңһврин комиссин ахлач Чужан Бембә секәд, нүр үгән келв. Хамгин түрүнд Зулын байрин өдрлә хургт орлцачнриг йөрәҗ теднд орҗах мөрн җилд сән-сәәхн бәәдл җирһл эдлҗ бәәтн гиҗ дурдв.

    • 25-12-2025, 12:44
  • Бичкдүдт белгүд илгәгдхмн

    Хальмг Таңһчин Улсин Хуралын (Парламентин) депутатнр Луганск Улсин Республикин Антрацитовск района бичкдүдиг Шин җилин байрла йөрәһәд, белгүд нерәдхәр шиидв. Тиигәд, «Күслин һацур» гидг керг-үүлдврин йовудт таңһчин Улсин Хуралын Ахлач Артем Михайлов, энүнә дарукс Бадмин Вячеслав болн Нуура Николай, зака үүдәгч хургин әңгүдин һардачнр кенд ямаран белг белглхән шүүҗ авв.

    • 25-12-2025, 12:43
  • Өөдән нер зүүснләнь йөрәв

    Одахн нег һазра мана дәәч Очр-Һәрән Нарн цергә шишлң керг-үүлдврин йовудт залу-зөргәрн ончрад, Әрәсән Президент Владимир Путинә зәрлгәс иштә орн-нутгин Баатрин нер зүүсн болдг. Эн зәңг таңһчин улст ик байр-бахмҗ үүдәв, гиҗ келх кергтә.

    • 25-12-2025, 12:40
  • Энергетикин көдләчнриг темдгләд

    Шидр Элстд энергетикин халхин көдләчнриг сән өдрләнь йөрәҗ темдглв. Өдр болһн мана гермүд болн таңһчин бүрдәцс шамар болн дулаһар теткгднә. Эннь энергетикин халхин көдләчнрин ач-тус болдгинь темдглх кергтә.

    • 25-12-2025, 12:40
  • Басан Городовиковин орденәр ачлгдв

    Әрәсән әәмшг уга бәәдл тогталһна бүрдәцсин көдләчнрин сән Өдр угтад, таңһчин Улсин Хуралд (Парламентд) Хальмгин Толһачин элч Манҗин Араш Тамбов балһснд бәәдг ФСБ-н генерал-майор Виктор Сафоновд Б.Б.Городовиковин орден бәрүлҗ өгв.

    • 25-12-2025, 12:38
  • Нег һазра улсан дөңнәд

    Таңһчин арһлачнр, буйнч седклтә болн эгл улс цергә шишлң керг-үүлдврт орлцҗадг нег һазра дәәчнрт даңгин хот-хол, дулан хувц, зер-зевән бүркдг гөлм болн талдан керглгдҗәдг тоот цуглулад, даңгин тиигәрән илгәнә. Одахн Зулын байрин өмн таңһчин иргнмүд буйнч аца ачад, Белгородск мүҗд дааврта кергән күцәҗәдг дәәчнрт күргв.

    • 25-12-2025, 12:38
  • Орн-нутгин даалһвриг йовудтаһар күцәҗәнә

    Шидр Хальмг ик сурһулин номтнрин хүүвин хург болв. Энд хамгин түрүнд орн-нутгин залврин өгсн даалһвриг дигтә-даратаһар күцәлһнә тускар күүндвр болв. Харһлтыг вузин һардач Салан Бадм секәд, Хальмг ик сурһулин номтнрин күцәҗәх кесг салврин шинҗллт ик чинр зүүҗәхин тускар герчлҗәнә гиҗ онц заав. Эн җил орн-нутгин 7 тиим даалһвр өггдв. Тедниг күцәлһн - мана хамгин чинртә болн дааврта керг болҗана гиҗ Бадм Катинович заав.
    Түүнә хөөн орн-нутгин даалһвр күцәлһнә йовудын тускар экономикин номин доктор, профессор Бакинә Татьяна келҗ өгв. Таңһчин экологийин халхар күцәҗәх шинҗллтин тускар номт тодрхаһар цәәлһв.

    • 25-12-2025, 12:32

Видео