Хальмгудтан хәәртә бәәрнд Һанц модна өөр хөн сарин 21-д шаҗна чинртә йосрхл күцәгдв. Җил болһн Бурхн Багшин Алтн сүмин шаҗна үүлдәчнр һазр тәклһнә йосрхл энд күцәнә. Үрс Сарин байрта цагла эн үүлдвр күцәгддгнь нег үлү евәлтә болна. Хальмгин Шаҗн Лам гевш Тензин Чойдак болн хурлын гелңгүд эн үүлдвриг күцәв.
Хаврин сәәхн өдрлә Һанц модна өөр әмтн олар цуглрв. Төрскн һазртан күндллһән медүлхәр әмтн авъяс болсн шаҗна йосрхлд орлцна. Һазр тәклһнә йосрхл кезәнәс авн кегдҗ йовсн үүлдвр болҗана.

Москвад «Әрәсән нүүрләчнр.Политик» заллтын мергҗлтнриг белдлһнә халхар болсн марһана дарани девсңгин ашнь диглгдв. Келхд, эн марһан орн-нутгин Президентин даалһврар давулгдна. Олна-политикин халхар медрлтә, дамшлтта нүүрләчнриг йилһҗ авхин төлә эннь бүрдәгднә.

Одахн МЧС-ин заллтын элчнр Элстин 20-ч тойгта дунд сурһульд сурчадг һурвн күүкиг ачлв.

Давсн үлмҗ өдр «Калмыкия» РИА-н барин төвд орс сойлын ик хургт нерәдсн брифинг болв.

Готовые дома в загородном сегменте продолжают пользоваться устойчивым спросом. С января по начало мая россияне взяли около 100 млрд кредитных средств на приобретение загородных домов – в 2 раза больше, чем за аналогичный период 2025 года. Медианная стоимость готового дома в России на начало 2026 года составляет около 4,6 млн рублей (+12,5% по сравнению с 2025 годом).

На конкурс школьных музеев общества «Знание» поступило свыше 4,6 тыс. заявок со всей страны. Образовательные организации Калмыкии направили 15 заявок, больше всего – в номинациях «Лучшая экспозиция, посвященная памяти защитников Отечества» и «Лучшая этнографическая/краеведческая экспозиция».
Школа №8 имени Номто Очирова г.Элисты представляет музей боевой славы с 200 экспонатами. Гордость музея — альбом 1966 года с дарственной надписью от родителей Юрия Клыкова, юного партизана, который в годы войны сражался в калмыцких степях. На его страницах – копии документов, фотографии, газетные вырезки о семнадцати годах жизни мальчика, почти ребенка, ушедшего в партизаны. Активисты музея продолжают исследовательскую работу, участвуют в экспедициях и проекте «Без срока давности».

Алдр Диилврин сән Өдрлә Үстин района Харба селәнә дунд сурһульд «Баатрмудын ширә» секлһнә керг-үүлдвр болв. Хамдан сурһуль сурч йовсн Мөңкән Владимир болн Лиҗин Саңһҗ цергә шишлң керг-үүлдврт орлцад, залу-зөрмгән үзүләд, баһ-дүүвр насндан әмнәсн хаһцв. Эдниг сурһҗ йовсн багшнрин, хамдан сурч йовсн үүрмүдин болн эндрк сурһульчнрин седвәрәр Төрскән харсачнрин санл мөңкрүлхин төлә ирлцңгү керг-үүлдвр бүрдәгдсн мөн.
Харба селәнә дунд сурһулин һардач Шуркчин Марина харһлтыг нүр үгәр секәд, цергә шишлң керг-үүлдврт орлцачнрин санлд нерәдҗ «Баатрмудын ширә» Алдр Диилврин Өдрлә секгдҗәхнь хойр дам ончта болҗахиг темдглв. Эднә нертә ширән ард сурһулян сәәнәр сурдг, олна бәәдл-җирһлд орлцдг сурһульчнр суудг зөвтә болхмн. Бичкн селәнд өсәд-боссн, мана дунд сурһульд сурч йовсн хальмг көвүд зөрмг өвкнриннь үлгүрәр Төрскән харсад, цергә даалһвран үнн-чик кевәр күцәснь маднд ик бахмҗ үүдәнә гиҗ Марина Гавриловна келв.

Яшкулин района Хулхт селәнә эргнд Төрскән харсгч Алдр дәәнә йовудт 1942 җилин үкр сард 28-ч Әәрмин дәәчнр догшн дәәлдәнд орлцҗ, хортна дәврлһиг зогсаҗ эн һазрас Хальмг Таңһчан немшнрәс эклҗ сулдхсмн. Тер өршәңгү уга бәәр бәрлдәнә тускар Хулхтын шидрк Төрскнә төлә әмән өгсн баатрмудын санлын бумб тодлулҗана.

Хальмг Таңһчин социальн делгрлтин, күч-көлснә болн көдлмшәр тетклһнә министерств мал асрҗадг олн үртә өрк-бүлмүд дунд марһа давулҗ эдниг урмдулна. Нидн терүнд эврә эдл-аху бәрдг өрк-бүлмүд дунд Лаганя района Красинский селәнд бәәдг олн үртә Руслан болн Байирта Лагаевихн (зургт) диилвр бәрсн билә. Нег һазра улс, үр-иньгүднь болн элгн-саднь эдниг марһана йовудт дөңнәд, дууһан өгәд диилвр бәрснднь байрлв.

Эн җил дунд сурһулян төгсәҗәдг сурһульчнр шаңһа шүүврән шин зокалар өгхмн, шүүвр өглһнә дааврта кем мөчн сарин 1-әс авн эклх. Ямр нег учрар болзгаснь урд шүүврән моһа сарин 20-әс авн өгч болхмн билә. Тиим кевәр багшнр болн сурһульчнр сурһулин җилән мөчн сарин 1 күртл дигтә-даратаһар төгсәх цаг бәәнә. Ик сурһульд орхин төлә хамгин баһ гисн баллын кемҗән бас сольгдв. Үлгүрнь, физикәр 41 балл (урднь - 39) авх кергтә бәәсмн, зәңгллһәр - 46 (44), тууҗар – 40 (36), һазадын келәр – 40 (30), химийәр - 40 (39), биологийәр - 40 (39) балл эрк биш хоршах кергтә болҗана.