В Элисте состоялось значимое событие для духовной и патриотической жизни региона – архиепископ Элистинский и Калмыцкий Юстиниан освятил здание филиала Центра «Воин». Правящий архиерей совершил чин освящения и передал в дар коллективу филиала образ Донской иконы Божией Матери, как духовное напутствие и символ покровительства в деле служения Отечеству.

Әрәсән әәмшг уга бәәдл тогталһна бүрдәцсин көдләчнрин сән Өдр угтад, таңһчин Улсин Хуралд (Парламентд) Хальмгин Толһачин элч Манҗин Араш Тамбов балһснд бәәдг ФСБ-н генерал-майор Виктор Сафоновд Б.Б.Городовиковин орден бәрүлҗ өгв.

Таңһчин арһлачнр, буйнч седклтә болн эгл улс цергә шишлң керг-үүлдврт орлцҗадг нег һазра дәәчнрт даңгин хот-хол, дулан хувц, зер-зевән бүркдг гөлм болн талдан керглгдҗәдг тоот цуглулад, даңгин тиигәрән илгәнә. Одахн Зулын байрин өмн таңһчин иргнмүд буйнч аца ачад, Белгородск мүҗд дааврта кергән күцәҗәдг дәәчнрт күргв.

Трудоустройство ветеранов СВО – одно из приоритетных направлений в деятельности Государственного фонда «Защитники Отечества».

В Калмыцком институте переподготовки и повышения квалификации кадров АПК завершился второй поток федерального образовательного проекта «Школа фермера».

Шидр Хальмг ик сурһулин номтнрин хүүвин хург болв. Энд хамгин түрүнд орн-нутгин залврин өгсн даалһвриг дигтә-даратаһар күцәлһнә тускар күүндвр болв. Харһлтыг вузин һардач Салан Бадм секәд, Хальмг ик сурһулин номтнрин күцәҗәх кесг салврин шинҗллт ик чинр зүүҗәхин тускар герчлҗәнә гиҗ онц заав. Эн җил орн-нутгин 7 тиим даалһвр өггдв. Тедниг күцәлһн - мана хамгин чинртә болн дааврта керг болҗана гиҗ Бадм Катинович заав.
Түүнә хөөн орн-нутгин даалһвр күцәлһнә йовудын тускар экономикин номин доктор, профессор Бакинә Татьяна келҗ өгв. Таңһчин экологийин халхар күцәҗәх шинҗллтин тускар номт тодрхаһар цәәлһв.

Шүлгч болн бичәч Тачин Анҗан нерн Хальмг Таңһчд болн түүнә меҗә һатц темдгтә. Эн өдрмүдт бидн алдр бичәчин 105 җилин өөниг өргнәр темдглҗәнәвидн. Эн ончта йовдлд тер мет Хальмг ик сурһульд болсн номин хург нерәдгдв. «Тачин Анҗа: келн-улсин утх-зокъялын болн седкүлчнрин кергин делгрлтд орулсн тәвц» гисн төрәр номтнр, бичәчнр, багшнр тоолврарн хувалцв. Эн хургиг хальмг кел-бичгин болн дорд үзгин шинҗллһнә күрәлң бүрдәв. Эднд Тачин Анҗан өрк-бүлнь дөң болв гиҗ онц заах кергтә. Хургт бичәчин күүкднь Җушхинә (Тачин) Кермн болн Тачин Җирһл орлцҗ тодлврарн хувалцв. Тер мет Хальмг ик сурһулин оютнр болн кесг райодын сурһульчнр Тачин Анҗан үүдәвринь умшҗ марһанд орлцв.

Хальмг Таңһчд сурһульд орад уга бичкдүд гер-интернатд бәәдг медәтнрт концерт үзүлв.

Майор Санчира Санлын нертә Яшкуль селәнә хойрдгч тойгта сурһульд төрскнч сурһмҗд ик оньган өгнә. Энд Алдр Диилврин 80 җилин өөнд нерәдсн кесг керг-үүлдвр болв, 1941-1945 җилмүдин ветеранмудын туск санлыг сурһульчнр әрүнәр хадһлна, 80 җил хооран дәәнд орлцҗасн эврәннь өвкнрин нериг мөңкрүлхин төлә сурһульчнр хәәврин ик көдлмш кенә, теднә дәәч хаалһин тускар келҗ өгнә.

«Чемданд багтсн музей. Баатрмудын дүрмүд» гисн соньн нер керг-үүлдвр зүүснь өврмҗтә. Төрскән харсачин җилд нерәдсн керг-үүлдврт олн күн орлцв.
Лаганя района толһач Коган Юрий соньн эн харһлтын күндтә гиич болҗ орлцсн эн керг-үүлдврин төрскнч седкл сурһмҗллһна, өвкнрин баатр үүлдвриг мартлго, эндрк үйнрт үлгүр болҗ йовлһнд туслх чинринь темдглв. Сурһуль-эрдмин района профсоюзмуд бүрдәсн музейин чинртә эн керг-үүлдвр төрскнә баатрмудын зөргиг тодлулсн үүлдвр болв. Баатрмудын туск санлыг сергәҗ, баһчудт теднә тускар келҗ өгхәр эн керг-үүлдвр бүрдәгдсмн. Төрскән харсачнрин зургуд, теднә зөргтә үүлдврин туск тоот өрк-бүлднь чемданд, эс гиҗ авдрт дүргдҗ, әрүн кевәр хадһлгдна. Диилврин өдрмүдлә эк-эцкнр тер әрүн тоотан авдрас һарһҗ авад, зургудынь күүкд-көвүдтән үзүләд, дәәнд тедн ямаран кевәр дәәлдснә тускар келҗ өгнә. Өрк-бүлд хадһлгдҗадг дәәч зөргин туск бәрмт цаасн болн баатрмудын зургуд цугтад темдгтә болҗ, өсч йовх үйнрт Төрскнә төлә әмән эс әрвлсн әмтнә зөргиг үзүлҗ, үлгүр авхднь туслх седклтәһәр эн керг-үүлдвр болсмн.